రాజస్థాన్ లోని పాలి జిల్లలో రానక్ పూర్ ఒక చిన్న గ్రామం.ఆరావళి పర్వతశ్రేణులలో పశ్చిమాన ఉదయపూర్ జోద్ పుర్ లకు మధ్యన రానక్ పూర్ ఉంది.జైన మత ప్రాధాన్యత కల్గిన 15 వ శతాబ్దానికి చెందిన జైన మత దేవాలయం గల ప్రాంతంగా ఈ గ్రామం ప్రసిద్ధి చెందింది.ఈ ఆలయ గొప్ప తనం దీని ఎత్తైన ఉన్నత స్తంభాల వలన తెలుస్తుంది.
అంతులేని ఎడారి నెపథ్య౦తో దేవాలయ అందాలు మంత్రముగ్ధుల్ని చేస్తాయి.రానక్ పూర్ లో - చుట్టుపక్కల సూర్య నారాయణ్ దేవాలయంగా పిలిచే సూర్యభగవానుని దేవాలయం రానక్ పూర్ సందర్శించే యాత్రికులలో ఎంతో ఆదరణ పొంది౦ది.ఆలయ గోడలపై చిత్రించిన ఖగోళ వస్తువులు, గుర్రాలు, యోధుల బొమ్మలు బహుభుజ గోడను రూపొందించిన స్థానికుల కళ ను తెలియ చేస్తుంది.ఈ దేవాలయం లో సూర్య భగవానుడు రధాన్ని నడుపుతున్నట్లుగా దర్శనమిస్తాడు.
జైన మతస్తుల ప్రసిద్ధ తీర్థ యాత్రా ప్రాంతమైన సద్రి ను కూడా రానక్ పూర్ కు వచ్చే యాత్రికులు తరచూ సందర్శిస్తుంటారు శివుని కోసం నిర్మించిన ముచ్చల్ మహావీర్ దేవాలయం ఇక్కడి మరొక ప్రముఖ ఆకర్షణ.ఇది కు౦భాల్ ఘర్ అభయారణ్యంలో గల ఘనే రావు నుండి 5 కి.మీ. దూరంలో ఉంది.శివుని విగ్రహం మీసాలను కల్గి ఉండటం ఈ దేవాలయం లోని ఆకర్షణీయమైన అంశం.
ఘనే రావు గ్రామంలోనే అనేక దేవాలయాలను కల్గి ఉంది.ఈ ప్రాంతంలో కనబడే 11 జైన దేవాలయాలలో ముచ్చల్ మహావీర్ దేవాలయం, గజానంద్ దేవాలయం ఎంతో ప్రసిద్ది చెందాయి.రానక్ పూర్ నుండి 6 కి.మీ. దూరంలో గల నార్లై గ్రామం జైన దేవాలయాలకు పేరొందింది.ఆలయ నిర్మాణం, లోపలి కుడ్య చిత్రాలు మెచ్చుకోదగిన రీతిలో ఉంటాయి.
చారిత్రిక ప్రదేశమైన కంభాల్ ఘర్ ఈ ప్రాంత లోని మరొక ప్రధాన ఆకర్షణ.ఈ ప్రాంతంలో గల మేవార్ కోట పొడవుగా ఉండి దీని గోడలు ఎంతో దూర౦ వ్యాపించి ఉంటాయి.సముద్ర మట్టానికి 1100 మీటర్ల ఎత్తులో ఉన్న ఈ ప్రాంతం నుండి మంత్రముగ్ధుల్ని చేసే ఆరావళి పర్వత శ్రేణులను, అద్భుతమైన థార్ ఎడారి ఇసుక దిబ్బలను చూడవచ్చు.ఈ కోటను ప్రస్తుతం మ్యూజియం గా మార్చి ప్రజల సందర్శన కోసం తెరిచి ఉంచారు..
రానక్ పూర్ చేరడం ఉదయ్ పుర్ లోని మహా రాణా ప్రతాప్ విమానాశ్రయం రానక్ పూర్ గ్రామంకు దగ్గరి వాయు మార్గం ఈ ప్రాంతానికి చేరువలోగల న్యూడిల్లీ లోని ఇందిరా గాంధీ అంతర్జాతీయ విమానాశ్రయం నుండి అనేక విమానాల ద్వార గమ్యస్థానానికి చేరవచ్చు.35 కిలోమీటర్ల దూరంలోని ఫల్నా ఇక్కడికి దగ్గరలోని రైల్వే స్టేషన్.స్టేషన్ నుండి క్యాబ్ లు, టాక్సీలు సులభంగా అందుబాటులో ఉంటాయి.రానక్ పూర్ దగ్గరలోని నగరాల నుండి ప్రైవేటు, ప్రభుత్వ బస్సు సేవలు అందుబాటులో ఉన్నాయి.
వాతావరణం రానక్ పూర్ ను సందర్శించడానికి శీతాకాలం ఎంతో ఉత్తమమైనది.ఈ కాలంలో ఉష్ణోగ్రత ఈ పరిసర ప్రాంతాలను సందర్శించడానికి అనువుగా ఉంటుంది.అప్పటి వరకు గల తీవ్రమైన, పొడి వేసవి నుండి వర్షాకాలం ఈ ప్రాంతానికి ఊరట కల్గిస్తుంది.ఇక్కడ వర్షాలు మితంగా ఉండి ఆ కాలంలో ఉష్ణోగ్రతలు తక్కువగా ఉంటాయి.