దేవుడు, దెయ్యం వీటి గురించి ఎన్నో కథలు ప్రచారంలో ఉన్నాయి. దేవుడిని ఆరాధించేవారిని పండితులు, పూజారులు అని పిలిస్తే దెయ్యాన్ని పూజించేవారిని క్షుద్ర మాంత్రికులు అని పిలుస్తారు. అయితే దేవుడితో పాటు దెయ్యాన్ని ప్రత్యక్షంగా చూసినవారు ఎవరూ లేదు. ఈ సాంకేతిక యుగంలో కూడా ఇప్పటికీ చాలా మంది క్షుద్రపూజలను నమ్ముతూ ఉన్నారు. ఇలాంటి క్షుద్ర పూజలు చేసేవారికే ప్రత్యేకంగా భారత దేశంలో ఓ గ్రామం ఉంది. ఆ గ్రామానికి సంబంధిచిన పూర్తి వివరాలు మీ కోసం....
మయాంగ్
P.C: You Tube
అస్సాంలోని ఒక చిన్న పల్లెటూరు మయాంగ్. ఇది ప్రముఖ పర్యాటక ప్రాంతం. అంతేకాకుండా చేతబడి, మాయాలు, మంత్రాలకు కూడా చాలా ప్రాముఖ్యం చెందినది.
మయాంగ్
P.C: You Tube
దీనిని భారతదేశ చేతబడి రాజధాని అని అంటారు. ఈ ప్రాంతానికి మయాంగ్ అన్న పేరు రావడం వెనుక అనేక కథనాలు ప్రచారంలో ఉన్నాయి. ముఖ్యంగా మౌచోంగ్ వంశానికి చెందిన వారు ఇక్కడ ఎక్కువ మంది నివశించడం వల్లే ఆ పేరు వచ్చినట్లు చెబుతారు.
మయాంగ్
P.C: You Tube
మరికొంతమంది మా ఎర్ ఆంగో అనే దేవత పేరుమీద ఈ ప్రాంతానికి మయాంగ్ అన్న పేరు వచ్చినట్లు చెబుతారు. మయాంగ్ ఫూబిచోరా అన్న పేరుమీద ఇక్కడ ప్రతి ఏడాది ఉత్సవాలు జరుగుతాయి.
మయాంగ్
P.C: You Tube
ఈ ఉత్సవం ఎప్పటి నుంచి ప్రారంభమయ్యిందనడానికి సరైన సమాధానం మాత్రం లేదు. ప్రతి ఒక్కరూ ఒక్కొక్క కథనాన్ని చెబుతారు. ఇక్కడ ప్రతి ఒక్క ఇంటిలో చేతబడి తదితర క్షుద్రపూజలు చేసేవారు ఒక్కరైనా ఉంటారు.
మయాంగ్
P.C: You Tube
ఇంతమంది మాంత్రికులు ఇక్కడ ఉండటానికి గల కారణాలు మాత్రం ఎవరూ చెప్పడం లేదు. వంశపార్యంపర్యంగా ఇక్కడ క్షుద్రపూజలు చేసే విద్యను నేర్చుకొంటూ ఉన్నారు.
మయాంగ్
P.C: You Tube
ఈ గ్రామంలోని ప్రతి ఇంటి ముందు జంతువుల, పక్షుల కళేబరాలను మనం చూడవచ్చు. ఇలా ఎన్ని కలేబరాలు ఉంటే అంత గొప్ప మాంత్రికుడని ఆ గ్రామంలో పేరు. అయితే ఇందుకు గల కారణాలను మాత్రం ఎవరూ చెప్పరు.
మయాంగ్
P.C: You Tube
ఇక గుహటి నుంచి 40 కిలోమీటర్ల దూరంలో ఉన్న అభయారణ్యాన్ని ఆనుకొని ఈ మయాంగ్ గ్రామం ఉంది. ఈ గ్రామంలో ఒక విభిన్న మ్యూజియం ఉంది. ఇందులో క్షుద్రపూజలకు వినియోగించే అనేక వస్తువులను ఇక్కడ సేకరించి ప్రదర్శనకు ఉంచారు.
మయాంగ్
P.C: You Tube
పర్యాటకులు ఎవరైనా ఈ మ్యూజియంను సందర్శించవచ్చు. ఈ గ్రామంలో దాదాపు 100 మంది క్షుద్ర పూజలు చేసే మాంత్రికులు ఉన్నారు. అయితే ప్రస్తుతం చాలా మంది విద్యావంతులు కావడం, ఈ క్షుద్ర పూజల పై నమ్మకం తగ్గుతుండటం వల్ల వీరికి రోజురోజుకు బేరాలు తగ్గిపోతున్నాయి.
మయాంగ్
P.C: You Tube
దీంతో వీరిలో చాలా మంది కూలీలుగా పనిచేస్తున్నారు. అయితే తమ ముందు తరాల వారకు వీరు ఆ క్షుద్రపూజల విద్యను ఇప్పటికీ నేర్పిస్తూనే ఉన్నారు. ఇలా క్షుద్ర పూజలను నేర్చుకొనేవారిని బెజ్ లేదా ఒజా అని పిలుస్తారు. సాధారణంగా వీరు ఒంటరిగానే పూజలు చేస్తారు.
మయాంగ్
P.C: You Tube
వీరికి సహాయకులుగా ఆత్మలు వస్తాయని చెబుతారు. ఇందులో కొంతమంది చేతబడి చేసేవారే కాకుండా ప్రజలు అనారోగ్యం పాలయినప్పుడు తమకు వచ్చిన విద్య ద్వారా వారి వ్యాధులను తగ్గించడానికి కూడా ప్రయత్నిస్తారు.
మయాంగ్
P.C: You Tube
ముఖ్యంగా వెన్నునొప్పితో బాధపడేవారు ఎక్కువగా ఈ గ్రామానికి వస్తుంటారు. అటువంటి వారి వీపు పై కంచుతో చేసిన ప్లేటును ఉంచి కొన్ని మంత్రాలు పఠిస్తారు. దీని వల్ల వారికి వెన్ను నొప్పి నుంచి ఉపశమనం కలుగుతుందని చెబుతారు.
మయాంగ్
P.C: You Tube
ఇక్కడ ఉన్నవారిలో చాలా మంది క్షుద్రపూజల వల్ల అతీత శక్తులు లభిస్తాయని వాటి ద్వారా ఈ ప్రపంచాన్నే జయించవచ్చునని నమ్ముతారు. దీని కోసం ఏళ్ల తరబడి స్మశానాల్లోనే గడిపేవారు కూడా ఉన్నారు.
మయాంగ్
P.C: You Tube
ఈ గ్రామాన్ని సందర్శించేవారిలో భారతీయులతో పాటు విదేశీయులు కూడా ఉండటం గమనార్హ. ఇక ఇక్కడ క్షుద్రపూజలను నేర్చుకొనే వారు అప్పుడప్పుడు అఘోరాలను కూడా ఆహ్వానిస్తుంటారని చెబుతారు.