పయ్యమ్బలం బీచ్ కి అనుబంధమైన మరి ఒక బీచ్ ఈ మీన్కున్ను బీచ్. కన్నూర్ నుండి 10 కిలోమీటర్ల దూరంలో ఉన్న అజ్హికోడ్ అనే ఊర్లో ఈ బీచ్ ఉంది. మలయాళంలో మీన్ అంటే చేప, కున్ను అంటే కొండ, వీటి నుండి ఈ బీచ్ కి ఆ పేరు వచ్చింది.
ప్రకృతి శోభితమైన ఈ సుందర తీర ప్రాంతం చక్కటి ఇసుక తీరాలతో వరుసలలో ఉన్న కొబ్బరి చెట్లతో అందంగా ఉంటుంది. అతిగా జన సంచారం లేకపోవడం వల్ల ఈ ప్రదేశం ప్రశాంతంగా ఉంటుంది.
ప్రశాంతంగా సమయాన్ని గడపాలనుకునే వారికీ ఇది ఉత్తమమైన ప్రదేశం. బంగారు కిరణాలను ప్రసరించే సూర్యాస్తమయాన్ని చూసి ఆనందించడానికి ఎంతో మంది పర్యాటకులు ఇక్కడికి తరలి వస్తుంటారు. పరిశుభ్రమైన మరియు పరిరక్షితమైన ఈ ప్రదేశాన్ని చూడడానికి కుటుంబసమేతంగా లేదా జంటలుగా ఎప్పుడైనా పర్యటించడానికి ఇది అనువైన ప్రదేశం