ఉదయపూర్ లోని లేక్ పేలస్పిచోలా సరస్సు మధ్యలోని జగ్ నివాస్ ద్వీపంలో నిర్మించిన బ్రహ్మాండమైన కట్టడం లేక్ పాలెస్. 1743 లో మహారాణా జగత్సింగ్ దీనిని వేసవి విడిదిగా కట్టించాడు. ఇప్పుడు ఈ భవంతి ఒక ఫైవ్ స్టార్ హోటల్ గా మారిపోయింది.
అద్భుతమైన వాస్తు నిర్మాణ కౌశలానికి ఈ భవంతి ప్రతీకగా నిలుస్తుంది. ప్రపంచంలోని అద్భుతమైన కట్టడాలలో ఒకటిగా దీనిని పరిగణిస్తారు. అందమైన స్తంభాలతో ఉన్న పైకప్పు, వరుసలుగా ఉండే సభా భవనాలు, ఉద్యానవనాలూ, ఫౌంటైన్ లు ఈ భవంతి అందాన్ని ఇనుమడింప చేస్తాయి.
ఈ భవంతిలోని గదులను గులాబి రాళ్ళు, రంగుటద్దాలు, అర్ధచంద్రాకారపు తోరణాలు, ఆకుపచ్చని తామరాకుల చిత్రాలతో అందంగా అలంకరించారు. కుష్ మహల్, బడా మహల్, దోలా మహల్, ఫూల్ మహల్, అజ్జన్ నివాస్ లాంటి వివిధ విభాగాలు ఉన్నాయి. ఈ భవంతిలో దొరికే సౌకర్యాలలో ఒక బారు, స్విమ్మింగ్ పూల్, కాన్ఫరెన్స్ హాల్ ఉన్నాయి.