వాస్కోడా గామాకు సమీపంలో గోవా కోస్తా తీర మధ్య ప్రదేశంలో బాగ్ మలో బీచ్ కలదు. ఈ ప్రదేశం పూర్తిగా కాస్మోపాలిటన్ తీరు కలది. వివిధ దేశాల ప్రజలు, అనేక వినోద కార్యక్రమాలు, నీటి క్రీడలు కలిగి ఉంటుంది. బాగ్మలో బీచ్ ప్రాధాన్యత అంటే, అది వాస్కో మరియు విమానాశ్రయాలకు సన్నిహితంగా ఉండే బీచ్. మీరు ఉదయం మరియు మధ్యాహ్న సగభాగం వరకు బీచ్ లో ఆనందించవచ్చు.
అక్కడనుండి నేవల్ ఏవియేషన్ మ్యూజియం చేరవచ్చు. లేదా ఇతర బీచ్ లు చూడటం, దోణా పౌలా కు బోట్ షికారు లేదా బాగ్మలో బీచ్ రిసార్టుకు చేరటం వంటివి చేయవచ్చు. సూర్యాస్తమయాలను చూస్తూ ఆనందంగా గోవా ఆహారాలు తినవచ్చు లేదా వైన్ తాగవచ్చు. ఈ బీచ్ లో అనేక షాక్స్ అంటే పూరి పాకలు మీ బసకు కనపడతాయి. బీచ్ లోని దుకాణాలలో కొనుగోళ్ళు చేయవచ్చు.
బాగ్మలోకి సమీపంలోనే డైవింగ్ మరియు స్కూబా సెంటర్లు తెరువబడ్డాయి. ఈ కొత్త క్రీడలోకి గోవా వచ్చే చాలామంది పర్యాటకులు ప్రవేశించి ఆనందిస్తున్నారు. అనుభవం కల క్రీడాకార్లు పడమటి తీరంలో ఉన్న ఈ డైవింగ్ కేంద్ర ఆనందాలను అనుభవించవచ్చు.
నేవల్ ఏవియేషన్ మ్యూజియం ఇక్కడకు దగ్గరే. అనేక సంవత్సరాలనుండి నేటి వరకు గల నౌకా దళ చరిత్రను ఈ మ్యూజియంలో చూడవచ్చు. బీచ్ లో లైఫ్ గార్డులు ఎల్లపుడూ ఉంటాయి. నీరు పరిశుభ్రంగా ఉంటుంది కనుక రోజంతా ఈత కొట్టి ఆనందించవచ్చు.
బాగ్మలో బీచ్ విమానాశ్రయానికి 5 కి.మీ. ల దూరంలో కలదు. క్యాబ్ లో చేరవచ్చు. లేదా హోటల్ అద్దె బైక్ లో కూడా చేరవచ్చు. వాస్కోడా గామానుండి ధైర్యవంతులు, ఉత్సాహ వంతులైనవారు కాలినడకన కూడా బాగ్మలో చేరుకోవచ్చు.