మొదటిసారి ఉజ్జయినీ వెలుతున్నారా? వీటిని చూడటం మరిచిపోకండి

మహాకాళేశ్వర దేవాలయం

P.C: You Tube

భారత దేశంలోని 12 జ్యోతిర్లింగాల్లో మహాకాళేశ్వర లింగం ఒకటి. రుద్రసాగర్ సరస్సుకు పక్కనే ఈ దేవాలయం ఉంటుంది. ఈ దేవాలయం ప్రాంగణంలోనే గణేష, కార్తికేయ, పార్వతి తదితర దేవాలయాలు ఉన్నాయి.

కాళ భైరవ దేవాలయం

P.C: You Tube

హిందూ పురాణాల్లో చెప్పే తాంత్రిక పూజలు ఇక్కడ ఎక్కువగా జరుగుతాయి. అందువల్లే మనకు ఈ దేవాలయం వద్ద సాధువులు, అఘోరాలు ఎక్కువ సంఖ్యలో కనబడుతారు. మహాశివరాత్రి రోజు ఇక్కడ ప్రత్యేక పూజలు జరుగుతాయి. ఈ దేవాలయం ప్రాంగణంలో ఉన్న నందికి ఎంతో ప్రాధాన్యత ఉంది.

హరసిద్ధి దేవాలయం

P.C: You Tube

ఈ దేవాలయం వద్ద మహారాష్ట్ర సంప్రదాయాలు కనిపిస్తాయి. ఇప్పటికీ మహారాష్ట్రీయుల ఆధ్వర్యంలోనే ఈ దేవాలయం నిర్వహించబడుతోంది. ఇది శక్తిపీఠాల్లో ఒకటిగా పేర్కొంటారు. ఇక్కడ దాక్షాయణి మోచేయి పడినట్లుగా భక్తులు విశ్వసిస్తారు. ఇక్కడ అన్నపూర్ణాదేవిని కూడా దర్శించుకోవచ్చు.

కాలియాదేశ్ ప్యాలెస్,

P.C: You Tube

అత్యంత అందమైన కాలియాదేశ్ ప్యాలెస్ సిప్రా నదీ ద్వీపంలో ఉంది. ఈ ప్యాలెస్ ను క్రీస్తు పూర్వ 1458లో నిర్మించినట్లు ఇక్కడ దొరికిన కొన్ని చారిత్రాత్మక ఆధారాలను అనుసరించి తెలుస్తోంది. పర్షియన్ శైలి వాస్తు శైలి మనకు కనిపిస్తుంది. అక్బర్ కూడా ఈ ప్యాలెస్ ను సందర్శించాడు.

మశ్చేంద్రనాథ్ దేవాలయం

P.C: You Tube

ఈ దేవాలయం కూడా సిప్రా నదీ తీరంలోనే మనకు కనిపిస్తుంది. ఉత్తరభారత దేశంలో శైవ మత వ్యాప్తి కోసం ఎంతగానో పాటుపడిన మశ్చేంద్ర జ్జాపకాద్రం ఈ దేవాలయాన్ని నిర్మించినట్లు చెబతుతారు. క్రీస్తు పూర్వం 6 లేదా 7వ శతాబ్దంలో ఈ దేవాలయం నిర్మించారు. ఉజ్జయినీలో అత్యంత అందమైన పర్యటక ప్రాంతాల్లో ఇది కూడా ఒకటి..

కాళిదాస అకాడమి

P.C: You Tube

ప్రముఖ కవి కాళిదాసు సంస్మరణార్థం ఈ కాళిదాస అకాడమిని నిర్మించారు. ఇందులో ముఖ్యంగా సంస్క`తం పై పరిశోధనలు జరుగుతాయి. కేవలం సంస్క`తమే కాకుండా లలిత కళలు, భారతీయ ఆచార వ్యవహారాల పై కూడా పరిశోధనలుజరుగుతూ ఉంటాయి. ఇందులో అనేక వేదికలు, ఓపెన్ థియేటర్లు ఉంటాయి. అందువల్ల నిత్యం విద్యార్థులతో ఈ ప్రాంతం సందడిగా ఉంటుంది.

ఖగోళ పరిశోధన శాల

P.C: You Tube

ప్రపంచంలోని ప్రాచీన ఖగోళ పరిశోధనశాలల్లో ఇది కూడా ఒకటి. దీనిని 17వ శతాబ్దంలో నిర్మించినట్లు చెబుతారు. రాజ జై సింగ్ దీనిని నిర్మించినట్లు చెబుతారు. ఇప్పటికీ ఈ పరిశోధన శాల వినియోగంలో ఉంది. నక్షత్రాలు, ఉపగ్రహాలను చూడటానికి టెలిస్కోప్ కూడా ఉంది.

చింతామన్ గణేష్ దేవాలయం

P.C: You Tube

సిప్రానదీ తీరంలో ఈ దేవాలయం ఉంది. ఉజ్జయినీలోని అతి ప్రాచీన దేవాలయాల్లో ఇది కూడా ఒకటి. ఇక్కడ మనం అత్యంత పెద్ద వినాయకుడి విగ్రహాన్ని చూడవచ్చు. ముఖ్యంగా వినాయకచవితి ఉత్సవాలు ఇక్కడ బాగా జరుగుతాయి.

రామ్ ఘాట్

P.C: You Tube

ఉజ్జయినీలో చూడదగిన మరో ముఖ్యమైన ప్రాంతం రామ్ ఘాట్. 12 ఏళ్లకు ఒకసారి జరిగే కుంభమేళ ఉత్సవాల్లో ఎక్కువమంది ఈ ఘాట్ లోనే పుణ్యస్నానాలు చేస్తారు.

గోపాల్ మందిర్

P.C: You Tube

ఆ నల్లనయ్య ఇక్కడ ప్రధాన దైవం. మహారాష్ట్ర శైలి వాస్తు ఈ దేవాలయ నిర్మాణంలో కొటొచ్చినట్లు కనబడుతుంది. వెండి తలుపులు ఇక్కడ ప్రధాన ఆకర్షణ. 19వ శతాబ్దంలో ఈ దేవాలయాన్ని నిర్మించారు.