• Follow NativePlanet
Share
» »అల్లూరి సీతారామరాజు పూజలు చేసిన గుడి !

అల్లూరి సీతారామరాజు పూజలు చేసిన గుడి !

మారేడుమిల్లి లో వ్యూపాంట్లు అద్భుతంగా ఉంటాయి. డీప్ ఫారెస్ట్ లోనికి వెళ్లే కొలది దారిపోడవునా అడవి జంతువులు, అరుదుగా పులులు మరియు పక్షులు కనిపిస్తాయి. మరొక విషయం ఈ మారేడుమిల్లి అడవులను ఒకప్పుడు అల్లూరి సీతారామరాజు తన స్థావరంగా ఉపయోగించేవాడట ..! ఇక్కడికి సమీపంలో 12 కి. మీ. దూరంలో రంపచోడవరం గ్రామం ఉన్నది. ఇక్కడ అల్లూరి సీతారామరాజు పూజలు చేసేవాడట. జలపాతాలు, ప్రకృతి అందాలకు ఇది కూడా మారేడుమిల్లిని ఏమాత్రం తీసిపోదు. మరి ఈ వనవిహారంలో ఏమేమి చూడాలో ఒకసారి తెలుసుకుందాం పదండి !

సహజ సిద్ధమైన అటవీ అందాలకు, ప్రకృతి రమణీయతలకు పుట్టినిల్లు మారేడుమిల్లి ప్రదేశం. తూర్పుగోదావరి జిల్లా, రాజమండ్రి కి 84 కి.మీ. దూరంలో ... భద్రాచలం పోయే మార్గంలో ఈ మండలం ఉన్నది. తూర్పు కనుమల అటవీ అందాలను ఇక్కడ తనివితీరా ఆస్వాదించవచ్చు. కరెక్ట్ గా చెప్పాలంటే ఇది భద్రాచలం అడవుల్లో ఉందనమాట..!

మారేడుమిల్లి ఎలా చేరుకోవాలి?

మారేడుమిల్లి ఎలా చేరుకోవాలి?

మారేడుమిల్లి చేరుకోవాలంటే ..

విమాన మార్గం - మారేడుమిల్లి సమీపాన రాజమండ్రి విమానాశ్రయం(82 కి. మీ) కలదు. రైలు మార్గం - మారేడుమిల్లి కి సమీపాన రాజమండ్రి రైల్వే స్టేషన్ ప్రధాన రైల్వే స్టేషన్ గా ఉన్నది. ఇక్కడైతే అన్ని ఎక్స్‌ప్రెస్, సూపర్ ఫాస్ట్ రైళ్లు ఆగుతాయి.

చిత్ర కృప : Mahendra Patnaik

మారేడుమిల్లి ఎలా చేరుకోవాలి?

మారేడుమిల్లి ఎలా చేరుకోవాలి?

మారేడుమిల్లి చేరుకోవటానికి రెండు రోడ్డు మార్గాలు ఉన్నాయి. అందులో ఒకటేమో రాజమండ్రి నుంచి, మరొకటేమో భద్రాచలం నుంచి.

1) ఉచిత సలహా ఏంటంటే, రాజమండ్రిలో ట్యాక్సీ లేదా ట్రావెలర్ అద్దెకు మాట్లాడుకోని వెళ్ళాలి.

2) రాజమండ్రి నుంచి వచ్చేవారు బస్ స్టాండ్ కు వెళ్ళి , భద్రాచలం అని తగిలించిన బోర్డ్ గల బస్సులో ఎక్కి, రెండు - మూడు గంటలు ప్రయాణించి మారేడుమిల్లి(85 కి.మీ) చేరుకోవాలి.

3) భద్రాచలం నుంచి వచ్చేవారు బస్ స్టాండ్ కు వెళ్ళి , రాజమండ్రి అని తగిలించిన బోర్డ్ గల బస్సులో ఎక్కి, 88 కి.మీ. దూరం ప్రయాణించి మారేడుమిల్లి చేరుకోవాలి.

చిత్ర కృప : ChanduBandi

మారేడుమిల్లి లో ...

మారేడుమిల్లి లో ...

మారేడుమిల్లి లో మరియు చుట్టుప్రక్కల చూడటానికి అనేక ప్రదేశాలు ఉన్నాయి. అందులో ప్రధాన ఆకర్షణ జలతరింగిని జలపాతం. ఈ జలపాతం అందమైన ప్రకృతి ప్రదేశంలో ఉన్నది. దీనిని చూడటానికి తెల్లతెల్లారుజామున వెళితే బాగుంటుంది.

చిత్ర కృప : KRISHNA SRIVATSA NIMMARAJU

నందవనం

నందవనం

నందవనం - బేంబూ చికెన్ మరియు ఔషధ మొక్కల తోటలకు ప్రసిద్ధి. ఇదికూడా సహజ అందాల కోవకే చెందినప్పటికీ సరైన మేంటెనెన్స్(నిర్వహణ) లేదు. తూర్పు కనుమలు, ఒరిస్సా నుంచి తీసుకొచ్చిన మొక్కలను సందర్శనకై ఉంచారు.

చిత్ర కృప : KRISHNA SRIVATSA NIMMA

వాలీ సుగ్రీవ మెడిసినల్ ప్లాంట్ కన్వర్శేషన్ ఏరియా

వాలీ సుగ్రీవ మెడిసినల్ ప్లాంట్ కన్వర్శేషన్ ఏరియా

వాలీ సుగ్రీవ మెడిసినల్ ప్లాంట్ కన్వర్శేషన్ ఏరియా ఒక ఎత్తుపల్లాల భూభాగం. సుమారు 260 హెక్టార్ లలో విస్తరించిన ఈ ఏరియాలో 230 రకాల మొక్కలు మరియు అరుదైన మొక్కలను గుర్తుంచారు. ఇది కూడా సందర్శించదగినదే ..!

చిత్ర కృప : cbet maredumilli

కార్తీకవనం

కార్తీకవనం

కార్తీకవనం మొక్కలతో నిండిన ఒక ఆధ్యాత్మిక ప్రదేశం. ముఖ్యంగా కార్తీక మాసంలో(అక్టోబర్ నెలలో) ఇక్కడ వనభోజనాలు పెద్ద ఎత్తున నిర్వహిస్తారు. రావి, వేప, ఉసిరి, మర్రి మరియు బిల్వ మొక్కలు ఎక్కవగా కనిపిస్తాయి.

చిత్ర కృప : Vijay B

కాఫీ మరియు పెప్పర్ తోటలు

కాఫీ మరియు పెప్పర్ తోటలు

నందవనం లో చూడవలసిన మరో స్పాట్ కాఫీ మరియు పెప్పర్ తోటలు. వీటితో పాటు చెట్లు, పొదలు మరియు వివిధ పండ్ల తోటలు చూడవచ్చు.

చిత్ర కృప : Caroline Gagné

మదనకున్జ్ - విహార స్థలం

మదనకున్జ్ - విహార స్థలం

మదన కున్జ్ విహార స్థలం అడవిలోకి వెళ్లే దారిలో కనిపిస్తుంది. ఇక్కడ పులులు, అడవి దున్నలు, జింకలు, నెమళ్ళు, అడవి కోళ్లు, ఎలుగు బంట్లు చూడవచ్చు. పులులు మాత్రం అరుదుగా కనిపిస్తాయి. అడవి పక్షులు, సీతాకోక చిలుకలు కూడా పర్యాటకులను ఆకర్షిస్తాయి.

చిత్ర కృప : cbet maredumilli

క్రొకడైల్ స్పాట్

క్రొకడైల్ స్పాట్

ఇదివరకే చెప్పాను కదా ..! ఇక్కడ పాములేరు వాగు ఉందని. అక్కడే ఈ క్రొకడైల్స్ ఉంటాయి. ఇక్కడ స్నానాలు చేయటం నిషేధం కారణం మీకు తెలుసుగా ..?

చిత్ర కృప : Tourism Times

టైగర్ స్పాట్

టైగర్ స్పాట్

టైగర్ స్పాట్ మారేడుమిల్లి కి 5 కి.మీ. దూరంలో అడవిలో ఉంటుంది. అక్కడికి వెళితే పులులగాండ్రింపులు వినవచ్చు.

చిత్ర కృప : Tourism Times

జంగల్ స్టార్ క్యాంప్ సైట్

జంగల్ స్టార్ క్యాంప్ సైట్

జంగల్ స్టార్ క్యాంప్ సీట్ కి, రామాయణానికి మధ్యలింక్ ఉంది. ఇక్కడ రామాయణ కాలంలో యుద్ధం జరిగినట్లు భావిస్తుంటారు. క్యాంప్ సైట్ పక్కనే మూడు వైపుల నుంచి ప్రవహించే వలమూరు నది నీటి ప్రవాహాలు, గడ్డి మైదానాలు, కొండలు , అడవులు ... చెప్పాలంటే తూర్పు కనుమల అందాలన్నీ ఇక్కడే ఉన్నాయా ?? అన్నట్టు అనిపిస్తుంది.

చిత్ర కృప : Tourism Times

వనవిహారి రిశార్ట్

వనవిహారి రిశార్ట్

మీరు వనవిహారి రిశార్ట్ లో బస(స్టే) చేసేవారితే అక్కడికి సమీపంలోని జంగల్ స్టార్ రిసార్ట్ కు వెళ్ళి, ఆ ప్రదేశ అందాలను, పాములేరు ప్రవాహాన్నీ ఆనందించవచ్చు.

చిత్ర కృప :Tourism Times

మరిన్ని జలపాతాలు

మరిన్ని జలపాతాలు

స్వర్ణ ధార, అమృత ధార అనేవి మారేడుమిల్లి లో చూడవలసిన మరికొన్ని జలపాతాలు. ఇలా ఎన్నో మారేడుమిల్లి లో చూడవలసిన ఆకర్షనీయ ప్రదేశాలు ఉన్నాయి.

చిత్ర కృప : KRISHNA SRIVATSA NIMMARAJU

రంపచోడవరంలో ...

రంపచోడవరంలో ...

రంప జలపాతం రంపచోడవరంలో చూడవలసిన ప్రధాన టూరిస్ట్ స్పాట్. ఈ జలపాతం సంవత్సరం పొడవునా నీటి ప్రవాహాలతో పర్యాటకులను ఆకర్షిస్తూ ఉంటుంది. అలాగే పురాతన శివాలయం కూడా ఇక్కడ ప్రసిద్ధి గాంచినది. అల్లూరి సీతారామరాజు ఈ ఆలయంలోనే పూజలు చేసేవాడట ..!

చిత్ర కృప : v_sridhar33

రంప జలపాతం

రంప జలపాతం

శ్రీ నీలకంఠేశ్వర వన విహార స్థలం రంప చోడవడం గ్రామానికి 4 కి. మీ. దూరంలో ఉంటుంది. ఇక్కడ ప్రకృతి మాత దీవించి ప్రసాదించిన నీలకంఠేశ్వర మరియు రంప జలపాతాలు ఉన్నాయి. ప్రశాంతమైన వాతావరణంలో, అడవుల్లో ఉన్న ఈ జలపాతాల శబ్ధాలు ఒకింత అనుభూతిని, ఆనందాన్ని మిగుల్చుతుంది.

చిత్ర కృప : vanavihari

పర్యాటకానికి సంబంధించిన వివరాలు తెలుసుకోండి
పర్యాటక చిట్కాలు, పర్యాటకానికి సంబంధించిన కథాలు తక్షణం పొందండి