500 ఏళ్లైనా చెక్కుచెదరని ఖిల్లా రహస్యాలన్నీ మీకు తెలుసా

గోల్కొండ కోట ఇండో, పర్షియన్ శైలి ఇంజనీరింగ్ ప్రతిభకు నిదర్శనం. ఎంత దూరంలో ఎంతమంది శత్రువులు ఉన్నారన్న విషయాన్ని తెలుసుకోవడానికి సుమారు 500 ఏళ్ల క్రితమే ఈ గోల్కొండ కోటను నిర్మాణం వాడిన ఇంజనీరింగ్ సాంకేతికత ఉపయోగ పడింది. ధ్వని, ప్రతిధ్వని అనే సాంకేతికతో నిర్మించిన ఈ విధానం అప్పట్లో మిగిలిన కోటల నుంచి ఈ గోల్కొండ కోటను విభిన్నంగా ఉంచింది. అంతేకాకుండా నాలుగు కోటల సమూహమైన ఈ గోల్కొండ కోట శత్రుదుర్భేద్యంగా ఉండేది. ఈ కోట లోపల బావులే కాకుండా పంట కాలువలు కూడా ఉండేవి. ఇక వజ్రాల వ్యాపారానికి కూడా ఈ కోట ఎంతో ప్రాముఖ్యం చెందినది. దాదాపు 67 ఏళ్లపాటు ఈ గోల్కొండ కోట నిర్మాణం కొనసాగింది. ఇటువంటి మరెన్నో వివరాలు మీ కోసం... P.C: You Tubeగొల్ల కొండ నుంచి గోల్కొండ కోటగా రూపాంతరం చెందిన ఈ ఖిల్లా వెనుక ఆసక్తికర కథనం ఉంది. క్రీస్తుశకం 1143లో మంగళవరం అనే రాళ్ల గుట్ట పై ఓ గొడ్లకాపరికి ఒక దేవతా విగ్రహం కనిపించింది. P.C: You Tubeఈ వార్త అప్పటి ఆ ప్రాంతాన్ని పాలించే కాకతీయులకు చేరవేయబడింది. వెంటనే ఆ స్థలములో రాజు ఓ మట్టి కట్టడాన్ని నిర్మించారు. అటు పై రాళ్లతో అత్యంత పటిష్టంగా ఈ కోటను నిర్మించారు. P.C: You Tubeఅటు పై ఈ ప్రాంతం చేతులు మారీ కుతుబ్ షాహీల పాలనలోకి వచ్చింది. కాగా, ఏదైన కట్టడాన్ని కింది నుంచి పైకి కడుతారు. కానీ గోల్కొండ కోటను పై నుంచి కిందికి కడుతూ వచ్చినట్లు చరిత్రకారులు చెబుతున్నారు. P.C: You Tubeక్రీస్తు శకం 1518 లో సుల్తాన్ కులీ కుతుబ్ షా కాలంలో కోట నిర్మాణం ప్రారంభించగా, క్రీస్తుశకం 1585 మహ్మద్ కులీ కుతుబ్ షా కాలం వరకూ నిర్మాణం జరిగింది. అంటే దాదాపు 67 ఏళ్లపాటు ఐదుగురు రాజుల హయాంలో ఈ కోట నిర్మాణం జరిగిందని స్పష్టమవుతోంది. P.C: You Tubeఇక గోల్కొండ కోట వజ్రాల వ్యాపారానికి ఎంతో ఖ్యాతి చెందినది. ప్రపంచ ప్రసిద్ధి చెందిన కోహినూర్ వజ్రం, పిట్ వజ్రం, హోప్ వజ్రం, ఓర్లాఫ్ వజ్రం ఈ రాజ్యములోని పరిటాల కొల్లూరు గనుల నుంచి వచ్చాయి. P.C: You Tubeగోల్కొండ గనుల నుంచి వచ్చిన ధనము, వజ్రాలు నిజాము చక్రవర్తులను సుసంపన్నం చేశాయి. అందువల్లే నిజాం చక్రవర్తులు అప్పట్లో ప్రపంచంలోని అత్యతం ధనవంతుల జాబితాలో ఉండేవారు. P.C: You Tubeనిజం నవాబులు మొగలు చక్రవర్తుల నుంచి స్వాతంత్యం పొందిన తర్వాత హైదరాబాదను క్రీస్తు శకం 1724 నుంచి క్రీస్తు శకం 1948 లో భారత్ లో విలీనమయ్యేతంవరకూ పరిపాలించారు. P.C: You Tubeగోల్కొండ నాలుగు వేర్వేరు కోటల సముదాయం. ఒకదానిని చుట్టి మరొకటి నిర్మించబడ్డాయి. కోటను పటిష్టపరుచుటలో కుతుబ్ షాహీలదే ప్రధాన పాత్ర. వారు ఈ కోట నిర్మాణం కోసం వారు పర్షియా నుంచి నిపుణులను రప్పించారు. P.C: You Tubeగోల్కొండ నిర్మాణం పర్షియన్ ఆర్కిటెక్చర్ అద్భుతానికి ప్రతీకగా చెబుతారు. 500ఏళ్ల క్రితం వినియోగించిన ఇంజనీరింగ్ విధానం ఆశ్చర్యపరుస్తుంది. P.C: You Tubeకోటలోకి శత్రువులు ప్రవేశించినప్పుడు పై వారికి సమాచారం చేరవేసేందుకు ధ్వని, ప్రతిధ్వని అనే విధానాన్ని ఈ కోట నిర్మాణంలో వినియోగించారు. అందువల్లే ఈ కోట ఇంత ప్రాచూర్యం చెందింది. P.C: You Tubeకోట కింద భాగంలో చప్పట్లు కొడితే కిలోమీటరు దూరంలో లోపల ఉండే బాలాహిసార్ వద్ద ఆ శబ్ధం వినిపిస్తుంది. కోట ప్రధాన ద్వారం కనిపించకుండా ముందు కర్టెన్ వాల్ కూడా నిర్మించారు. P.C: You Tubeదీని వల్ల శత్రు సైన్యం తికమక పడే అవకాశం ఉంది. కోటలో ఊట బావులు, వర్షపు నీటి నిల్వ బావులు ఏర్పాటు చేశారు. వీటిలోకి 5 కిలోమీటర్ల దూరంలో ఉన్న దుర్గం చెరువు నుంచి నీళ్లు వచ్చేవి. P.C: You Tubeదీని కోసం మట్టి పైపులు, ఇనుప చక్రాలు వాడేవారు. ఇటువంటి నిర్మాణ విధానాలు అప్పట్లో దేశంలోని ఏ ఇతర కోట నిర్మాణంలోనూ వాడలేదని చెబుతారు. కోట నిర్మాణం పద్మవ్యూహాన్ని పోలినట్లు ఉంటుంది. P.C: You Tube120 మీటర్ల ఎత్తున్న నల్లరాతి కొండ పై గోల్కొండ కోటను నిర్మించారు. ఇది 87 అర్థచంద్రాకార బురుజులతో 10 కిలోమీటర్ల పొడవు ఉంటుంది. ఈ కోటకు నాలుగు ప్రధాన సింహద్వారాలు ఉన్నాయి. P.C: You Tubeరాజ దర్బారుకు చేరాలంటే మూడు మార్గాలు ఉన్నాయి. ఇక్కడి మెట్లు పద్మవ్యూహాన్ని తలపిస్తాయి. శత్రువులు కోటలోపలికి ప్రవేశించినా చివరికి సైనిక స్థావరాల్లోకి వెళ్లేలా ఈ మెట్లను నిర్మించడం అప్పటి ఇంజనీరింగ్, యుద్ధ తంత్ర నైపుణ్యానికి తార్కాణం. P.C: You Tubeఈ కోటకు ఉన్న ప్రధాన ద్వారాలను ఇనుముతో నిర్మించారు. కోటలోకి చేరుకోవడానికి 380 రాతి మెట్లున్నాయి. ఇక ఈ కోటకు అన్ని వైపులా ఫిరంగులు ఉండేవి. వీటిలో కొన్నింటిని మనం ఇప్పటికీ చూడవచ్చు. P.C: You Tubeబాలామిసార్ మెట్లకు కుడిపక్కగా ఒక పెద్ద బావి ఉంది. దీనిని బడీ బౌలి అని పిలిచేవారు. ఈ బడి బౌలికి కొద్ది దూరంలో మెట్ల కిందుగా పారే ఒక కాలువ ఉండేది. P.C: You Tubeఇది దగ్గర్లోని చెరువు కోటకు 5 మైళ్ల దూరంలో ఉంది. కోటలో ఉన్న తోటలకు, పొలాలలకు ఈ కాలువ ద్వారానే నీరు మళ్లించి పంటలను పండించేవారు. P.C: You Tubeఈ కోటలో దాద్ మహల్ కూడా చూడదగినది. ఇక్కడికి అప్పట్లో ప్రజలు వచ్చి తమ కష్టాలను చెప్పుకొనేవారు. రాజు ఈ దాద్ మహల్ లోని బాల్కని నుంచి వాటిని విని తగు సహాయం చేసేవారని చెబుతారు.