అఘోరాలు - రహస్య ఆలయాలు !

విధ్యాంచల్ పార్వతీదేవి

ఉత్తర ప్రదేశ్ మీర్జాపూర్ జిల్లాలో మాతా, దుర్గా అవతారంలో మహిషాసురుడిని చంపిన తర్వాత.. ఇక్కడ వెలసినట్లు చెబుతారు. ఈ ఆలయం చుట్టుపక్కల అనేక గుహలు ఉంటాయి. ఇందులో అఘోరీలు ధ్యానం చేస్తుంటారని చెబుతారు.

కాళీ మాత, గుప్తకాశీ

శక్తిపీఠాల్లో ఒకటిగా భావించే కాళీ మాత ఆలయం ఉత్తరాఖండ్ రాష్ట్రం రుద్రప్రయాగ జిల్లాలోని గుప్త కాశీ సమీపంలో కలదు. ఇది కేదార్నాథ్ కు సమీపాన కలదు. కాశీ విశ్వనాథ్ ను పోలిన పురాతన విశ్వనాథ ఆలయం చూడవచ్చు. దేశమంతా తిరిగే అఘోరీలు ఇక్కడ ఆశ్రయం పొందుతారని నమ్మకం.

చిత్రకృప : Mike Behnken

కపలీశ్వర్ లేదా కపాలీశ్వర్, మైలాపూర్

చెన్నై సమీపాన ఉన్న మైలాపూర్ వద్ద కపలీశ్వర్ ఆలయం కలదు. మొన్న వచ్చిన రజినీకాంత్ 'కబాలి' సినిమా పేరు ఈ ఆలయం పేరుమీదనే వచ్చిందట. అఘోరీలకు ఈ ఆలయం ప్రత్యేకం. దీనికి దగ్గరలోఒక ఆశ్రమం, సమాధులు ఉంటాయి. వీటిలోపల అఘోరీలు తమ మంత్రతంత్రాలు చేస్తూ ఉంటారట.

చిత్రకృప : PlaneMad

తారాపీఠ్, బిర్బమ్ జిల్లా

పశ్చిమ బెంగాల్ బిర్బమ్ జిల్లాలో తారాపిత్ శక్తి ఆవిర్భావం చేసిన తారా దేవతకు(సతీ దేవతకు) అంకితం చేయబడిన తాంత్రిక ఆలయం ఉన్నది. ఆలయం చుట్టూ అంత్యక్రియలు జరిగే ప్రాంతంలో అఘోరీలు తమ తంత్రమంత్రాలు చేస్తూ ఉంటారు.

చిత్రకృప : Sergio Carbajo

కాళీ మందిరం, కలకత్తా

కలకత్తా లో కాళీమాత గుర్తొచ్చిందా ! దక్షిణేశ్వర్ కి దగ్గరలో ఉంటుంది. కాళీమాత నాలుగో వేలు ఇక్కడ పడిపోయిందట. ఈ ఆలయం చుట్టుపక్కల అనేకమంది అఘోరీలు రాత్రుళ్ళు వచ్చి ధ్యానాలు,తంత్రాలు చేస్తుంటారు.

చిత్రకృప : Archit Ratan