రుతుస్రావం ఈ దేవాలయ ప్రవేశానికి అడ్డుకాదు?

మరువత్తూర్ లో ఉన్న అరుల్మిగు ఆదిపరాశక్తి పీఠం

P.C: You Tube

శబరిమల ప్రధాన ఆలయంలోకి మహిళల ప్రవేశాన్ని అడ్డుకొంటున్నది పీరియడ్స్. అయితే తమిళనాడులోని ప్రముఖ దేవాలయంలో ఎన్నో దశాబ్దాలుగా పీరియడ్స్ సమయంలోనూ మహిళలు గర్భగుడిలోకి వెళ్లవచ్చు.

మరువత్తూర్ లో ఉన్న అరుల్మిగు ఆదిపరాశక్తి పీఠం

P.C: You Tube

అంతేకాకుండా స్వయంగా అమ్మవారికి పూజలు కూడా చేవచ్చు. అదే మేల్ మరువత్తూర్ లో ఉన్న అరుల్మిగు ఆదిపరాశక్తి పీఠం. దీనినే ఆదిపరాశక్తి సిద్దార్ పీఠం అని కూడా అంటారు.

మరువత్తూర్ లో ఉన్న అరుల్మిగు ఆదిపరాశక్తి పీఠం

P.C: You Tube

తమిళనాడు రాజధాని చెన్నైకు 92 కిలోమీటర్ల దూరంలోని మేల్ మరవత్తూర్ గ్రామంలో ఉంది. ఈ ఆలయంలో రుతుస్రావాన్ని అపవిత్రంగా పరిగణించరు. ఈ క్రియను మహిళలో జరిగే ఒక సహజమైన ప్రక్రియగానే భావిస్తుంది.

మరువత్తూర్ లో ఉన్న అరుల్మిగు ఆదిపరాశక్తి పీఠం

P.C: You Tube

అందువల్లే మహిళలకు ఆ సమయంలో కూడా దేవాలయంలోకి ప్రవేశం కల్పిస్తారు. అంతేకాకుండా అన్ని దేవాలయాల్లో కంటే ఈ దేవాలయం భిన్నమైనది. ఇక్కడ పూజారులు ఉండరు. మహిళలు ఎప్పుడైనా వెళ్లి స్వయంగా అమ్మవారికి పూజలు నిర్వహించవచ్చు.

మరువత్తూర్ లో ఉన్న అరుల్మిగు ఆదిపరాశక్తి పీఠం

P.C: You Tube

అదే విధంగా ఇక్కడ కులమతాల పట్టింపు లేదు. ఏ కులం వారైనా, మతం వారైనా ఎప్పుడైనా వచ్చి అభిషేకాలు నిర్వహించుకోవచ్చు. దైవం ద`ష్టిలో మహిళలు, పురుషులే కాకుండా అన్ని కులాలు, మతాల వారు అన్ని సమయాల్లోనూ సమానులే అన్న దానికి ప్రతీకగా ఇక్కడ పూజావిధానాలు ఉంటాయని చెబుతారు.

మరువత్తూర్ లో ఉన్న అరుల్మిగు ఆదిపరాశక్తి పీఠం

P.C: You Tube

ఈ ఆలయానికి సంబంధించిన కథ ఒకటి ప్రచారంలో ఉంది. దీనిని అనుసరించి తమిళనాడులోని మేల్ మరువత్తూర్ గ్రామానికి చెందిన బంగారు అడిగళార్ అనే ఉపాధ్యాయుడు గ్రామంలోని ఓ వేపచెట్టుకు పాలు కారుతున్నట్లు గుర్తించాడు.

మరువత్తూర్ లో ఉన్న అరుల్మిగు ఆదిపరాశక్తి పీఠం

P.C: You Tube

తర్వాత దానిని మరిచిపోయాడు. కొన్నిరోజులకు గ్రామంలో బలమైన గాలులతో కూడిన వర్షం వచ్చింది. దీంతో ఆ వేప వ`క్షం కూలిపోయింది. వర్షం వెలిసిన తర్వాత చూస్తే అక్కడ ఓ శివలింగం కనిపించింది.

మరువత్తూర్ లో ఉన్న అరుల్మిగు ఆదిపరాశక్తి పీఠం

P.C: You Tube

అటు పై బంగారు అడిగళార్ తనను తాను దేవి అంశగా చెప్పుకోవడం ప్రారంభించారు. ఆ చెట్టు ఉన్న ప్రాంతంలోనే ఆదిపరాశక్తి ఆలయాన్ని నిర్మించాడు. క్రీస్తు శకం 1966లో బంగారు అడిగళర్ ఈ ఆలయాన్ని నిర్మించాడు.

మరువత్తూర్ లో ఉన్న అరుల్మిగు ఆదిపరాశక్తి పీఠం

P.C: You Tube

అన్ని మతాల వారికి ఆలయంలో ప్రవేశం ఉంటుంది. నేరుగా అమ్మవారికి అభిషేకం చేయవచ్చు. అంతేకాకుండా ఆధ్యాత్మిక ప్రవచనాలు కూడా చేసేవారు. ఈ ప్రవచనాలకు ఆకర్షితులైన ఎంతో మంది ఆదిపరాశక్తి వార ప్రార్థన పేరుతో సంఘాలను ఏర్పాటు చేసుకొన్నారు.

మరువత్తూర్ లో ఉన్న అరుల్మిగు ఆదిపరాశక్తి పీఠం

P.C: You Tube

తమిళనాడులోనే కాకుండా ఆంధ్రప్రదేశ్, కర్నాటకలో కూడా ఈ సంఘాలు ఉన్నాయి. ఈ సంఘంలోని సభ్యులు అంతా ఏడాదికి ఒకసారైనా ఈ ఆలయాన్ని సందర్శిస్తుంటారు. ఇదిలా ఉండగా ఈ శక్తిపీఠం డా ఓ ట్రస్టు ఏర్పాటు చేసి పలు సేవా కార్యక్రమాలను చేపట్టారు.

మరువత్తూర్ లో ఉన్న అరుల్మిగు ఆదిపరాశక్తి పీఠం

P.C: You Tube

ఇటు ఆధ్యాత్మిక కార్యక్రమాలతో పాటు సమాజిక సేవా కార్యక్రమాలకు ఈ శక్తిపీఠం కేంద్రంగా మారింది. దీంతో ఇది ప్రముఖ యాత్రా స్థలంగా మారిపోయింది. ఇక్కడ మహిళలకు ఎటువంటి షరత్తులు, అడ్డంకులు ఉండవు.

మరువత్తూర్ లో ఉన్న అరుల్మిగు ఆదిపరాశక్తి పీఠం

P.C: You Tube

ఆలయ నిర్మాత బంగారు అడగళార్ రుతుస్రావాన్ని అపవిత్రంగా చూడకూడదని చెప్పారని ప్రస్తుత ఆలయ ధర్మకర్తలు చెబుతున్నారు. అందువల్ల మహిళలను నేరుగా గర్భగుడిలోకి పంపి పూజలు చేయిస్తున్నారు.

మరువత్తూర్ లో ఉన్న అరుల్మిగు ఆదిపరాశక్తి పీఠం

P.C: You Tube

అంతేకాకుండా ఈ ఆలయంలో సమాననత్వం గురించిన సూక్తులు, సందేశాలు కనిపిస్తాయి. ముఖ్యంగా లింగ సమానత్వంతో పాటు కుల, మత సమానత్వం కూడా కనిపిస్తుంది. ప్రతి ఒక్కరిని ఒక శక్తిగా పరిగణిస్తారు.

మరువత్తూర్ లో ఉన్న అరుల్మిగు ఆదిపరాశక్తి పీఠం

P.C: You Tube

ఇక్కడ 21 మంది సిద్ధులు జీవసమాధి చెందారని చెబుతారు. ఇందులో మహిళలు కూడా ఉన్నారు. ఇక్కడ సప్త కన్ని ఉపాలయం కూడా చూడదగినదే. ఈ ఉపాలయానికి పై కప్పు ఉండక పోవడం విశేషం. నవరాత్రి ఉత్సవాలు ఇక్కడ బ్రహ్మాండంగా జరుగుతాయి.