రాంఘర్ - రామాయణం కాలం నాటి ప్రదేశం !!

టూటీ ఝర్నా ఆలయం

టూటీ ఝర్నా ఆలయం పాట్నా - రాంచి హై వే మీద కలదు. ఇక్కడ శివలింగం పై నుండి జలపాతం కిందకు పడటం తప్పక చూడదగ్గది. సమీపంలో రఘునాథ్ బాబా ఆలయం కలదు.

చిత్రకృప: Kuarun

మాయాతుంగి ఆలయం

రాంఘర్ కు 5 కిలోమీటర్ల దూరంలో, సుందరమైన ప్రకృతి కొండల మధ్య అలరారుతూ ఒక విహార ప్రదేశంగా ఉంది మాయాతుంగి దేవాలయం. సముద్రమట్టానికి 300 అడుగుల ఎత్తులో ఉన్న ఈ దేవాలయానికి చేరుకోవటానికి పావుగంట చాలు. ప్రతి ఏటా ఉత్సవాలు నిర్వహిస్తారు.

చిత్రకృప : Kuarun

కతియా శివ మందిర్

రాంఘర్ కు 3 కిలోమీటర్ల దూరంలో జాతీయ రహదారి అనుకోని కతియా శివ మందిర్ కలదు. ఇందులో శివలింగం రెండు అంతస్తుల ఎత్తున ఉంటుంది. ఇదొక జాతీయ స్మృతి చిహ్నం. శిల్పకళలు అద్భుతంగా ఉంటాయి.

చిత్రకృప : Kuarun

కెరె మఠం, గురుద్వారా సింగ్ సభ

కెరె మఠం బౌద్దులకు సంబంధించినది. గురుద్వారా సిక్కులకు సంబందించినది. కులమతాలకు అతీతంగా యాత్రికులు ఈ రెండు మత కేంద్రాలను దర్శిస్తుంటారు.

చిత్రకృప : Kuarun

రాజ్ రప్పా మందిర్

ఇదొక శక్తి పీఠమే కాదు విహార కేంద్రంగా పర్యాటకులను ఆకర్షిస్తుంది. పర్యాటకులు ఇక్కడ దేవిని ఆరాధిస్తూనే కొండలు, నదులు, ప్రకృతి, అరణ్యాలను చూస్తూ ఆనందిస్తుంటారు. ఇక్కడ ప్రతిఏటా పెద్ద ఎత్తున వివాహ వేడుకలు జరుగుతుంటాయి.

చిత్రకృప : Hrishi Raj

స్మారక చిహ్నాలు

రాంఘర్ పలు స్మారాక చిహ్నాలకు ఆలవాలమై ఉంది. వాటిలో మహాత్మాగాంధీ సమాధి శాంతల్, చైనా సమాధి ప్రముఖమైనది.

చిత్రకృప : Kuarun

ప్రకృతి ప్రదేశాలు

నైకరి ఆనకట్ట, ధుర్ దురియా, ఆమ్ ఝరియా, నిమి, ధారా, బంకెట్టా, హుద్రు జలపాతాలు, చుతుపల్లు, బరసోపని, జరీనా ఖటూన్ మ్యూజియం మొదలగునవి పర్యాటకులు చూడవచ్చు.

చిత్రకృప : Kuarun

రాంఘర్ ఎలా చేరుకోవాలి ?

వాయు మార్గం : రాంఘర్ కు 70 కి. మీ. ల దూరంలో రాంచి ఎయిర్ పోర్ట్ కలదు. అక్కడి నుండి క్యాబ్ లేదా టాక్సీ అద్దెకు తీసుకొని రాంఘర్ చేరుకోవచ్చు.

రైలు మార్గం : రాంఘర్ కంటోన్మెంట్ రైల్వే స్టేషన్ 11 కి.మీ. ల దూరంలో కలదు. టాక్సీ లేదా షేర్ ఆటోలలో పట్టణానికి చేరుకోవచ్చు.

బస్సు మార్గం : రాంచి, బర్కరకానా తదితర సమీప పట్టణాల నుండి రాంఘర్ కు పలు ప్రభుత్వ/ ప్రవేట్ బస్సులు తిరుగుతుంటాయి.

చిత్రకృప : Kuarun