మధ్యప్రదేశ్ లో ఉన్న శివపురి లో ఉన్న జలపాతాలలో ఒక ప్రధాన ఆకర్షణ ఈ పవరా వాటర్ ఫాల్స్. సుల్తాన్ గర్ ఫాల్స్ ఇంకా భూర ఖోన్ వాటర్ ఫాల్స్ కి తమదైన ప్రత్యేకత ఉన్నప్పటికీ ఈ పవారా వాటర్ ఫాల్స్ ఆధ్యాత్మికంగా అలాగే ఆహ్లాదకరంగా ఉండే ప్రత్యేకమైన సెలవు ప్రదేశం.
పోహ్రి అనే గ్రామం లో శివపురి నుండి 40 కిలోమీటర్ల దూరం లో ఉన్న ఈ ప్రాంతం లో ఉన్న జలపాతాలు దృష్టి మరల్చనీయనంత అందంగా ఉంటాయి. 500 అడుగుల లోతులో ఉన్న పవా కుండ్ లో కి గల గల మని చేరే ఈ పవా జలపాతం సమ్మోహనపరుస్తుంది. స్కూబా డైవ్ వంటి వాటికి శిక్షణ ఈతగాళ్ళకి ఈ ప్రదేశం అనువైనది. కానీ, స్కూబా డైవ్ కి ఇంకా స్నోర్కేలింగ్ కి కావలసిన సామగ్రి ఈ ప్రాంతం లో అద్దెకి లభించదు.
అధ్బుతమైన శివుడి విగ్రహం ఈ జలపాతాలకే అందాన్ని తెస్తుంది. శివ లీల లను నమ్మే ఎంతో మంది హిందువులకి ఈ ఆలయం పవిత్రమైనది. ఏటవాలు కొండల నడుమ, చుట్టూ జలపాతాలతో పచ్చటి ప్రకృతి మధ్య ఉన్న ఈ ఔదార్యపూరితమైన ఈ విగ్రహం చూస్తే ప్రశాంతత లభిస్తుంది.