Click it and Unblock the Notifications
చిన్న ఈశాన్య రాష్ట్రం అయిన త్రిపుర కి దక్షిణాన ఉన్న ప్రసిద్ది చెందిన చిన్న పట్టణం ఉదయపూర్. దక్షిణ త్రిపురా జిల్లాకు ఇది హెడ్ క్వార్టర్స్ గా వ్యవహరిస్తుంది. రాజస్తాన్ తో సరి సమానంగా పేరు ప్రఖ్యాతలు సాధించిన ఈ ఉదయపూర్ తనదైన ప్రత్యేకత కలిగినది.
ఉదయపూర్ లో ఇంకా చుట్టూ పక్కల పర్యాటక ప్రదేశాలు
అనేకమైన ఆలయాలకి ఉదయపూర్ ప్రసిద్ది. స్థానిక దైవం త్రిపురా సుందరి దేవిని అలాగే ఇతర దేవతలని కొలవడానికి ఏంతో మంది భక్తులు ఇక్కడికి తరలి వస్తారు. ఈ ప్రాంతపు అందాలని రెట్టింపు చేసే అనేకమైన సరస్సులను ఈ నగరం లో గమనించవచ్చు. అందుకే ఇది సరస్సుల నగరం గా కూడా ప్రసిద్ది చెందింది. ఉదయపూర్ లో ఉన్న సరస్సులు అన్నీ మానవనిర్మితమైనవి. ధని సాగర్, మహాదేవ దిఘి, జగన్నాథ్ దిఘి మరియు అమర్ సాగర్ వాటిలో కొన్ని. త్రిపుర లో ని అగర్తల తరువాత రెండవ పెద్ద నగరము అయిన ఉదయపూర్ దక్షిణ త్రిపుర జిల్లాకు హెడ్ క్వార్టర్స్ గా పనిచేస్తుంది. ఈ నగరం గుండా ప్రవహించే గోమతి నది ఇక్కడ వ్యవసాయానికి సహాయం అందిస్తోంది. అగర్తల నుండి 55 కిలోమీటర్ల దూరం లో ఉన్న ఉదయపూర్ కి ప్రైవేటు వాహనాల ద్వారా లేదా రాష్ట్ర రవాణా బస్సుల ద్వారా సులభంగా చేరుకోవచ్చు.
ఉదయపూర్ లో ఉన్న అన్ని ఆలయాలలో 1501 లో నిర్మితమయిన త్రిపురా సుందరి ఆలయం అత్యంత ప్రసిద్ది చెందినది. అధిక సంఖ్య లో రాష్ట్రం నలు మూలల నుండి భక్తుల తాకిడీ ఉంది. హిందూ పురాణాల ప్రకారం 51 శక్తి పీఠాలలో ఒకటి ఇది. ఈ ఆలయాన్ని అనుకుని ఉన్న పెద్ద సరస్సు కళ్యాణ్ సాగర్ సరస్సు. ఉదయపూర్ లో ని భక్తులు ఎక్కువగా సందర్శించే ఆలయాలలో భువనేశ్వరి ఆలయం కూడా ఉంది.
నజ్రుల్ గ్రంధాగర్ అనబడే ప్రజా గ్రంధాలయం కాజి నజ్రుల్ ఇస్లాం అనబడే బెంగాలీ కవి పేరుతొ ప్రసిద్ది చెందిన పర్యాటక ఆకర్షణ.
