పక్క పక్కనే ఉన్న రెండు అందమైన బీచ్ లు కిజ్హున్న మరియు ఎజ్హర ల కి ఇవ్వబడిన పేరు కిజ్హున్న ఎజ్హర బీచ్. కన్నూర్ నుండి 12 కిలోమీటర్ల దూరం లో ఉన్న ఈ బీచ్ ల కి రోడ్డు మార్గం ద్వారా సులభంగా చేరుకోవచ్చు. కన్నూర్ కోస్తా ప్రాంతంలో ఉన్న ఈ బీచ్ లు నిర్మలమైన వాతావరణంతో అందమైన ప్రకృతి సౌందర్యంతో పర్యాటకులని అమితంగా ఆకర్షిస్తున్నాయి.
పొడవాటి సముద్ర తీరాలు, బంగారు వర్ణం ఇసుకతో నిండి అలలు కదలాడుతూ చుట్టు పక్కల ఉన్న అందమైన పర్వతాలు ఈ బీచ్ అందాన్ని ద్విగుణీకృతం చేస్తాయి. సన్ బాతింగ్, స్విమ్మింగ్ ల కి ప్రశాంతమైన ఈ ప్రాంతం అనువైనది.
దైనందిన జీవితపు హడావిడి నుండి దూరంగా వెళ్లి సాయంత్రాలు ఈ బీచ్ లో సేదదీరాలనుకునే వారికి ఇది ఒక అద్భుతమైన ప్రదేశం. భారీ వర్షపాతం నమోదయ్యే రుతుపవనాల సమయాన్ని మినహాయిస్తే సంవత్సరంలో ఎప్పుడైనా ఈ సుందర ప్రదేశాన్ని సందర్శించవచ్చు.