Click it and Unblock the Notifications
హిమాచల్ ప్రదేశ్ లోని సిరాజ్ లోయలో వున్న అందమైన ప్రాంతం షోజా. జలోరీ పాస్ నుంచి దాదాపు 5 కిలోమీటర్ల దూరంలో వుండే షోజా సముద్ర మట్టానికి 2368 మీటర్ల ఎత్తున వుంటుంది. ఇది మంచుతో కప్పబడిన హిమాలయాల అందమైన దృశ్యాల్ని అందిస్తుంది.
సేరోల్సార్ సరస్సు, రఘుపూర్ కోట, జలపాత కేంద్రం, జలోరీ పాస్, తీర్థాన్ లోయ ఇక్కడి ప్రధాన పర్యాటక ఆకర్షణలు. కఠినమైన మెటల్ రోడ్డు గల జలోరీ పాస్ షోజాను షిమ్లా లాంటి చుట్టుపక్కల ప్రాంతాలకు కలుపుతుంది.
జలోరీ పాస్ నుంచి 5 కిలోమీటర్ల దూరంలోని సేరోల్సార్ సరస్సు కూడా షోజా లో ప్రసిద్ది చెందిన మరో ప్రదేశం. బుధి నాగిన్ అనే దేవత కోసం నిర్మించిన ప్రసిద్ద దేవాలయం కూడా ఈ ప్రాంతంలో వుంది. ఈ ప్రాంతానికి సంరక్షురాలిగా పిలువబడే ఈ అధిదేవతకు నూర్గురు కుమారులున్నారని చెప్తారు.
షోజా లో తప్పక చూడవలసిన ప్రాంతాల్లో ఒకటి జలపాత కేంద్రం. ప్రకృతి ఒడిలో వున్న ఈ జలపాత కేంద్రం అచ్చేరువొందించే ఆనందంతో అలరారుతోంది. షోజా నుంచి కేవలం 1కిలోమీటర్ దూరంలోనే ఉండడంతో ఉదయం పూట నడక కోసం జనం ఇక్కడి దాకా వస్తారు. ఇక్కడి నీరు చల్లగా, తీయగా ఉంటాయని చెప్తారు.
వాయు, రైలు, రోడ్డు మార్గాల ద్వారా ప్రయాణికులు షోజా కు తేలిగ్గా చెరుకొవచ్చు. కులు మనాలీ గా పిలువబడే భు౦టార్ విమానాశ్రయం షోజాకు బాగా దగ్గర. ఇక్కడినుంచి 80 కిలోమీటర్ల దూరంలో వున్న ఈ విమానాశ్రయం న్యూ డిల్లీ, షిమ్లా లాంటి అనేక భారతీయ నగరాలకు అనుసంధానించబడి వుంది. 164 కిలోమీటర్ల దూరంలో వున్న జోగిందర్ నగర్ ఇక్కడికి దగ్గరి రైల్వే స్టేషన్. కులు నుంచి షోజా కు నిత్యం బస్సులు నడుస్తాయి.
ఏడాది పొడవునా ఈ ప్రాంతంలో ఒక మాదిరి వాతావరణం వుంటుంది, అయినా వేసవి లో ఈ ప్రాంతాన్ని సందర్శించడం ఉత్తమం అంటారు.
