Click it and Unblock the Notifications
దేవుడి స్వంత పట్టణం గా చెప్పబడే కేరళ రాష్ట్రంలో దేవికులం ఒక పర్వత విహార పట్టణం. అనేక సుందర దృశ్యాలు, కొండ చరియలనుండి పారే జలపాతాలు, పచ్చటి ప్రదేశాలు, సుందర పరిసరాలు పర్యాటకులకు ఆహ్లాదం కలిగిస్తాయి. దేవికులం ఇడుక్కి జిల్లాలోని మున్నార్ ప్రాంతానికి 7 కి.మీ.ల దూరంలో కలదు. ప్రకృతి ప్రియులు ఇక్కడ కల వృక్ష మరియు జంతు సంపదలను తనివి తీరా పరిశోధించి ఆనందించవచ్చు. ఇక్కడికల చేపల వేట వీరికి ఆనందాన్నిచ్చే మరొక అంశం కాగలదు. దేవికులంలో ట్రెక్కింగ్ కూడా కలదు. ఇక్కడి తోటలు, ఎర్రటి బంక చెట్లు మధ్యగా ట్రెక్కింగ్ చేస్తూ వుంటే, ఎంతో ఆనందం కలిగిస్తుంది. పర్యటనలు అభిలషించేవారికి స్వర్గధామం
ఈ ప్రాంతం ప్రధాన ఆకర్షణ సీతా దేవి సరస్సు. ఇతిహాసాల మేరకు సీతామ్మవారు ఈ సరస్సులో స్నానం చేసిందని చెపుతారు. ఇక్కడే కల పల్లివాసాల్ జలపాతాలు చాలా అందంగా ఉంటాయి. తప్పక చూడాలి. దేవికులం వృక్ష సంపద గురించి తెలుసుకోవాలంటే అక్కడి తోటల వెంబడి తప్పక తిరగాలి. దేవికులం తో బాటు అక్కడే కల మున్నార్ కూడా చూడవచ్చు.
ఇక్కడి వాతావరణం, సంవత్సరం పొడవునా ఆహ్లాదంగానే ఉంటుంది. వేసవి, వర్షాకాలం, శీతాకాలం ప్రధాన రుతువులు. వేసవులు, వర్షాకాలాలు దేవికులం సందర్శనకు బాగుంటాయి. శీతాకాలంలో ఉష్ణోగ్రతలు బాగా తక్కువకు చేరతాయి. వేసవి ఆహ్లాదకరం. రాత్రులందు తక్కువ ఉష్ణోగ్రతలు. ఇక్కడకు వచ్చే పర్యాటకులు ప్రధానంగా పూర్తి విశ్రాంతి కొరకు వస్తారు. ప్రశాంతమైన వాతావరణం మిమ్మల్ని లోతైన ప్రశాంతతకు చేర్చి మరోమారు మీ దైనందిన కార్యక్రమాలను అమిత ఉత్సహంతో చేసేలా రీఛార్జ్ చేస్తుంది.
