తూథుకుడిలో ఇంకా చుట్టూ పక్కల ఉన్న పర్యాటక ప్రదేశాలు

సముద్ర ప్రేమికులకు తూథుకుడి అనువైన పర్యాటక ప్రదేశం. ఈ ప్రాంతంలో ఉన్న ప్రధాన పర్యాటక ఆకర్షణ ఇక్కడ ఉన్న నౌకాశ్రయం. పార్కులకి ప్రసిద్ది చెందిన ఆ పట్టణంలో హార్బర్ పార్క్, రాజాజీ పార్క్ అలాగే రోచ్ పార్క్ లు ప్రసిద్ది చెందినవి.

సుబ్రహ్మణ్య స్వామి కి అంకితమివ్వబడిన తిరుచెండుర్ ఆలయానికి ఈ నగరం ప్రసిద్ది చెందింది. సెంట్రల్ మెరైన్ ఫిషరీస్ రీసెర్చ్ ఇన్స్టిట్యూట్ (CMFRI) కి కూడా ఈ నగరం ప్రసిద్ది చెందింది. మనపాడ్ కలుగుమలై, ఒట్టపిడరం, ఎట్టయపురం, కొరకై అతిచనల్లుర్, వంచి మనియచి మరియు పంచలంకురిచి నవ తిరుప్పతి వంటివి ఇక్కడ ఉన్న మరికొన్ని పర్యాటక ఆకర్షణలు.

రాక్ కట్ జైన్ టెంపుల్ అయిన కలుగుమలై, కొరకై ట్యాంక్ అలాగే వేట్ట్రివేలమ్మన్ ఆలయాలు ఇక్కడ ప్రసిద్ది చెందిన మరికొన్ని పర్యాటక ఆకర్షణలు. ఇవి పిక్నిక్ స్పాట్ లా కూడా ప్రసిద్ది. స్వాతంత్ర్య పోరాటం లో బ్రిటిష్ వారికి వ్యతిరేకంగా పోరాడిన స్వాతంత్ర్య సమరయోధుడు వీరపాండియన్ కట్టబోమ్మన్ కి అంకితమివ్వబడిన కట్టబొమ్మన్ మెమోరియల్ ఫోర్ట్ అనే చారిత్రక ప్రదేశం కూడా ఇక్కడ చూడవచ్చు.

చరిత్ర లోకి ప్రయాణం

తిరు మందిర్ నగర్ గా కూడా పిలువబడే తూథుకుడి లో హనుమంతుల వారు సీతా దేవి అన్వేషణ లో భాగంగా గురించి లంకకు చేరే మార్గంలో ఇక్కడ కొద్ది సేపు బస చేసారని పురాణాలు చెబుతున్నాయి. అందుకే ఈ నగరం యొక్క పేరు 'తూతాన్' అంటే 'వార్తాహరుడు' లేదా 'దూత' అనే అర్ధం వచ్చేలా ఉంటుంది. అంతే కాదు, 'తూర్తు' అంటే సముద్రం నుండి తిరిగి పొందిన భూమి' అని 'కుడి' అంటే 'పరిష్కారం' అని అర్ధం. చరిత్ర నుండి ఈ నగరం నౌకాశ్రయ నగరంగా ప్రసిద్ది. పాండ్యన్ పాలన లో ఇది ప్రఖ్యాతి చెందిన ఓడరేవు.

1548 లో ఈ నగరం పాండ్యన్ చేతి నుండి పోర్టుగీసు చేతి లో కి వెళ్ళిపోయింది. ఆ తరువాత 1658 లో ఈ నగరం డచ్ చేతి లో కి ఆ తరువాత 1825 లో బ్రిటిష్ అధీనం కి వెళ్ళిపోయింది. 1866 లో మున్సిపాలిటీ గా ఏర్పడ్డ ఈ నగరం లో రోచ్ విక్టోరియా చైర్మన్ గా నియమింపబడ్డారు. ఆ తరువాత 2008 లో ఈ నగరం కార్పొరేషన్ గా ఏర్పాటు చెయ్యబడింది.

తూథుకుడి కి ఎలా చేరాలి?

దేశం లోని మిగతా ప్రాంతాల నుండి తూథుకుడి కి చాలా సులభంగా చేరుకోవచ్చు. ఈ నగరంలో ఉన్న విమానాశ్రయం చెన్నైకి చక్కగా అనుసంధానమై ఉంది. ఈ నగరంలో ఉన్న రైల్వే స్టేషన్ దక్షిణ భారత దేశంలోని మిగతా ప్రాంతాలకు చక్కగా అనుసంధానమై ఉంది. తమిళనాడు లోని మిగతా నగరాల నుండి ఈ నగరానికి బస్సు సర్వీస్ లు తరచుగా అందుబాటులో ఉన్నాయి.

తూథుకుడి వాతావరణం

తూథుకుడి ఉష్ణమండల వాతావరణం కలిగిన ప్రదేశం. ఇక్కడ వేసవి కాలం చాలా వేడిగా ఉంటుంది. అందువల్ల వేసవి కాలంలో ఈ నగరానికి ప్రయాణం ఎంతో కష్టం. వర్షాకాలంలో ఇక్కడ తరచూ జల్లులు కనిపిస్తాయి. అందువల్ల ఈ కాలంలో పర్యాటకుల కార్యక్రమాలకి వర్షం అడ్డుగా ఉండవచ్చు. అందువల్ల ఈ నగరాన్ని సందర్శించేందుకు ఉత్తమ సమయం అక్టోబర్ నుండి మార్చ్ మాసాలు. ఈ సమయంలో వాతావరణం ఆహ్లాద కరంగా ఉంటుంది.