భారత దేశంలో విశాలమైన మానవ నిర్మిత సరస్సులో స్నానం చేశారా?

నక్కీ సరోవరం

P.C: You Tube

మౌంట్ అబులో నక్కీ సరోవరం ప్రముఖ పర్యాటక కేంద్రం. సముద్ర మట్టానికి 1200 మీటర్ల ఎత్తులో ఉన్న ఈ సరోవరం ఉంది. భారత దేశంలో మానవ నిర్మిత సరోవరాల్లో దీనిదే ప్రథమ స్థానం అని చెబుతారు. ఇక్కడ గాంధీ ఘాట్ కూడా ఉంది. గాంధి అస్థికలను ఇక్కడే నీటిలో వదిలారని చెబుతారు.

సన్ సెట్ పాయింట్

P.C: You Tube

మౌంట్ అబును సందర్శించేవారిలో ప్రతి ఒక్కరూ ఈ సన్ సెట్ పాయింట్ కు తప్పక వెలుతారు. సూర్యాస్తమయం సమయంలో ఇక్కడ ప్రక`తి అందాలను చూడటం మరిచిపోలేని అనుభూతిని మిగులుస్తుందని చెప్పడం అతిశయోక్తి కాదు. ముఖ్యంగా హనీమూన్ జంటలకు ఈ ప్రాంతం మరిచిపోలేని అనుభూతిని మిగులుస్తుంది.

అచల్ ఘర్ కోట

P.C: You Tube

అచల్ ఘర్ కోట మౌంట్ అబు నుంచి సుమారు 11 కిలోమీటర్ల దూరంలో ఉంది. ఈ కోట చారిత్రాత్మకంగానే కాకుండా ఆధ్యాత్మికంగా కూడా పేరెన్నిక గన్నది. ఈ కోటలోని అతి ప్రాచీన శివాలయం ఉంది. ఇక్కడ శివుడి కాలివేళ్ల గురుతులు మనం చూడవచ్చు. ఇక్కడ ఉన్న నంది విగ్రహం కూడా పర్యాటకులను ఇట్టే ఆకర్షిస్తుంది. ఈ కోటలో పలు జైన దేవాలయాలు కూడా ఉన్నాయి.

దిల్వార జైన దేవాలయం

P.C: You Tube

రాజస్థాన్ లో తప్పక చూడాల్సిన పర్యాటక కేంద్రాల్లో దిల్వార జైన దేవాలయం ఒకటి. ఈ దేవాలయం మొత్తం తెల్లటి చలువరాతితో నిర్మితం. భారత దేశంలోని జైలు జీవితంలో ఒక్కసారైనా ఈ దేవాలయాన్ని సందర్శించాలని భావిస్తారు. ఈ దిల్వార జైన దేవాలయాన్ని కొన్ని సార్లు జైన కాశి అని కూడా పిలుస్తారు.

ఇంకా అనేక పర్యాటక కేంద్రాలు

P.C: You Tube

ఈ మౌంట్ అబు ప్రాంతంలో తాబేలు ఆకారంలోని పెద్ద రాయి పర్యాటకులను ఇట్టే ఆకర్షిస్తుంది. దీనిని టెడ్ రాక్ అని పిలుస్తారు. ఈ రాయి నక్కి సరోవరం సమీపంలో ట్రెక్కింగ్ వెళ్లే మార్గంలో కనిపిస్తుంది. ఇక మౌంట్ అబు అభయారణ్యంలో అంతరించే స్థితికి చేరిన ఎన్నో జంతువులు పక్షులను మనం చూడవచ్చు.