మెస్మరైజ్ చేసే ఈ మలంపూజ గార్డెన్స్ ఒక్క సారైనా చూడాలనిపిస్తుంది..!!

మలంపూజ డ్యాం

మలంపూజ డ్యాం పాలక్కాడ్ ప్రధాన ఆకర్షణలలో ఒకటి. ఇది కేరళలో అతి పెద్ద సాగునీటి రిజర్వాయర్. ఇది సాగునీటి అవసరాలను తీరుస్తుంది. ఒక మేసోనేరి డ్యాం, ఒక మట్టి డ్యాం కలిగి , ఎన్నో కాలువలు కలిగి ఉంటుంది. డ్యాం వెనుక భాగంలో కల కొండలతో నేపధ్యం ఎంతో అందంగా ఉంటుంది. ఈ డ్యాంలో విహరించాలనుకొనేవారికి బోటింగ్ సదుపాయం అందుబాటులో ఉంది. పాలక్కాడ్ పట్టణానికి సుమారు 10 కి.మి.ల దూరంలో కల ఈ ప్రదేశానికి రోడ్డు మార్గంలో తేలికగా చేరవచ్చు.
చిత్రకృప : Joseph Lazer

యక్షి విగ్రహం

మలంపూజ యక్షి విగ్రహం కేరళ రాష్ట్ర పనితనానికి ఒక మంచి ఉదాహరణగా చెబుతారు. ఈ విగ్రహం మలం పూజ గార్డెన్ లో ఉండి వచ్చి పోయే యాత్రికులను ఆకర్షిస్తున్నది. దీనిని 1969 వ సంవత్సరంలో కనాయి కుంహి రామన్ అనే కేరళ శిల్పి నిర్మించాడు.

pc : Pritish Soundararaajan

రాక్ గార్డెన్

మలం పూజ తోటల లోని రాక్ గార్డెన్, భారత దేశంలో ఉన్న ప్రముఖ రాక్ గార్డెన్ లలో రెండవది. దీనిని నెక్ చాంద్ సాయాని నిర్మించారు. ఈయనే చండీఘడ్ లోని మొదటి రాక్ గార్డెన్ ను కూడా నిర్మించారు. దీనికోసం పగిలిన టైల్స్, ప్లాస్టిక్ బాటిల్లు, చేతి గాజు ముక్కలు ... ఎన్నో పనికిరాని వస్తువులను ఉపయోగించినారు.

pc : Ranjithsiji

థ్రెడ్ గార్డెన్

మలంపూజ లోని థ్రెడ్ గార్డెన్ కు లక్షలాది పర్యాటకులు వస్తారు. దీనిలో ఇతర తోటలవలేనే పూవులు మొక్కలు వుంటాయి. కాని అవన్నీ కూడా దారం తో తయారు చేయబడి వుంటాయి. ఇవన్నీ ఎంతో కష్టంతో చేతితో అల్లబడినవి. గ్లాస్ గదులలో అనేక రకాలపూవులు, మొక్కలు ప్రదర్శించబడతాయి.

pc : telugu native planet

ఉడాన్ ఖటోల

ఉడాన్ ఖటోల దక్షిణ భారత దేశంలో మొదటి రోప్ వే ప్రదేశం. ఈ రోప్ వే ని మలం పూజ గార్డెన్ లో 60 అడుగుల ఎత్తులో నిర్మించినారు. 600 మీటర్ల ఎత్తు వరకు పైకి వెళ్ళి పర్వతాలను, అందమైన తోటలను చూసి ఆనందించవచ్చు. ఇలా సుమారు ఇరవై నిమిషాల పాటు ఆకాశం లో హాయిగా విహరించవచ్చు.
pc: Ranjithsiji

తేన్ కురుస్సి

తెన్ కురుస్సి గ్రామం దాని సహజ అందాలకు మరియు వారసత్వ కట్టడాలకు ప్రసిద్ధి గాంచింది. ఇది పాలక్కాడ్ కు సుమారు 10 కి.మీ. దూరంలో కలదు. తెన్ కురిస్సి నుండి ఒక గంట ప్రయాణించి నారింజ తోటలు, అనేక దేవాలయాలు కల నేల్లియంపతి ప్రదేశాన్ని కూడా చూడవచ్చు. ఈ గ్రామం ప్రసిద్ధి గాంచిన తాయంకావు , ఎలామన్నం సంకరనరాయనన్ మరియు శివ దేవాయలాలు కలిగి ఉంది.
pc : VS Ramachandran

ఫాంటసీ పార్క్

మలం పూజ పాలక్కాడ్ పట్టణానికి 10 కి .మీ. దూరంలో, 15 ఎకరాల సువిశాల విస్తీర్ణంలో ఉన్న ఫాంటసీ పార్క్ స్కూల్ పిల్లలకి, ఒకరోజు పిక్నిక్ కి బాగుంటుంది. ఈ పార్క్ లో అన్ని వయసుల వారికి ఆకర్షిస్తున్నది. అందమైన ఫౌంటెన్ లు , ఆహార దుకాణాలు, ఐస్ క్రీం పార్లర్లు , విశ్రాంతి ప్రదేశాలు కూడా కలవు. బాటరీ కార్ రైడ్ , వాటర్ కిడ్డి రైడ్, బేబీ ట్రైన్ రైడ్ మరియు మినీ టెలి కాంపాక్ట్ వంటివి పిల్లలను ఆనందపరుస్తాయి.

pc : Asokants

స్నేక్ పార్క్

మలంపూజ డ్యాంకి, గార్డెన్ కి సమీపంలో వివిధ రకాల పాములు కలిగిన స్నేక్ పార్క్ ఉన్నది. అటవీ శాఖ వారి ఆధ్వర్యంలో నడుపబడే ఈ పార్క్ లో విషపాములు, విషం లేని పాములు చూడవచ్చు.

PC : Ranjithsiji

సౌకర్యాలు

తాగు నీరు, చిరు తిండ్లు, షాపింగ్ ప్రదేశాలు, లాకర్ లు విశ్రాంతి ప్రదేశాలు, భద్రతా ఏర్పాట్లు కూడా కలవు.

వారాంతపు సెలవులలో తోటలకు

వారాంతపు సెలవులలో తోటలకు సాయంకాలం 7గంటల నుండి 8 గంటల వరకు లైటింగ్ ఏ ర్పాట్లు చేస్తారు. గార్డెన్ లు పూర్తిగాను , డ్యాం సైట్ ప్రాంతాలు లైటింగ్ పెడతారు.

సమయాలు

వారం రోజులలో ఉ. 10 గం. నుండి సా. 6 గం. వరకు వారంతం లో ఉ. 10 గం. నుండి రా. 8 గం. వరకు. లైటింగ్ ఉంటుంది.

PC : Shanmugamp7

మలంపూజా ఎలా చేరుకోవాలి ?

వాయు మార్గం : 55 కి. మీ ల దూరంలో కోయంబత్తూర్ విమానాశ్రయం కలదు. అక్కడి నుండి క్యాబ్ లేదా టాక్సీ లలో మలంపూజా చేరుకోవచ్చు.

రైలు మార్గం : పాలక్కాడ్ సమీపంలో ఉన్న రైల్వే స్టేషన్. అక్కడ దిగి టాక్సీ లేదా బస్సులలో మలంపూజా చేరుకోవచ్చు.

రోడ్డు / బస్సు మార్గం : కేరళ మరియు తమిళనాడు ప్రాంతాల నుంచి మలంపూజా కు ప్రభుత్వ / ప్రవేట్ బస్సులు తిరుగుతుంటాయి.

PC : Ranjithsiji