భారతదేశంలో అనేక దేవాలయాలు ఉన్నాయి. ఒక్కొక్క దేవాలయానికి ఒక్కొక్క విశిష్టత ఉంటుంది. అటువంటి కోవకు చెందినదే ఇప్పుడు మనం చెప్పుకోబోయే దేవాలయం. ఈ దేవాలయంలోని శివలింగం రోజుకు మూడుసార్లు తన రంగును మార్చుకొంటుంది. ఆ దేవాలయం ఎక్కడ ఉంది, అక్కడికి ఎలా వెళ్లాలి తదితర వివరాలన్నీ మీ కోసం...
రంగులు మార్చే శివలింగం, ఉడిపి
P.C: You Tube
రోజుకు మూడుసార్లు రంగును మార్చే శివలింగం ఉన్న దేవాలయం కాంతేశ్వర దేవాలయం. ఈ దేవాలయం ఉడిపి నుంచి 40 కిలోమీటర్ల దూరంలో ఉంటుంది. ఇది పడుబిద్రి నుంచి కార్కళకకు వెళ్లే దారిలో కాంతావర అనే గ్రామంలో ఈ దేవాలయం ఉంది.
రంగులు మార్చే శివలింగం, ఉడిపి
P.C: You Tube
ఈ దేవాలయం ఉన్న ప్రాంతం గతంలో అటవీ ప్రాంతం ఉండేది. ఆ ప్రాంతంలోని ప్రక`తి అందాలను చూసిన పార్వతి పరమేశ్వరులు కొద్ది కాలం ఇక్కడ ఉన్నరని స్థలపురాణం చెబుతుంది. కాలక్రమంలో అదే కాంతేశ్వర పుణ్యక్షేత్రంగా మారిపోయింది.
రంగులు మార్చే శివలింగం, ఉడిపి
P.C: You Tube
సుమారు ఏడో శతాబ్దంలో ఇక్కడ కాంతేశ్వరకు దేవాలయం నిర్మించారు. ఇక్కడ ప్రధాన దైవాన్ని కాంతేశ్వర పేరుతో పిలుస్తారు. ఇక్కడ గణేశ, అణ్ణప్ప, అర్థనారీశ్వర తదితర ఉపాలయాలను కూడా మనం చూడొచ్చు.
రంగులు మార్చే శివలింగం, ఉడిపి
P.C: You Tube
అదేవిధంగా ఇక్కడ జంజవాత అనే రాక్షసుడు నివసించేవాడు. ఆయనతో పాటు ఆయన కుటుంబ సభ్యులు ఇక్కడ తపస్సు చేసేవారిని హింసించేవారు. ఆ మునుల్లో ఒకరైన అంబరీశుడు ఆ రక్షసుడి నుంచి తమను కాపాడమని పరమశివుడని వేడుకొంటారు.
రంగులు మార్చే శివలింగం, ఉడిపి
P.C: You Tube
భక్తుడి కోరికమేరకు శివుడు ఆ రాక్షసుడిని సంహరించి మునులను కాపాడి ఇక్కడే శివలింగం రూపంలో కొలువై ఉండిపోతాడు. ఇక్కడి శివలింగం రోజులో మూడు సార్లు రంగులను మారుస్తుంది. ఉదయం తెల్లటి రంగులో ఉన్న శివలింగం మధ్యాహ్నం రాగి రంగులోకి సాయంత్రం బంగారు వర్ణంలోకి మారిపోతుంది. ఈ శివలింగం వజ్ర శిలతో తయారయ్యిందని చెబుతారు.
రంగులు మార్చే శివలింగం, ఉడిపి
P.C: You Tube
వ్యాపారంలో నష్టం రావడం, సంతానప్రాప్తి, కుటుంబ కలహాలు తదితర విషయాల్లో ఇబ్బందులు పడుతున్నవారు ఈ దేవాలయాన్ని సందర్శిస్తే ఉపశమనం కలుగుతుందని చెబుతారు. ఇక్కడి దేవాలయంలోని నంది విగ్రహం కూడా చూపరులను ఇట్టే ఆకర్షిస్తుంది.
రంగులు మార్చే శివలింగం, ఉడిపి
P.C: You Tube
ఈ కాంతేశ్వర సన్నిధానానికి సుమారు 3 కిలోమీటర్ల దూరంలో అంబరీషుడు తపస్సు చేసిన గుహ మనకు కనిపిస్తుంది. ఇక్కడే ఆ పరమేశ్వరుడు పార్వతీశుడికి దర్శనమిచ్చాడని చెబుతారు.
రంగులు మార్చే శివలింగం, ఉడిపి
P.C: You Tube
బెంగళూరు, మంగళూరు నుంచి ఉడిపికి నిత్యం బస్సు సర్వీసులు ఉన్నాయి. ఉడిపి నుంచి 40 కిలోమీటర్ల దూరంలోని ఈ దేవాలయాన్ని చేరుకోవడానికి ట్యాక్సీలు, బస్సులు అందుబాటులో ఉంటాయి. అదే విధంగా ఉడిపికి కర్నాటకలోని వివిధ నగరాల నుంచి బస్సులు ఉన్నాయి. ఈ క్షేత్రానికి దగ్గర్లో మంగళూరు అంతర్జాతీయ విమానాశ్రయం ఉంది.