సాంతానం కావాలా ఇక్కడికి వెళ్లండి?

హిందూపురాణాలను అనుసరించి బ్రహ్మచారిణీ పూజకు అత్యంత మహత్మ్యం ఉంది. ముఖ్యంగా నవరాత్రి ఉత్సవాల్లో భాగంగా రెండో రోజు ఈ అమ్మవారిని పూజిస్తారు. ఈ బ్రహ్మచారిణిని పూజించడం వల్ల అన్ని రకాల కోరికలు నెవరవేరుతాయని చెబుతారు. ముఖ్యంగా సంతానం లేనివారికి వారి కోరిక తీరుతుందని చెబుతారు. ఇంతటి మహిమాన్వితమైన దేవతకు దేశంలో కేవలం ఒకే ఒక చోట దేవాలయం ఉంది. ఆ దేవాలయానికి సంబంధించిన పూర్తి వివరాలు మీ కోసం... P.C: You Tubeహిందువుల ప్రముఖ పుణ్యక్షేత్రమైన వారణాసిలోని ఈ బ్రహ్మచారిణి దేవాలయం ఉంది. బ్రహ్మచారిణి దేవాలయం దేశంలో ఇక్కడ మాత్రమే ఉంది. వారణాసిలోని దుర్గాఘాట్ దగ్గరే ఈ బ్రహ్మచారిణి దేవాలయం ఉంది. P.C: You Tubeఈ ప్రాంతం హిందూ ధార్మిక కార్యక్రమాలకు ప్రముఖ నిలయం. హిందూ ధర్మం ప్రకారం ధార్మికంగా ముఖ్యమైన రోజుల్లో ఇక్కడ ప్రత్యేక పూజలు జరుగుతుంటాయి. పార్వతీ దేవి పరమేశ్వరుడిని భర్తగా పొందడం కోసం కఠోర తపస్సు చేస్తుంటుంది. P.C: You Tubeఅందులో భాగంగా మొదట కేవలం పళ్లు మాత్రమే తింటూ ఉంటుంది. అటు పై వాటిని కూడా వదిలి కేవలం నీటిని మాత్రం తాగి తపస్సు కొనసాగిస్తుంటుంది. ఆ రూపమే బ్రహ్మచారిణి అని పిలుస్తారు. నవరాత్రి రోజుల్లో రెండో రోజున పూజిస్తారు. P.C: You Tubeఆ రోజు తెల్లవారుజాము నుంచే ఇక్కడ భక్తులు కిలోమీటర్లమేర నిలుచొని ఉంటారు. ఆ సమయంలో భక్తులు అమ్మవారికి కొబ్బరినీరును నైవేద్యంగా సమర్పిస్తుంటారు. పూల దండలతో పాటు తెల్లని వస్త్రాలను కూడా కానుకగా అందజేస్తుంటారు. P.C: You Tubeకొన్ని కిలోమీరట్ల మేర భక్తులు నిల్చొని ఉంటారు. దుర్గాదేవి రెండో రూపమే బ్రహ్మచారిణి రూపం అని అంటారు. ఈ దేవి కుడిచేతిలో జపమాల, ఎడమ చేతిలో కమండలం ఉంటుంది. దుర్గాదేవిని ఈ బ్రహ్మచారిణి రూపంలో పూజించేవారికి సాక్షాత్తు పరమేశ్వరీ మాత ఆశిర్వాదం దొరుకుతుందని చెబుతారు. P.C: You Tubeముఖ్యంగా కీర్తి అనేక రెట్లు పెరుగుతుందని నమ్ముతారు. అందుకే ఇక్కడ అమ్మవారి దర్శనం చేసుకోవడానికి కాశి నుంచి మాత్రమే కాకుండా దేశంలోని చాలా ప్రదేశాల నుంచి చాలా మంది ఇక్కడికి వస్తుంటారు. P.C: You Tubeముఖ్యంగా నవరాత్రి రోజుల్లో ఇక్కడ లక్షల సంఖ్యలో భక్తులు వస్తుంటారు. ముఖ్యంగా సంతానభాగ్యం కోసం ఇక్కడ వేల మంది ప్రజలు వివిధ ప్రాంతాల నుంచి ఇక్కడికి వస్తుంటారు. ఈ దేవాలయం మొత్తం నల్లటి గ్రానైట్ రాయితో నిర్మించారు. ఈ దేవాలయం వాస్తుశైలి ద్రవిడ వాస్తు శైలిని పోలి ఉంటుంది.