బతికున్న పామును ముడుపుగా ఇస్తే ‘ఆ’ నొప్పి తగ్గిపోతుందంటా

1. కేరళలోని మలప్పురంలో ఉన్న తిరూరు

Image Source:

కేరళలోని మలప్పురం జిల్లాలోని ఒక చిన్న పట్టణమే తిరూరు. మలప్పురం నుంచి 26 కిలోమీటర్ల దూరంలో ఉన్న ఈ పట్టణం ప్రముఖ పుణ్యక్షేత్రం. ఇక కోజికూడ్ నుంచి తిరూరుకు 41 కిలోమీటర్ల దూరం. ఇక్కడ చేపల వ్యాపారం కూడా బాగా జరుగుతుంది.

2. పాము కాటుకు గురైనవారు

Image Source:

తిరూరు నుంచి 6 కిలోమీటర్ల దూరంలో ఒక గరుడ దేవాలయం ఉంది. ఈ దేవాలయం దాదాపు 1800 ఏళ్లకు పూర్వం నాటిదని ఇక్కడి శాసనాల ద్వారా తెలుస్తుంది. చుట్టు పక్కల వివిధ వ్యాధులతో బాధపడే వారు ముఖ్యంగా పాము కాటుకు గురైన వారే ఇక్కడకు ఎక్కువ సంఖ్యలో వస్తుంటారు.

3. విష ప్రభావం తగ్గుతుందంటా

Image Source:

ఇక్కడి గరుడ దేవాలయానికి పూజ జేస్తే పాము కాటుకు గురైనవారికి విష ప్రభావం తగ్గి సాంత్వన చేకూరుతుందని చెబుతారు. ముఖ్యంగా ఎవరైతే పాముకు గురవుతారో వారు తమను కాటేసిన పామును చంపకుండా అలాగే ఈ దేవాలయానికి తీసుకువస్తే విష ప్రభావం తగ్గిపోతుందని భక్తుల నమ్మకం.

4. మృత్యుంజయ దేవాలయం

Image Source:

తిరూరులోనే మరో ప్రముఖ దేవాలయం ఉంది. దీనిని త్రిప్రంగూడ్ కలాశ్రమ మూర్తి దేవాలయం అని అంటారు. ఇక్కడే మార్కెండేయుడు శివలింగాన్ని గట్టిగా కౌగలించుకొని యముడి నుంచి తన ప్రాణాన్ని రక్షించుకోవడమే కాకుండా చిరంజీవిగా మారాడని చెబుతారు. ఆ శివలింగాన్ని దర్శించుకుంటే చావు భయం ఉండదని చెబుతారు. అందుకే దేశ విదేశాల నుంచి కూడా ఇక్కడకు ఎంతో మంది భక్తులు వస్తూ ఉంటారు.

5. తిరూరు చేరుకోవడం ఎలా?

Image Source:

దేశంలోని వివిధ నగరాల నుంచి మలప్పురానికి రైలు సర్వీసులు ఉన్నాయి. అదే విధంగా బస్సు సర్వీసులు కూడా ఉన్నాయి. మలప్పురం నుంచి తిరూరుకు ట్యాక్సీలు, బస్సులు, షేరింగ్ ఆటోలు కూడా దొరుకుతాయి. వసతి అంతగా బాగుండదు. అందువల్ల దైవ దర్శనం తర్వాత తిరిగి మలప్పురానికి వస్తే బాగుంటుంది.