లాహిరి...లాహిరికి అనువైన ప్రాంతాలు

వారణాసి నుంచి కలకత్తా

P.C: You Tube

భారతదేశంలో గంగానదిని అత్యంత పవిత్రంగా భావిస్తారు. ఈ నది అనేక రాష్ట్రాలు, పట్టణాల గుండా ప్రవహిస్తుంది. ఈ నేపథ్యంలో ఈ గంగానదిలో కలకత్తా నుంచి వారణాసికి నౌకా ప్రయాణం మరిచిపోలేని అనుభూతిని మిగులుస్తుందని చెప్పడం అతిశయోక్తి కాదు. మొత్తం 10 నుంచి 12 రోజుల పాటు సాగే ఈ నౌకాయానం మధ్యలో అనేక ధార్మిక, పర్యాటక కేంద్రాలను కూడా సందర్శించుకోవచ్చు.

బ్రహ్మపుత్ర నదిలో

P.C: You Tube

భారతదేశంలో మరో అతి ముఖ్యమైన నది బ్రహ్మపుత్ర. దీనిని కూడా పవిత్రమైన నదీజలాల్లో ఒకటిగా భావిస్తారు. మొత్తం 10 రోజుల పాటు ఈ నదిలో ప్రయాణించడానికి వీలుగా అనేక ప్యాకేజీలతో కూడిన నౌకాయానాలు అందుబాటులో ఉన్నాయి. ఈ నదులో ప్రయాణం చేసే సందర్భంలో మజులీ ఐల్యాండ్ అందాలు, ఖడ్గమ`గాలకు పేరుగాంచిన ఖాజీరంగా నేషనల్ పార్క్ ను కూడా చూడవచ్చు.

సుందర్ బన్స్

P.C: You Tube

ప్రపంచంలో అత్యంత పొడవైన మడ అడువల గుండా వెళ్లే నది జలాలలతో పాటు ప్రయాణం చేయాలనుకొంటే సుందర్ బన్స్ ను ఎన్నుకోవచ్చు. ఇక్కడ అత్యంత అరుదైన రాయల్ బెంగాల్ టైగర్స్ ను కూడా మనం చూడవచ్చు. ఈ ప్రయాణంలో ప్రక`తి అందాలతో పాటు అందమైన పల్లెవాతావరణం, రుచులను కూడా ఆస్వాధించవచ్చు.

చిల్కా సరస్సు

P.C: You Tube

చిల్కా సరస్సు ఉప్పునీటి సరస్సు. భారత దేశంలో అతి పెద్ద, ప్రపంచంలో రెండో కోస్తా తీర ప్రాంత సరస్సు. వలస వచ్చే వేలాది పక్షిజాతుల అందాలను చూడటానికి ఈ చిల్కా సరస్సు లో పడవ ప్రయాణాన్ని ఎంచుకోవచ్చు. ముఖ్యంగా బర్డ్ వాచర్స్ కు ఈ చిల్కా సరస్సు స్వర్గధామం.

అలప్పూజ

P.C: You Tube

కేరళలోని వేంబనాడ్ లేక్ లో గూడ పడవల్లో ప్రయాణం జీవితంలో మరిచిపోలేని అనుభూతిని మిగులుస్తుందని చెప్పడం అతిశయోక్తి కాదు. ముఖ్యంగా హనీమూన్ జంటలకు ఈ అలప్పూజ ఖచ్చితంగా నచ్చుతుంది. ఇక్కడ బడ్జెట్ పడవుల నుంచి లక్సురీయస్ పడవల వరకూ ప్రతి వర్గానికి అనువైన గూడు పడవలు దొరుకుతాయి. పడవల్లో ప్రయాణిస్తూ కేరళ రుచులను ఆస్వాధించాలనుకొనేవారికి అలప్పూజ లో గూడు పడవల ప్రయాణం మించినది మరొకటి లేదు.