న్యూ ఓఖ్లా ఇండస్ట్రియల్ డెవలప్మెంట్ అధారిటీ కి నోయిడా సంక్షిప్త నామం. నోయిడా నిర్వాహణా సంస్థ పేరు కూడా అదే. 17 ఏప్రిల్ 1976 లో ఈ సంస్థ ప్రారంభమయ్యింది. ప్రతీ సంవత్సరం ఏప్రిల్ 17 ని "నోయిడా డే" గా జరుపుకుంటారు.
ఇండియా ఐటీ కెంద్రం
నోయిడా ఉత్తర్ ప్రదేశ్ గౌతం బుద్ధా నగర్ జిల్లాలో ఉంది. దీని పరిపాలన కి సంబంధించిన ప్రధాన కార్యాలయం దగ్గరలోని పట్టణమయిన గ్రేటర్ నోయిడా లో ఉంది. గుర్గావ్ తో పాటు నోయిడా కూడా ఇప్పుడు ఐ.టీ. కేంద్రంగా విరాజిల్లుతోంది. దాదాపు అన్ని మల్టీ నేషనల్ కంపెనీల కార్యాలయాలు ఇక్కడ ఉన్నాయి. ఐబీఎం,మిరాకిల్,ఫూజిట్సు,ఏఓఎన్ ,హెవిట్,ఎబిక్స్,సీఎస్సీ,ట్రిబల్ ఫ్యూజన్ టీసీఎస్,విప్రో, హెచ్సీఎల్,తెక్ మహీంద్రా,ఎడోబీ,డెల్ కంపెనీలు మచ్చుకు కొన్ని. చాలా కంపెనీలు నోయిడాని తమ ప్రధాన కార్యాలయ కేంద్రంగా చేసుకోవడానికి ముఖ్య కారణం ఇక్కడ కార్యాలయాల్ని ఏర్పాటు చేసుకోవడం వల్ల ఏర్పడే సెజ్ హోదా యే. న్యూఢిల్లీ కి దగ్గరగా ఉండటం కూడా మరొక ముఖ్య కారణం. భారత దేశంలో ఐ.టీ.పరిశ్రమ ని ప్రోత్సహించడానికి ప్రభుత్వం ఏర్పాటు చేసిన సాఫ్ట్ వేర్ టెక్నాలజీ పార్క్ కూడా ఇక్కడే ఉంది.
నోయిడా కీర్తికి మరొక కారణం సందీప్ మార్వాచే స్థాపించబడ్డ ఫిలిం సిటీ. ఇ ప్పుడు ఈ ఫిలింసిటీ అనేక చానెల్స్ కి ముఖ్య కేంద్రం. ఎండీ టీవీ,టి వి టుడే గ్రూప్,సీ ఎన్ ఎన్-ఐబీ ఎన్,జీ న్యూస్ మరియు సీ ఎన్ బీ సీ లు ఇక్కడ ఉన్నాయి. ఇంకా నోయిడా అనేక ఇష్టాగోష్టులు,సమావేశాలకి ముఖ్య కేంద్రం కూడా. ఢిల్లీ అంతర్జాతీయ ఎక్స్పో సెంటర్ లో ఉన్న అతి పెద్ద ఎగ్జిబిషన్ వేదికైన ఇండియన్ ఎక్స్పో సెంటర్ అండ్ మార్ట్(ఐ.ఈ.సీ.ఎం.)కూడా ఉంది.
నోయిడా మెట్రో రైలు ద్వారా ఢిల్లీకి కలపబడి ఉంది. ఇంకా అనేక షాపింగ్ మాల్స్,గ్రేట్ ఇండియా ప్లేస్ లాంటి మల్టీప్లెక్స్ లు కూడా ఉన్నాయి. నోయిడా అనేక ఇష్టాగోష్టులు,సమావేశాలు,ఎక్జిబిషన్ పరిశ్రమల కి ముఖ్య కేంద్రం. ఐ.ఈ.సీ.ఎం. 2015 కల్లా 400 గదులతో ఉన్న ఐదు నక్షత్రాల హోటల్ ని నిర్మించడానికి ప్రణాళిక రచిస్తోంది.
పరిశుభ్రత విషయంలో నోయిడా భారత దేశంలో 17 వ స్థానాన్ని ఆక్రమిస్తే గుర్గావ్ 87 వస్థానాన్ని ఆక్రమించి పరిశుభ్రత విషయంలో నోయిడా కి బహు దూరంగా ఉంది.
నోఇడా చుట్టు పక్కల గల పర్యాటక స్థలాలు:నోయిడా లో ఈ మధ్య కాలంలో రియల్ ఎస్టేట్ రంగం గణనీయ వ్రుద్ధి రేటు సాధించింది. ఇంకా ఇంటర్నేషనల్ రిక్రియేషన్ పార్క్స్ ప్రైవేట్ లిమిటెడ్ మరియు యూనీటెక్ సంయుక్తంగా నిర్మిస్తున్న ప్రతిష్టాత్మక ప్రాజెక్టు "వరల్డ్స్ ఆఫ్ వండర్ లాంటి వి కూడా వచ్చాయి. నోయిడా లో ఉన్న గ్రేట్ ఇండియన్ ప్లేస్ ఉత్తర భారదేశంలో కెల్లా పెద్దది. ప్రపంచంలో ప్రసిద్ధి చెందిన అన్ని బ్రాండ్ల దుకాణాలు దీనిలో కొలువు దీరాయి. ఇంకా అనేక వినోదాత్మక కేంద్రాలు,మల్టీప్లెక్స్లు కూడా ఉన్నాయి.
ఇలాంటి తళుకు బెళుకుళే కాకుండా నోయిడాలో సాయిబాబ గుడి, ఇస్కాన్ గుడి, లోటస్ టెంపుల్
కూడా ఉన్నాయి. ఓఖ్లా పక్షి సంరక్షణా కేంద్రం సిటీ రణగొణ ధ్వనుల నుండి దూరంగా ఉండి ఆహ్లాదాన్ని పంచుతుంది. సెక్టార్ 18 మార్కెట్ నోయిడా ముఖ్య షాపింగ్ కేంద్రం.
నోయిడా చేరుకోవడం
నోయిడాని వాయు,రైలు,రోడ్డు మార్గాల ద్వారా సులభంగా చేరుకోవచ్చు. ఇంకా ఢిల్లీ లో ఉన్న రెయిల్ హెడ్ ద్వారా కూడా చేరుకోవచ్చు.