కోలార్, కర్నాటకకు తూర్పు అంచున ఉన్న ఒక ప్రశాంతమైన పట్టణం. కోలార్, తమిళనాడు, ఆంధ్రప్రదేశ్ ల సరిహద్దులో ఉండి 3,969 కిలోమీటర్ల మేర విస్తరించిఉంది. కోలార్ బంగారు గనులకు ప్రసిద్ది చెందింది, కానీ అలాగే దీనికి బంగార౦ లాంటి చరిత్ర కూడా ఉంది – ఈ పట్టణం గతంలో కొన్ని నిజంగా అద్భుతమైన దేవాలయాలు, కోటలు కలిగిఉంది.
కోలార్ ను అల్లుకున్న కథలు ;
కోలార్ చుట్టూ అనేక పురాణాలూ, కథలలో సనాతన రుషి వాల్మీకి ఇక్కడే నివాసం ఉండేవారన్నది ఒకటి. రాముడు తన వనవాసంలో కోలార్ ని సందర్శించాడు, రాముడు సీతను వదలివేసిన తరువాత ఆమె ఇక్కడే ఆశ్రయం పొందింది. వారి కుమారులైన లవకుశులు కోలార్ లోని వాల్మీకి ఆశ్రమంలోనే జన్మించారు. యోధుడు-ముని అయిన పరశురాముడు కోలార్ పడమటి అంచున ఉన్న పచ్చని కొండలపై నివసించేవాడని చెప్తారు.
దీని చరిత్ర ఆధారంగా ఇది పూర్వం నించి కొలార్ గానే పిలువబడింది. కోలార్ అనే పదం కొలహలపుర అనగా “హింసాత్మక నగరం”అనే పదం నుండి ఉద్భవించింది. ఈ ప్రశాంత పట్టణంలోని కొండలు చోళ, చాళుక్య రాజవంశాల మధ్య జరిగిన హింసాత్మక యుద్ధాలకు సాక్షులు.
గత వైభవపు ఆనవాళ్ళు ఇప్పటికీ ఈ పట్టణంలో చూడవచ్చు. ఇక్కడ కొలారమ్మ, సోమేశ్వర దేవాలయాలు చూడదగ్గవి. ఇక్కడ పారాసైలింగ్, పర్వతారోహణ వంటి సాహస క్రీడలు పర్యాటకుల్లో బాగా ఆదరణ పొందాయి. కోలార్, బెంగుళూరుకి 65 కిలోమీటర్ల దూరంలో ఉంది, రైలు, రోడ్డు మార్గాల ద్వారా బాగా అనుసంధానించబడి ఉంది.