చుట్టూ జలపాతాలు, సరస్సులు, కొండల సమ్మేళనానికి చేరువగా ప్రయాణించాలని ఎవరు కోరుకోరు. ఇప్పుడు మనం చెప్పుకోబోయే ప్రదేశం కేవలం ఒక రకమైన హిల్ స్టేషన్ మాత్రమే కాదు. ఇది సందర్శకుల్లో ఓ నూతన ఉత్తేజాన్ని కలిగిస్తుంది. పశ్చిమ కనుమలపై ఎత్తయిన వాయనాడ్ అనేక విభిన్న గిరిజన ప్రజల నివాస కేంద్రంగా ఉంది. ఇక్కడ ఉష్ణోగ్రతలు నిత్యం చాలా ఆహ్లాదకరంగా ఉంటాయి.
ఆకర్షణీయ ప్రదేశాల చిరునామా.. వాయనాడ్!
చుట్టూ జలపాతాలు, సరస్సులు, కొండల సమ్మేళనానికి చేరువగా ప్రయాణించాలని ఎవరు కోరుకోరు. ఇప్పుడు మనం చెప్పుకోబోయే ప్రదేశం కేవలం ఒక రకమైన హిల్ స్టేషన్ మాత్రమే కాదు. ఇది సందర్శకుల్లో ఓ నూతన ఉత్తేజాన్ని కలిగిస్తుంది. పశ్చిమ కనుమలపై ఎత్తయిన వాయనాడ్ అనేక విభిన్న గిరిజన ప్రజల నివాస కేంద్రంగా ఉంది. ఇక్కడ ఉష్ణోగ్రతలు నిత్యం చాలా ఆహ్లాదకరంగా ఉంటాయి. కేరళలోని వాయనాడ్తోపాటు చుట్టుపక్కల ఉన్న ప్రధాన ఆకర్షణీయమైన ప్రాంతాలను చూద్దాం.
చెంబ్రా శిఖరం
చెంబ్రా 2,000 మీటర్ల అపారమైన ఎత్తులో ఉన్న వాయనాడ్ కొండ శ్రేణిలోని ఎత్తైన శిఖరాలలో ఒకటి. ఈ శిఖరం మెప్పాడి పశ్చిమ కనుమల పచ్చదనంతో నిండి ఉంటుంది. ఈ శిఖరంపైకి ఎక్కి కిందకు దిగేందుకు ఒక రోజు పడుతుంది. పర్యాటకులకు ఆకట్టుకునే ప్రయాణ అనుభూతిని అందిస్తుంది. ఇక్కడ క్యాంపు వేయాలనుకునేవారు వాయనాడ్లోని డిస్ట్రిక్ టూరిజం ప్రమోషన్ కౌన్సిల్ను సంప్రదించవచ్చు.
బాణాసుర సాగర్ డ్యామ్
బాణాసుర సాగర్ డ్యామ్ మిత్ర బృందంతో సందర్శించడానికి అత్యంత ఆకర్షణీయమైన పర్యాటక ప్రదేశాలలో ఒకటి. ఇది మన దేశంలో అతిపెద్ద ఎర్త్ డ్యామ్గా పేరొందింది. ఈ డ్యామ్ వాయనాడ్లోని దక్షిణ పశ్చమ ప్రాంతంలో కరలాడ్ సరస్సుకు దగ్గరగా ఉంది. బాణాసుర ప్రాజెక్ట్ ప్రాంతం మొత్తం బణాసుర పర్వత శిఖరాగ్రానికి ప్రారంభ స్థానం. బహుశా దాని ఆకట్టుకునే అందం కారణంగానే ఎక్కువ సంఖ్యలో పర్యాటకులు వార్షిక ప్రాతిపదికన ఈ ప్రదేశాన్ని సందర్శిస్తారు.
కురువ ద్వీపం
కురువ ద్వీపం వైవిధ్యమైన వృక్షజాలం, జంతుజాలంతో నిండి ఉంది. వాయనాడ్ పర్యటనకు వెళ్లాలని ఆలోచించే సందర్శకులకు ఈ ద్వీపాలను అత్యంత అద్భుతమైన ప్రయాణ ఎంపికలలో ఒకటిగా మార్చడానికి ఈ అంశం కారణం కావచ్చు.
వాయనాడ్ వన్యప్రాణుల అభయారణ్యం
వాయనాడ్ వన్యప్రాణుల అభయారణ్యం సందర్శించడం సందర్శన జాబితాలో చేర్చవలసిన అత్యంత ముఖ్యమైన ప్రదేశాలలో ఒకటి. ఈ ప్రదేశం దాదాపు 344 చదరపు కిలోమీటర్ల విస్తీర్ణంలో విస్తరించి ఉంది. దీనిని ముతంగ వన్యప్రాణుల అభయారణ్యం అని కూడా పిలుస్తారు. ఇది మొత్తం నీలగిరి బయోస్పియర్ రిజర్వ్లో అంతర్భాగం.
ఎడక్కల్ గుహలు
ఈ గుహలు సముద్ర మట్టానికి 1200 మీటర్ల ఎత్తులో ఉంటాయి. వీటి ఎత్తు 96 అడుగులు, వెడల్పు 22 అడుగులుంటాయి. వీటిలో వాల్ కార్వింగ్స్(గోడ మీద వేసిన బొమ్మలు) ఆకట్టుకుంటాయి. వాటిలో మనుషులు, జంతువుల పెయింటింగ్స్ ఉంటాయి. అవి నియోలిథిక్ యుగానికి సంబంధించినవిగా గుర్తించారు. మొదట దీన్ని 'ఎడిక్కల్' అనేవాళ్లు. అంటే 'మధ్యలో ఉన్న రాయి' అని అర్థం. ఎందుకంటే రెండు రాళ్ల మధ్య ఒక చిన్న రాయి సహజంగా ఏర్పడడం వల్ల దీన్ని అలా పిలుస్తారు.
నీలిమల వ్యూ పాయింట్
అద్భుతమైన ప్రకృతి దృశ్యాలతో పాటు పచ్చని పర్వత దృశ్యాలను చూస్తూ విశ్రాంతి తీసుకోవడానికి ఇది చాలా మంచి సహజ ప్రదేశం. కుటుంబ సభ్యులు, స్నేహితులతో ప్రశాంతమైన సమయాన్ని గడపడానికి ఈ స్థలం చాలా ఉత్తేజకరమైనది. సహజసిద్ధ ప్రకృతి అందాలకు ఈ ప్రాంతం నెలవుగా చెప్పుకోవచ్చు.