శ్రీ కృష్ణుడి జన్మాష్టమి వేడుకలను చూసొద్దాం రండి

మధుర

P.C: You Tube

శ్రీ కృష్ణుడు జన్మించింది మధురలోనే. ఇక్కడ ఆ నల్లనయ్య జన్మదిన వేడుకలను అత్యంత వైభవంగా నిర్వహిస్తారు. ముఖ్యంగా ఈ వేడుకల సందర్భంగా నిర్వహించే జూలానోత్సవం, ఘటాస్ అనే కార్యక్రమాలు చూసి తీరాల్సిందే.

జూలానోత్సవం

P.C: You Tube

జూలానోత్సవంలో ప్రతి ఇంటిలోనూ ఉయ్యల వేలాడదీసి అందులో చిన్ని కృష్ణుడి బొమ్మను ఉంచి ఊపుతూ పాటలు పాడుతారు. ఆ విగ్రహానికి పాలు, వెన్న, నెయ్యితో స్నానం చేయిస్తారు. ఇక ఘటాస్ అనే కార్యక్రమం ముఖ్యంగా దేవాలయాల్లో జరుగుతుంది.

ఘంటానాదం

P.C: You Tube

ఆ సమయంలో మధురలోని అన్ని దేవాలయాల్లో ఒకే సారి గంటలను మోగిస్తారు. శ్రీ కృష్ణుడు జన్మించిన సమయంలోనే వినిపించే ఆ ఘంటానాదం వినడానికి ఎంతో వినసొంపుగా ఉంటుంది. అందువల్లే జన్మాష్టమిని చూడటానికి విదేశీయులు సైతం మధురకు వెలుతుంటారు.

బృందావన్

P.C: You Tube

మధురకు కేవలం 15 కిలోమీటర్ల దూరంలోనే ఈ బృందావన్ ఉంటుంది. కృష్ణుడు ఇక్కడే పెరిగి పెద్దవాడియినట్లు హిందూ పురాణాలు చెబుతాయి. ముఖ్యంగా రాధా కృష్ణుల, గోపికల సయ్యాటలు ఇక్కడే సాగినట్లు చెబుతారు.

పది రోజులు

P.C: You Tube

జన్మాష్టమి వేడుకలు ఇక్కడ పది రోజుల పాటు సాగుతాయి. దేవాలయాలను అందంగా అలంకరిస్తారు. మొత్తం నగరాన్ని విద్యుత్ దీపాలతో అలంకరిస్తారు. ఈ బృందావన్ లో గోవింద దేవ్ దేవాలయంలో జరిగే జన్మాష్టమి వేడుకలను చూడటానికి రెండు కళ్లు చాలవు.

తులసీ వనం

P.C: You Tube

అంతేకాకుండా ఈ బృందావన్ లో తులసీ వనంలో ఉన్న దేవాలయం, రంగనాథ్ జీ, రాధారమన్ దేవాలయం, ఇస్కాన్ దేవాలయం తదితర దేవాలయాల్లో కూడా జన్మాష్టమి వేడుకలను ఘనంగా నిర్వహిస్తారు. ఈ బృందావన్లో దాదాపు 4వేల దేవాలయాలు ఉన్నట్లు చెబుతారు.

గోకుల్

P.C: You Tube

మధురలో శ్రీ కృష్ణుడి జననం తర్వాత వెంటనే గోకుల్ కు తీసుకువచ్చారు. అక్కడే ఆ నందనందుడు అల్లారుముద్దుగా పెరిగాడు. ముఖ్యంగా యశోదమ్మకు తన నోటిలో భువనబాండాలు చూపించింది ఇక్కడేనని చెబుతారు.

ఒక రోజు ఆలస్యంగా

P.C: You Tube

అయితే జన్మాష్టమి కంటే ఒకరోజు ఆలస్యంగా గోకుల్ లో ఉత్సవాలు జరుపుతారు. ఎందుకంటే శ్రీ కృష్ణుడు జన్మించిన తర్వాత ఒక రోజు ఆలస్యంగా ఇక్కడికి వచ్చాడు కాబట్టి. ఆ రోజున గోకుల్ లో నందోత్సవం జరుపుకొంటారు.

పెరుగు, పసుపును చల్లుకొంటూ

P.C: You Tube

ఆ పరమాత్ముడు చిన్న బాలుడి రూపంలో తమ ప్రాంతానికి వచ్చిన విషయాన్ని గుర్తు చేసుకొంటూ ఒకరి పై ఒకరు పాలు, పెరుగు, పసుపును చల్లుకొంటారు. దీనిని నందనోత్సవం అంటారు. ఈ గోకుల్ లోని రాధా రమన్ దేవాలయం, రాధా దామోదర దేవాలయాల్లో జరిగినట్లు చుట్టు పక్కల ఎక్కడా జన్మాష్టమి వేడుకలు జరగవని ప్రతీతి.

ద్వారక

P.C: You Tube

చార్ ధామ్ యాత్రలో ద్వారక కూడా ఒకటి. అంతేకాకుండా ద్వారక సప్త మోక్ష నగరాల్లో ప్రముఖ మైనది. ఇక్కడి ద్వారకేశ్వరుడి దర్శనం వల్ల మోక్షం సిద్ధిస్తుందని హిందువులు తరతరాలుగా నమ్ముతున్నారు. శ్రీ క`ష్ణ భగవాడును ద్వారకను రాజధానిగా చేసుకునే పరిపాలించాడని చెబుతారు.

సముద్రంలో

P.C: You Tube

శ్రీ క`ష్ణుడి మరణం తర్వాత ద్వారక సముద్రంలో మునిగిపోయిందని చెబుతారు. ప్రస్తుతం ఉన్న ద్వారక తిరిగి నిర్మించినదని కథనం. దీంతో శ్రీ క`ష్ణుడికి ద్వారకకు అవినాభావ సంబంధం ఉంది. అందువల్లే ద్వారకలో ఆ పరమాత్ముడి జన్మదిన వేడుకలు అంగరంగ వైభవంగా జరుపుతారు.

రాత్రి మొత్తం భజనలు

P.C: You Tube

జన్మాష్టమి రోజున రాత్రి మొత్తం ఇక్కడి దేవాలయాల్లో ఆ నల్లనయ్యను కీర్తిస్తూ భజనలు, న`త్యాలు జరుగుతాయి. ఇక్కడ ద్వారకాదీష్ దేవాలయం, రుక్మిణి దేవాలయం, బెట్ ద్వారకా లో జరిగే ఉత్సవాలను చూడాల్సిందే.

మంచి షాపింగ్ కూడా

P.C: You Tube

సముద్రంలో ముగినిగిపోయిన పురాతన ద్వారక పట్టణాన్ని ఇటీవల కనుగొప్నారు. ద్వారక షాపింగ్ కు కూడా చక్కనైన ప్రాంతం. ఇక్కడ పటోలా పట్టు చీరలు మొదలుకొని అనేక వస్తువులు చౌక ధరకు దొరుకుతాయి.