అద్భుత సీనరీలు, ఆసక్తి కలిగించే చారిత్రక చిహ్నాలు, సాంప్రదాయ సంస్కృతులు కల కుంటా పట్టణం ఉత్తర కన్నడ జిల్లాలో ఉంది. ఈ ప్రాంత సందర్శన ప్రతి ఒక్కరూ మరువలేని అనుభూతి కాగలదు.
కర్నాటక కోస్తా తీరం వెంబడి కలదు. కుంటా పట్టణం కోస్తా తీరంవెంబడి దాని బీచ్ లు మరియు రాతి నిర్మాణాల నేపధ్యతను కలిగి ఉంది. ఈ చిన్న పట్టణంలో చేయాలన్నా, చూడాలన్నా చాలా కలదు. ఈ ప్రాంతంలోని అఘనాశిని నది అరేబియా సముద్రంలో కలవటం గొప్ప ఆకర్షణ కలిగిస్తుంది. పర్వతారోహకులు, ఇక్కడగల కొండలు ఎక్కవచ్చు. దీనికి కుంటాలో యానా ప్రదేశం బాగుంటుంది. అది చాలా గట్టి రాతి ప్రదేశంగా ఉంటుంది. ట్రెక్కింగ్ కు ఎంతో అనుకూలం. ఓం బీచ్ మరియు గోకర్ణ దేవాలయం వంటివి కుంటా లో ఆకర్షణీయ ప్రదేశాలు. దీనికి కొద్ది దూరంలోనే గోకర్ణ క్షేత్రం ఉంది.
ఆధ్యాత్మ భావనలు కలవారికి కుంటాలోని దేవాలయాలు మధుర భావనల అనుభూతులనిస్తాయి. పురాతన దేవాలయాలైన శ్రీ కుంభేశ్వర, శంకర నారాయణ మరియు శాంతిక పరమేశ్వరి వంటివి ప్రాచీన కవి కళా ఆకృతులకు నిలయాలుగా చెప్పవచ్చు.
కుంటా సందర్శించేవారికి కార్వార్ మరియు హేనోవర్ లు కూడా దర్శించే అవకాశం ఉంటుంది. కార్వార్ లో అనేక బీచ్ లు, దేవాలయాలు ఉన్నాయి. దేవ్ బాగ్ ద్వీపం అందమైనదే కాదు చక్కటి స్కూబా డైవింగ్ కు పనికి వస్తుంది. హేనోవర్ లో సైట్ సీయింగ్ లో షరావతి డెల్టా, కాసర్ గోడ్ బీచ్, అప్సరకొండ జలపాతాలు చూడవచ్చు.
కుంటా మంగుళూరు పట్టణానికి 200 కిలో మీటర్ల దూరంలో ఉంటుంది. పట్టణానికి అయిదు కిలో మీటర్ల దూరంలో రైలు స్టేషన్ కలదు.