దేశంలో... పురాతన మర్రిచెట్లు

1. తిమ్మమ్మ మర్రిమాను, ఆంధ్రప్రదేశ్

p.c.

ప్రపంచంలోనే అతి పెద్ద మర్రి చెట్టు ఆంధ్రప్రదేశ్లోని అనంతపురంలో ఉంది. పందిరిలా అల్లుకున్న ఆ చెట్టు దాదాపు నాలుగు ఎకరాల్లో విస్తరించింది. ఈ భారీ వృక్షం చూసేందుకు అద్భుతంగా ఉంటుంది. అంతేకాదు ఈ చెట్టు తిమ్పమ్మ అని పిలవబడే దేవత కొలువుదీరిన పవిత్ర ప్రదేశంలో ఉన్నట్టు భక్తులు నమ్ముతారు.
చెట్టుకు దగ్గర్లోనే తిమ్మమ్మ గుడి ఉంది. సంతానం లేని దంపతులు ఆ అమ్మవారిని మొక్కుకుంటే ఆరోగ్యకరమైన బిడ్డ జన్మిస్తాడని చుట్టుపక్కల వారి నమ్మకం. ఈ మర్రిచెట్టుకున్న ఊడలు, బలమైన కొమ్మలు... ఆ చెట్టును గిన్నిస్ బుక్ రికార్డుల్లోకి ఎక్కించాయి. ఈ చెట్టను ఓసారి ఎందుకు దర్శించుకోకూడదు? మీరే ఆలోచించండి.

2. దొడ్డ అలడ మర, కర్ణాటక

p.c.

కన్నడలో దొడ్డ అలడ మర అంటే భారీ మర్రి వృక్షం అని అర్థం. కర్ణాటకలోని బెంగళూరులో నాలుగువందల ఏళ్ల నాటి ఈ మర్రి మాను కొలువుదీరింది. బెంగళూరులో ఉన్న ప్రకృతి ప్రేమికులకు , పిక్ నిక్ కు వెళ్లాలనుకునే పర్యాటకులకు ఈ మర్రి చెట్టు మంచి గమ్యస్థానం అవుతుంది.

ఈ చెట్టు కింద ఎంతో మంది ప్రజలు తాజా గాలి పీల్చుకునేందుకు, పిక్ నిక్ ల కోసం వచ్చి పోతుంటారు. ఆ చెట్టు నీడలో పిల్లా పాపలతో కుటుంబసమేతంగా వచ్చి సేదతీరుతుంటారు. ఆ చెట్టు ఊడలతో వందలాది మంది పిల్లలు ఆడుకుంటూ ఉంటారు.

3. అడ్యర్ మర్రి చెట్టు, చెన్నై

Image source

చెన్నైలో ఉన్న అడ్వర్ మర్రి చెట్టు చరిత్ర ఇప్పటికీ పూర్తిగా తెలియరాలేదు. ఈ చెట్టు వయసెంతో, ఏ కాలం నాటిది సరిగా ఎవరికీ తెలియదు. ఒక అంచనా ప్రకారం 450 ఏళ్ల నాటిది అయి ఉండొచ్చని అనుకుంటున్నారు. ఈ పచ్చని చెట్టు చుట్టూ ఆవరించి ఉన్న అనువైన వాతావరణం... ఈ ప్రాంతాన్ని మంచి పర్యాటకప్రాంతంగా మార్చింది.

ప్రకృతి ప్రేమికులకు ఈ చెట్టే ముఖ్య గమ్యస్థానం. ఈ చెట్టు నుంచి వచ్చిన ఊడలు ఎకరాల కొద్దీ భారీగా ఆవరించి ప్రధాన ఆకర్షణగా నిలిచాయి.

4. గ్రేట్ బన్యన్, కోల్ కతా

p.c.

కోల్ కతా లోని అతి పురాతన చెట్లలో గ్రేట్ బన్యన్ కూడా ఒకటి. ఈ మర్రి మానుకు దాదాపు 250 ఏళ్ల వయసు ఉంటుందని అంచనా. అంతేకాదు ఈ చెట్టు చుట్టూ రకరకాల అరుదైన చెట్లు, మొక్కలు కూడా పెరుగుతున్నాయి. వీటిని ప్రపంచంలోని నలుమూలలా నుంచి తెచ్చి వేశారు. రెండు పెద్ద తుఫానుల ధాటికి తట్టుకుని మరీ ఈ మర్రి చెట్టు స్థిరంగా నిలుచుని ఉంది.

కోల్ కతాలోని ప్రజలు రోజూ భారీగా ఈ చెట్టు కింద సేదతీరేందుకు వస్తుంటారు. అక్కడి వాతావరణం మనసులను ప్రశాంతంగా మారుస్తుంది. మీరు కూడా ఈ చెట్టు అందాలను తిలకిస్తే బావుంటుంది.

5. పిల్లలమర్రి, తెలంగాణ

p.c.

మహబూబ్ నగర్ జిల్లాలో ఉంది మహా మర్రి మాను... పిల్లలమర్రి. దాదాపు ఎనిమిది వందల ఏళ్ల నాటి పురాతన చెట్టు ఇది. గతంలోనూ, ఇప్పుడు కూడా ఈ ప్రాంతాన్ని పవిత్ర దైవ ప్రదేశంగా కొలుస్తున్నారు. ఈ మహా వృక్షాన్ని చూసేందుకు ప్రజలు తండోపతండాలుగా వస్తుంటారు.

ఈ చెట్టు కింద భాగాన్ని చక్కటి, అందమైన పార్కుగా మార్చారు. అక్కడ కూర్చుని చల్లని గాలిని, పచ్చని పరిసరాలను, ఆహ్లాదకరమైన వాతావరణాన్ని ఎంజాయ్ చేయవచ్చు. ఇవే కాకుండా ఆ ప్రాంతానికి దగ్గర్లో ఉన్న సైన్సు మ్యూజియం, జింకల పార్కును కూడా దర్శించవచ్చు.