కలపెట్ట ఒక చిన్న ప్రశాంతమైన గ్రామం. ఇది సుందరమైన ప్రకృతి దృశ్యాలు మరియు ఎత్తైన పర్వతాలు కలిగి, చుట్టూ విశాలమైన కాఫీ తోటలు కలిగి ఉంది. ఈ ప్రదేశం వయనాడ్ జిల్లలో సముద్ర మట్టానికి సుమారు 780 మీ. ల ఎత్తులో కలదు. ప్రకృతి ప్రియులకు ఇది ఒక అద్భుత ప్రదేశం. మతపర అభిమానులకు పూజలు చేయుటకు ఎన్నో దేవాలయాలు కూడా కలవు.
ఈ ప్రదేశాన్ని హిందువుల పుణ్య క్షేత్రం గా చెపుతారు. ఇక్కడ కల దేవాలయాలలో ప్రసిద్ధి చెందిన దేవాలయాలు గ్రామం దేవి టెంపుల్, శ్రీ మహా విష్ణు టెంపుల్ మరియు ఆయప్ప స్వామి టెంపుల్. మహా విష్ణు దేవాలయం లో పేరుకి తగినట్లు విష్ణు మూర్తి ఉంటాడు. ఈ ప్రాంతం లోని విష్ణు మూర్తి దేవాలయాలలో ఇది చాలా అందమైనది.
గ్రామమం దేవి టెంపుల్ స్థానిక మహిళ లలో పేరు పడింది. ఇక ఆయప్ప దేవాలయం కు ఆయప్ప భక్తులు అధికంగా వస్తారు. ఈ టెంపుల్ కలపెట్ట పొలిమేరలలో కలదు. ఇవే కాక ఇక్కడ అనేక జైన మందిరాలు కూడా కలవు.
పులియార్మాల జైన్ దేవాలయం పేరు గాంచినది. ఈ దేవాలయాలే కాక, కలపెట్ట లో 300 సంవత్సరాల చరిత్ర కల ఒక పురాతన వరంబెట్ట మసీదు కూడా కలదు.
ఈ ప్రదేశం అందాలు ఇక్కడ కల మీన్ ముట్టి, సూచీ పర మరియు కంతా పర జలపాతాలతో మరింత ఆకర్షణీయంగా కనపడతాయి. ఈ జలపాతాలు అన్నీ సమీపం లోనే కలవు. పుణ్య క్షేత్రాలు, మరియు ప్రాంత సహజ అందాలు, కలపెట్ట ని ఒక పర్యాటక ప్రదేశం గా తీర్చి దిద్దాయి. వీటికి తగినట్లు కలపెట్ట వాతావరణం సంవత్సరం పొడవునా అనుకూలంగానే ఉంటుంది. అయినప్పటికీ ఈ ప్రాంత సందర్శనకు శీతాకాలం సరైనది. ఈ ప్రదేశానికి రోడ్డు, రైలు, విమాన మార్గాలలో చేరవచ్చు.