కాకులు వాలని క్షేత్రం, అందుకే శని నుంచి దూరం కోసం లక్షల మంది భక్తులు ఇక్కడకు

ఈ క్షేత్రంలో విశ్వామిత్ర మహర్షి తపస్సు చేసి బ్రహ్మర్షి పదవిని పొందాలని ప్రయత్నించాడు. ఇందు కోసం శివలింగాన్ని కూడా ప్రతిష్టించాడు. అయితే ఆయన తపో దీక్షకు భగ్నం కలిగించడానికి కాకాసురడనే రాక్షసుడు విఫలయత్నం చేశాడు.ఈ క్రమంలో విశ్వామిత్రుడి శాపం వల్ల ఇక్కడ ఆ పురాణ కాలం నుంచి ఇప్పటి వరకూ ఒక్క కాకి కూడా వాలలేదు. అందుకు నిదర్శనంగా ఈ క్షేత్రం పరిసర ప్రాంతాల్లో ఒక్క కాకి కూడా మనకు కనిపించదు.అందువల్ల ఈ క్షేత్రానికి శనిదోష నివారణకు లక్షల సంఖ్యలో భక్తులు వస్తుంటారు. ఇక ఇక్కడ పురాణ ప్రాధాన్యత కలిగిన ఎన్నో దేవాలయాలను చూడవచ్చు. ఇంతటి విశిష్టమైన పుణ్యక్షేత్రానికి సంబంధిచిన పూర్తి వివరాలు మీ కోసం.... P.C: You Tubeవీరభాగవత క్షేత్రమని విఖ్యాతి పొందిన సత్రశాల గుంటూరు జిల్లాలోని ప్రముఖ శైవ క్షేత్రం. ఈ పుణ్యక్షేత్రంలో శ్రీ గంగా భ్రమరాంబ సమేత మల్లికార్జున స్వామి కొలువై ఉన్నాడు. P.C: You Tubeమాచెర్లకి సుమారు 25 కిలోమీటర్ల దూరంలో, రెంటచింతల మండలోని ఈ క్షేత్రం పరమపవిత్రమైన క`ష్ణానది ఒడ్డున ఉంది. ఇక్కడ ఇటీవల జరిగిన క`ష్ణ పుష్కరాల సందర్భంగా పలు అభివ`ద్ధికార్యక్రమాలు చేప్టారు. P.C: You Tubeస్థానిక పురాణ కథనం ప్రకారం విశ్వామిత్రుడు బ్రహ్మర్షి పదవిని పొందడం కోసం సత్రశాలలో ఓ శివలింగాన్ని ప్రతిష్టించి ఘోర తపస్సు చేస్తుంటాడు. P.C: You Tubeఅయితే ఇది గిట్టని దైదా కుమారుడైన కాకాసురుడనే రాజు ఆ విశ్వామిత్రుడి తపస్సుకు భగ్నం కలిగించాలని ఇక్కడకి వచ్చి కావ్...కావ్ అని అరుస్తుంటాడు. P.C: You Tubeదీంతో ఆగ్రహించిన విశ్వామిత్రుడు ఇక పై ఏ ఒక్క కాకి అయినా ఈ క్షేత్రంలో అడుగు పెడితే ఆ జాతి మొత్తం అంతరించి పోతుందని శపిస్తాడు. P.C: You Tubeఅందువల్లే ఆ పురాణ కాలం నుంచి ఇప్పటి వరకూ సత్రశాల పుణ్యక్షేత్రంలో ఇప్పటికీ కాకులు కనిపించవు. ఇందుకు గల శాస్త్రీయ కోణం పై అధ్యయనం జరిగిన ఫలితం లేకపోయింది. P.C: You Tubeఇదిలా ఉండగా శనివాహనమైన కాకులు ఇక్కడ వాలకపోవడం వల్ల ఈ క్షేత్రంలో పూజలు చేస్తే శని దోషాల నుంచి దూరమవుతాయని భక్తుల నమ్మకం. P.C: You Tubeఅందువల్లే ఈ క్షేత్రంలో లక్షల సంఖ్యలో భక్తులు వచ్చి ప్రత్యేక పూజలు చేస్తూ ఉంటారు. ఇక్కడ శనిపరిహార దోష పూజలు చేయడం వల్ల కుటుంబ కలహాలు రావని, వ్యాపార బాగా జరుగుతుందని భక్తులు నమ్ముతారు. P.C: You Tubeఇదిలా ఉండగా విశ్వామిత్రుడు ప్రతిష్టించిన శివలింగం తర్వాతి కాలంలో భమరాంబ సమేత మల్లికార్జున స్వామి పేరుతో ప్రాచూర్యం పొందింది. P.C: You Tubeఅటు పై అనేక మంది సాధువులు, బుుషులు ఇక్కడ సత్రాల్లో ఉంటూ అనేక యాగాలు చేయడం వల్ల ఈ క్షేత్రాన్ని సత్రశాల అనే పేరువచ్చిందని స్థానికులు చెబుతారు. P.C: You Tubeఇక ఇక్కడ ఉన్న ఆలయాన్ని క్రీస్తు శకం 1244లో కాకతీయ సామంతుడైన మహామండలేశ్వర కాయస్త అంబయ్య దేవుడు స్వామివారి ధూప, దీప నైవేద్యాలను జరిపించడానికి వసూలు చేసిన సొమ్ములో దేవాలయం నిర్మించాడని చెబుతారు. P.C: You Tubeఇక ప్రముఖ కవి పాల్కురికి సోమనాథుడి కవికి సమకాలీకుడైన యథావాక్కుల అన్నమయ్య ఈ పుణ్యక్షేతరంలోనే సర్వేశ్వర శతకం రచించి శివైఖ్యం పొందాడని తెలుస్తోంది. P.C: You Tubeసత్రశాలలో భ్రమరాంబ మల్లికార్జున దేవాలయమే కాకుండా అనేక ప్రాచీన, పురాణ ప్రాధాన్యత కలిగిన దేవాలయాలు ఉన్నాయి. వాటిలో కుమారస్వామి దేవాలయం అతి ముఖ్యమైనది. P.C: You Tubeఅదే విధంగా కలియుగ దైవమైన వేంకటేశ్వరుడి దేవాలయం, కాలభైరవ, చీకటి మల్లయ్య, బ్రహ్మ, ఆంజనేయ, అమరలింగేశ్వర, సంతాన మల్లికార్జున, శ్రీ చెన్న కేశవ స్వామి, శ్రీ ఉత్తరేశ్వరస్వామి దేవాలయాలు ఉన్నాయి. P.C: You Tubeప్రతి ఏటా ఇక్కడ ఆషాడ శుద్ధ ఏకాదశి వ్యాస పూర్ణిమ, మహాశివరాత్రి పర్వదినాల్లో ఇక్కడకు దేశం నలుమూలల నుంచి లక్షల సంఖ్యలో భక్తులు ఇక్కడికి వచ్చి స్వామివారిని దర్శించుకొంటూ ఉంటారు. P.C: You Tubeతెలంగాణ రాష్ట్రం నుంచి కూడా పెద్ద ఎత్తున భక్తులు క`ష్ణానదిలో లాంచీల ద్వారా ఈ క్షేత్రానికి వస్తుంటారు. ముఖ్యంగా సత్రశాల సమీపంలోని అన్ని గ్రామాల నుంచి ప్రభలు కట్టుకొని ఇక్కడికి వస్తారు. P.C: You Tubeఆ సందర్భంగా నిర్వహించే కార్యక్రమాలు భక్తులను విశేషంగా ఆకట్టుకొంటున్నాయి. ఈ ఉత్సవాల్లో యువతదే సందడి. ఉభయ తెలుగు రాష్ట్రాల నుంచి వివిధ కళాకారులను ఇక్కడికి రప్పిస్తారు. P.C: You Tubeఈ క్షేత్రంలో శ్రీశైలంలో వలే అన్ని మత, కులాల వారికి సత్రాలు ఉన్నాయి. వీటిలో ఉచిత వసతితోపాటు భోజన సదుపాయం కూడా ఉంటుంది. ఇవన్నీ దాతల ఇచ్చిన విరాళాల ద్వారా నిర్మించినవే. P.C: You Tubeగుంటూరు నుంచి 125 కిలోమీటర్ల దూరంలో సత్రశాల ఉంటుంది. అేదవిధ:గా మాచెర్లకు 20 కిలోమీటర్ల దూరంలో ఈ పుణ్యక్షేత్రం ఉంటుంది. P.C: You Tubeగుంటూరు, మాచార్ల ద్వారా బస్సుల్లో పాల్వాయి జంక్షన్ చేరుకోవాలి. అక్కడ నుంచి ఆరు కిలోమీటర్ల దూరంలో ఉన్న ఈ క్షేత్రానికి నిత్యం అటోలు అందుబాటులో ఉంటాయి.