శ్రావణ మాసంలో మన శరీరభాగాలను ఈ మురుగన్ కు అర్పిస్తే కోరినంత ధనం

కోలంజియప్పార్ దేవాలయం

P.C: You Tube

కోలంజియప్పార్ దేవాలయం తమిళనాడులోని కడలూరు జిల్లా ప్రముఖ శైవక్షేత్రమైన విరుదాచలం శివారున ఉన్న మనవల్లార్ అనే గ్రామంలో ఉంది.

కోలంజియప్పార్ దేవాలయం

P.C: You Tube

ఇక్కడ ప్రధాన దైవం సుబ్రహ్మణ్యస్వామి. ఈయన్ను మురుగన్ అని కూడా పిలుస్తారు. ద్రవిడియన్ శైలిలో నిర్మించిన ఈ దేవాలయం దూరం నుంచే భక్తులను ఆకర్షిస్తుంది.

కోలంజియప్పార్ దేవాలయం

P.C: You Tube

ఆలయం ఐదంతస్తుల గోపురంతో ఉంటుంది. ఈ దేవాలయం ఉదయం 6.30 గంటల నుంచి 8.30 గంటల వరకూ తెరిచి ఉంచుతారు. మధ్యాహ్న సమయంలో కొంత సేపు దేవాలయాన్ని మూసివేస్తారు.

కోలంజియప్పార్ దేవాలయం

P.C: You Tube

తమిళ సాహిత్యంలో పేరుగాంచిన ప్రముఖ ఆధ్యాత్మికవేత్త, ప్రముఖ వాగ్గేయకారుడు సుందరార్ వల్లే ఇక్కడ సుబ్రహ్మణ్యస్వామి కోలంజియప్పార్ రూపంలో కొలువై ఉన్నాడని చెబుతారు.

కోలంజియప్పార్ దేవాలయం

P.C: You Tube

ఇందుకు సంబంధించిన స్థినక కథ ఒకటి ప్రచారంలో ఉంది. గొప్పశైవ భక్తుడైన సుందరార్ దేశాటన చేస్తూ శైవ తత్వాన్ని ప్రచారం చేసేవారు. ఇక ఆయనకు ముసలితనం వచ్చేసింది.

కోలంజియప్పార్ దేవాలయం

P.C: You Tube

అయినా కూడా దేశాటన చేస్తూ శివుడి గురించిన పాటలు, పద్యాలను సాధారణ భక్తులకు వినపిస్తూ చాలా మంది ప్రజలను శైవ భక్తులుగా మార్చేసేవాడు. ఆయన పాటలు చాలా మధురంగా ఉండేవి.

కోలంజియప్పార్ దేవాలయం

P.C: You Tube

ఈ క్రమంలోనే ఒకసారి ప్రస్తుతం కోలంజియప్పార్ దేవాలయం ఉన్న చోటుకు వస్తాడు. అక్కడ ఉన్న శివలింగాన్ని చూసి భక్తిపారవశ్యంతో శివుడి గురించి ఆశువుగా కొన్ని పాటలను అప్పటికప్పుడు రచిస్తాడు.

కోలంజియప్పార్ దేవాలయం

P.C: You Tube

అతేకాకుండా గానం చేస్తాడు. కొద్దిసేపు ఆ పరమేశ్వరుడిని ధ్యానించిన తర్వాత అక్కడి నుంచి బయలుదేరి సుందరార్ ముందుకు వెలుతాడు.

కోలంజియప్పార్ దేవాలయం

P.C: You Tube

ఆ గానమాధుర్యానికి ముగ్దుడైన పరమశివుడు తన కుమారుడైన సుబ్రహ్మణ్యస్వామిని పిలిచి తిరిగి ఆ సుందరార్ ను కొలంజియప్పార్ వద్దకు తీసుకువచ్చి మరోసారి ఆ పాటలను పాడించాల్సిందిగా కోరుతాడు.

కోలంజియప్పార్ దేవాలయం

P.C: You Tube

తండ్రి కోరిన వెంటనే ఆ సుబ్రహ్మణ్యేశ్వరుడు ఓ బోయవాడి వేశంలో సుందరార్ ఉన్న చోటుకు వచ్చి ఆయన వస్తువులన్నీ లాక్కొంటాడు. ముఖ్యంగా శివుడి గురించి రచించిన పాటలతో కూడిన తాళపత్ర గ్రంథాలు అందులో ఉంటాయి.

కోలంజియప్పార్ దేవాలయం

P.C: You Tube

దీంతో సుందరార్ తన వస్తువులన్నీ ఇచ్చేయాల్సిందిగా ఆ బోయవాడి రూపంలో ఉన్నమురుగన్ ను సుందరార్ ను వేడుకొంటాడు. అయినా సుబ్రహ్మణ్యస్వామి వినడు. చివరికి ఒక షరత్తు విధిస్తాడు.

కోలంజియప్పార్ దేవాలయం

P.C: You Tube

దాని ప్రకారం తన వెంట కోలంజియప్పార్ కు రావాల్సిందిగా సుబ్రహ్మణ్యస్వామి సుందరార్ ను ఆదేశిస్తాడు. దీనిని దేవుడి ఆజ్జగా భావించి సుందరార్ కోలంజియప్పార్ వద్దకు వస్తాడు.

కోలంజియప్పార్ దేవాలయం

P.C: You Tube

అటు పై సుబ్రహ్మణ్యస్వామి తన నిజరూపాన్ని ప్రదర్శించి శివుడి గురించి పాటలు పాడాల్సిందిగా ఆదేశిస్తాడు. ఇందుకు సుందరార్ ఆనందంగా అంగీకరిస్తాడు.

కోలంజియప్పార్ దేవాలయం

P.C: You Tube

దీంతో సుందరార్ ఆనందంగా శివుడి గురించి పాటలు పాడుతాడు. అటు పై సుబ్రహ్మణ్యస్వామి ఇక్కడ కోలంజియప్పార్ గా కొలువై ఉండాలని సుందరార్ కోరుతాడు.

కోలంజియప్పార్ దేవాలయం

P.C: You Tube

భక్తుడితో పాటు తండ్రి ఆదేశాలను పాటిస్తూ ఆ సుబ్రహ్మణ్యుడు ఇక్కడ కోలంజియప్పార్ గా ఇక్కడ కొలువై ఉండిపోతాడు. ఇక ఇక్కడ ప్రతి రోజూ నాలుగుసార్లు పూజలు జరుగుతాయి.

కోలంజియప్పార్ దేవాలయం

P.C: You Tube

వాటిలో ఉదయం కాలసంది 8 గంటలకు, ఉచ్చికాల పూజ 10 గంటలకు జరుగుతుంది. అదే విధంగా సాయంకాలం 6 గంటలకు సాయరాక్షి 6 గంటలకు, ఆర్థజమ పూజ రాత్రి 8.15 గంటలకు జరుగుతుంది.

కోలంజియప్పార్ దేవాలయం

P.C: You Tube

అదేవిధంగా తమిళ పంగునీ మాసంలో (మార్చి-ఏప్రిల్) జరిగే ఉత్సవాలు, వైసాఖి ( మే-జూన్) తో పాటు తమిళ ప్రజలు ఎంతో పవిత్రంగా జరుపుకొనే ఆది ఉత్సవం చాలా బాగా జరుగుతుంది.

కోలంజియప్పార్ దేవాలయం

P.C: You Tube

ఆ సమయంలో పాలతో నిండిన కుండలతో కావడికి దేవుడికి సమర్పిస్తారు. అదే సమయంలో జరిగే రథోత్సవం చాలా వైభవంగా ఉంటుంది. ఆ సమయంలో భక్తులు తమ శరీరభాగాలను సుబ్రహ్మణ్యుడికి కానుకగా సమర్పిస్తారు. భయపడకండి ఆ శరీరభాగాలన్నీ కేవలం చిన్న లోహం ముక్కతో చేసినవే.

కోలంజియప్పార్ దేవాలయం

P.C: You Tube

ఇలా చేయడం వల్ల తమ ఇంట ఐశ్వర్యం పెరుగుతుందని స్థానక ప్రజల నమ్మకం. ఈ కానుకలు సమర్పించడానికి దేశంలోని నలుమూలల నుంచి కూడా భక్తులు ఎక్కువ సంఖ్యలో వస్తుంటారు.

కోలంజియప్పార్ దేవాలయం

P.C: You Tube

కడలూరు నుంచి ఈ దేవాలయానికి నిత్యం ప్రభుత్వ, ప్రైవేటు బస్సు సర్వీసులు అందుబాటులో ఉన్నాయి. ఇక కడలూరుకు చెన్నైతో పాటు బెంగళూరు తదితర ప్రాంతాల నుంచి కూడా బస్సు సర్వీసులు ఉన్నాయి.