Click it and Unblock the Notifications
షాపూర్ మరియు నూర్పూర్ మధ్య హైవే లో ఉన్న మరొక ప్రధాన పర్యాటక మజిలీ కోట్లా ఫోర్ట్. ఇది కాంగ్రాకి సమీపంలో ఉంది. ఎత్తైన పర్వతంపై ఈ కోట ఉండడం వల్ల ఇక్కడి నుండి పర్యాటకులు చుట్టు పక్కల ఉన్న అందమైన లోయలని అలాగే ప్రకృతి దృశ్యాలని ఆస్వాదించవచ్చు. గులేర్ రాజుల పోషణలో ఈ కోట నిర్మాణం జరిగింది.
పచ్చటి పైన్ చెట్లు అలాగే అడవుల మధ్యలో విరామం పొందేందుకు కోట్లా ఫోర్ట్ ప్రయాణీకులకి చక్కటి అవకాసం అందిస్తుంది. ఈ కోట ప్రాంగణంలో ఉన్న మరొక ఆకర్షణ అయిన బాగులముఖి ఆలయాన్ని కూడా పర్యాటకులు సందర్శించవచ్చు. హిందువుల దైవం అయిన వినాయకుడికి కూడా ఒక చిన్న మందిరం ఉంది. బెంగాల్ రూఫ్ నిర్మాణ శైలిని పోలి ఈ నిర్మాణం ఉంటుంది. అందమైన గోడ చిత్రాలతో ఈ ఆలయం వెలుపలి భాగం అలంకరింపబడి ఉంది. బయటి గోడలలో ఒక గోడపై తోరణాలు మరియు పక్షి గూళ్ళు గమనించవచ్చు.
