కర్నాటక రాష్ట్రంలోని పడమటి భాగంలో దాగి వున్న చరిత్ర గడగ్ పట్టణం. ఈ పట్టణ విస్తీర్ణం 4656 చ. కి.మీ.లు మాత్రమే అయివుండటంతో పర్యాటకులను పెద్దగా ఆకర్షించదు. కాని భారతీయ కళలను ఇష్టపడే వారు గడగ్ పట్టణాన్ని అలరిస్తున్న వివిధ దేవాలయ సముదాయాల వైభవాలను తప్పక చూసి ఆనందిస్తారు.
గడగ్ పట్టణంలో ఏం చూడాలి? ఏం చేయాలి? గడగ్ దేవాలయాలు చాళుక్యుల కళా పిపాసకు నిదర్శనాలు. ఈ శిల్ప సంపద ఎంతో విభిన్నంగా ఉంటుంది. కొండరాతి గోడలు, దేవాలయాల గోడలపై చెక్కడాలు వంటివి గత చరిత్ర వైభవాన్ని చాటుతూంటాయి.
గడగ్ లో అందరూ మెచ్చే ప్రదేశం అంటే త్రికూటేశ్వర దేవాలయం. యాత్రికులను ఆకర్షించేది దీని శిల్ప వైభవమే కాదు. ఈ దేవాలయానికి మతపర విశిష్టత కూడా ఉంది. ఈ యాత్రా స్ధలం శివ, బ్రహ్మ, విష్ణుమూర్తులైన త్రిమూర్తుల నిలయంగా ఉంటుంది. దీనితో పాటు గడగ్ లో దర్శించదగిన దేవాలయాలు వీర నారాయణ, డంబాల మరియు కాశీ విశ్వేశ్వర దేవాలయాలు. గడగ్ లో చూడవలసింది దేవాలయాలు వాటి శిల్ప సంపదలే కాదు. ప్రకృతి ప్రియులను మాగడి పక్షుల సంరక్షణాలయ జీవ వైవిధ్యం అబ్బుర పరుస్తుంది కూడాను. ఈ బర్డ్ శాంక్చువరీ గడగ్ పట్టణానికి 26 కి. మీ.ల దూరంలో ఉంది.
గడగ్ పట్టణ సందర్శనకు రైలు మార్గం అనువైనది. గడగ్ రైలు స్టేషన్ కలదు. ఇక్కడి నుండి దేశంలోని చాలావరకు అన్ని భాగాలకు రైళ్ళు నడుస్తాయి. అయితే, ఈ పట్టణానికి సమీప విమానాశ్రయం 64 కి.మీ. ల దూరంలో హుబ్లీ వద్ద కలదు.