భట్కల్ పట్టణం కర్నాటక రాష్ట్రంలో అతి పురాతన పట్టణం. గత చారిత్రక వైభవం కలది. దేశంలోని పురాతన ఓడరేవులలో ఒకటి. ఈ పట్టణం ఉత్తర కన్నడ లో కార్వార్ కు 130 కి. మీ. ల దూరంలో ఆహ్లాదకర బీచ్ లతో నిండి ఉంది. భట్కల్ పట్టణం కొంకణ్ రైల్వేకు అనుసంధానించబడి, జాతీయ రహదారి 17 కు దగ్గరగా ఉంటుంది. భట్కల్ పట్టణ గత చరిత్రలోకి తొంగి చూస్తే... భట్కల్ చరిత్ర ఆసక్తి కరంగా ఉంటుంది. అది హొయసల రాజుల వంశ చరిత్రలో ఒక భాగంగా ఉంటుంది. ఎప్పటికపుడు ఈ పట్టణం దండయాత్రలకు గురవుతోంది. ఈ పట్టణాన్ని అనేక వంశాలు పాలించాయి. వాటిలో విజయనగర రాజులు, సాళువ పాలకులు, చోళులు కూడా ఉన్నారు. ఈ పట్టణంపై పోర్చుగీస్ ప్రభావం బాగా ఉంటుంది. టిప్పు సుల్తాన్ తాను బ్రిటీష్ వారిచే పూర్తిగా ఓడించబడేటంతవరకు ఈ పట్టణంపై పట్టు కలిగి ఉన్నాడు.
ఈ రకమైన వివిధ పాలకుల ప్రభావం భట్కల్ పట్టణాన్ని ఒక విభిన్న పట్టణంగా మార్చింది. ఈ పట్టణంలో దేవాలయాలు, మసీదులు, జైన్ చావడులు ఎన్నో ఉన్నాయి. ఈ పట్టణంలోని జామియా మసీద్, ఖలీఫా మసీద్ మరియు నూర్ మసీద్ వంటివి ఎంతో పేరు పొందాయి. ఇక్కడ ఉన్న దేవాలయాలలో కేతపయ్య నారాయణ దేవాలయం ప్రసిద్ధి గాంచింది. పర్యాటకులు ఇక్కడి బీచ్ లలో విశ్రాంతి పొందుతారు.
భట్కల్ సందర్శనకు తేలిక మార్గం అంటే రైలు లేదా రోడ్ మార్గం. దీనికి సమీప విమానాశ్రయం మంగుళూరులో ఉంది. ఆగస్టు నుండి అక్టోబర్ వరకు పర్యాటకులు అధిక సంఖ్యలో సందర్శిస్తారు. ఈ సమయంలో వాతావరణం ఎంతో ఆహ్లాదంగా ఉంటుంది.