Click it and Unblock the Notifications
జాతీయ పార్కులో బస చేయడమంటే పార్కులో పగలు గడపడానికి మాత్రమే పరిమితం కాదు. జాతీయ పార్కులోనూ, చుట్టుప్రక్కల రెండు రోజుల కాలం పాటు చూడవలసిన అనేక ఆకర్షణలు ఉన్నాయి. సోనిత్పూర్ జిల్లాలోని సబ్-డివిజనల్ పట్టణం గోహ్పూర్ ఒక ప్రసిద్ధ చారిత్రిక పట్టణం. ఒక ప్రసిద్ధ విహార యాత్ర కేంద్రం కకోచంగ్ జలపాతం కూడా సందర్శనకు ఒక ఆసక్తికరమైన ప్రాంతం. నుమాలిఘర్ (గోలాఘాట్ జిల్లా) లోని దియోపర్వతం శిధిలాలను కూడా పర్యాటకులు సందర్శించవచ్చు.
కాజీరంగా చేరడం ఎలా
కాజీరంగా ఒక జాతీయ పార్కు అయినందున, ఇక్కడకు ప్రధానంగా రోడ్డు ద్వారా చేరవచ్చు. ఇది గువహతి నుండి 225 కిలోమీటర్ల దూరంలో ఉంది. జోర్హాట్ కు 80 కి. మీ. ల దూరంలో కలదు. కాజీరంగా చేరడానికి ఉత్తమమైన మార్గం అద్దె క్యాబులు. ఇతర దగ్గరి పట్టణాలు తేజ్పూర్, గోలాఘాట్ రాష్ట్రంలోని ఇతర ప్రాంతాలకు చక్కగా కలప బడ్డాయి.
కాజీరంగా లో వాతావరణం
కాజీరంగా భారీ వర్షాలకు ప్రసిద్ధి చెందింది. ఈ కారణంగా, ఈ జాతీయ పార్కు ఏడాదిలో అనేక నెలల పాటు సందర్శనకు వీలులేకుండా మూసే ఉంచుతారు. ఈ పార్కు మూడు విభిన్న వాతావరణాలు – వేసవి, వర్షాకాలం, శీతకాలాలను చవి చూస్తుంది. వేసవి కాలం పొడిగా, గాలులతోను, వర్షాకాలం తరుచుగా ఈ పార్కును వరదలతో ముంచెత్తుతుంది. ఆహ్లాదకరమైన శీతాకాల౦ జాతీయ పార్కు సందర్శనకు అనువైన సమయం.
