ఖీచన్ లో సందర్శించవలసిన పర్యాటక స్థలాలు !!

రాజస్తాన్ లోని జోధ్‌పూర్ నగరానికి 150 కిలోమీటర్ల దూరంలో ఉన్న ఎడారి గ్రామమే ఖీచన్. 4.5 కిలోమీటర్ల దూరంలో వున్న ఫలోదీ ఈ గ్రామానికి సమీప పట్టణ౦. గత కొన్నేళ్ళుగా ఈ గ్రామం ప్రతి ఏడాది ఇక్కడకు వచ్చే అందమైన డేమాయిసేల్లె కొంగలకు ఆతిధ్యమిచ్చే ఒరవడిని అలవర్చుకున్నది. ఖీచన్ లో సందర్శించవలసిన పర్యాటక స్థలాలు విషయానికి వస్తే ..

ఇది కూడా చదవండి : జోధ్‌పూర్ నీలివర్ణపు అద్భుత గాధ !

ఖీచన్ పక్షుల అభయారణ్యం ఖీచన్ గ్రామంలోని ప్రధాన ఆకర్షణ. ఇది ఒక వలస పక్షుల నివాసంగా చెప్పవచ్చు. ఈ అభయారణ్యంలో ఐరోపా నైరుతి ప్రాంతం, నల్ల సముద్ర ప్రాంతం, పోలాండ్, యుక్రెయిన్, కజకిస్తాన్, ఉత్తర దక్షిణ ఆఫ్రికా, మంగోలియా నుండి వచ్చే మూడు రకాల కుర్జన్, కర్కర, కుంచ అనే పక్షుల రకాలు ఉన్నాయి.

కుంట వద్ద దాహార్తి తీర్చుకుంటున్న డేమాయిసేల్లె కొంగలు

చిత్ర కృప : Marco Duyves

ఐరోపా ఖండంలోని శీతాకాలపు చలి నుండి తప్పించుకోవడానికి భారత దేశానికి వలస వచ్చే ఈ పక్షులను అక్టోబర్ నుండి మార్చి నెలల మధ్య కాలంలో ఈ అభయారణ్యంలో చూడవచ్చు. ప్రతి ఏడాది భారీ సంఖ్యలో ఈ పక్షులు భారతదేశానికి వచ్చినప్పటికీ, కేవలం 4 - 5 వేలు మాత్రమే ఖీచన్లోని ఈ పక్షుల అభయారణ్యానికి వస్తాయి.

కుర్- కుర్ అనే ఒక విలక్షణమైన ధ్వని చేసే కుర్జన్, 4 - 6 కిలోల బరువుతో మూడు అడుగుల ఎత్తుతో ఉంటుంది. ఇవి చేసే ఈ విలక్షణమైన ధ్వని వలన స్థానిక భాషలో వీటిని కుర్జన్ అని పిలుస్తారు. ఈ పక్షికి గంటకు 40-60 కిలోమీటర్ల వేగంతో ఎక్కువ దూరాలకు ఎగరగల సామర్ధ్యం ఉంది. కుర్జన్ లకు గల విలక్షణమైన లక్షణాల వలన ఇవి ఎంతో ఆకర్షణీయంగా కనబడతాయి.

ఎక్కువ దూరాలకు ఎగరగల సామర్ధ్యం గల కుర్జన్

చిత్ర కృప : Cornelis Bakker

డేమాయిసేల్లె కొంగల పుట్టుక

కొన్నేళ్ళ క్రితం స్థానిక ప్రజలు కొంత మంది మార్వాడి సమాజంలోని ఒక పక్షి ప్రేమికునితో కలసి ఈ పక్షులకు ప్రతి ఉదయం గింజలు తినిపించడం ప్రారంభించారు. ఫలితంగా భారీ సంఖ్యలో స్థానికంగా కుర్జాస్ అని పిలిచే డేమాయిసేల్లె కొంగలు ఆకర్షితమయ్యాయి. అప్పటి నుండి ఈ పక్షులకు గింజలు తినిపించే ధోరణి కొనసాగింది. ప్రస్తుతం, ఖీచన్ లో రోజుకు 5000 కిలోల గింజలు పక్షుల కోసం వినియోగిస్తున్నారు.

కుర్జ సంరక్షణ వికాస సంస్థ

చిత్ర కృప : naturgucker.de / enjoynature.net

ఖీచన్ లో ఇంకా ఏమి చూడవచ్చు ??

పర్యాటకులు, స్థానిక ప్రజలు ఇచ్చే నగదు విరాళాలతో ఖీచన్లో ఏర్పాటైన కుర్జ సంరక్షణ వికాస సంస్థ, పక్షి చుఘ ఘర్ ఈ వలస పక్షుల భద్రత, రక్షణ నిర్వహిస్తుంది. ఈ పక్షులను రక్షించే ధ్యేయంతో మార్వారీ కొంగల ఫౌండేషన్ ను కూడా నెలకొల్పారు.

ఖీచన్ ఎలా చేరుకోవాలి ?

ఖీచన్ కు వాయు, రైలు మరియు రోడ్డు మార్గాల ద్వారా సులభంగా చేరుకోవచ్చు.

వాయు మార్గం : జోధ్‌పూర్ విమానశ్రయం, ఖీచన్ కు 150 కిలోమీటర్ల దూరంలో ఉన్న సమీప విమానాశ్రయం. ఇక్కడి నుండి ట్యాక్సీ ల ద్వారా ఖీచన్ కు చేరుకోవచ్చు. ఈ ఏర్ పోర్ట్ న్యూఢిల్లీ ఇందిరాగాంధీ అంతర్జాతీయ విమానాశ్రయం, జైపూర్ సంగనేర్ విమానాశ్రయం తో బాగా అనుసంధానించబడింది.

రైలు మార్గం : ఫలోది రైల్వేస్టేషన్, ఖీచన్ కు సమీపంలో 4.5 కిలోమీటర్ల దూరంలో ఉంది. ఈ స్టేషన్ ఢిల్లీ - జేవాకర్, బికనేర్ - జైసల్మేర్ ల బ్రాడ్ గేజ్ లైన్ మార్గంలో ఉంది. ఈ రైల్వేస్టేషన్ నుండి జోధ్‌పూర్, జైసల్మేర్, ఢిల్లీ లకు రైళ్ళు ఉన్నాయి.

రోడ్డు మార్గం : ఖీచన్, రాజస్తాన్ లోని ఇతర ప్రాంతాలకు చక్కటి రోడ్డు మార్గాన్ని కల్గిఉంది. జోధ్‌పూర్ నుండి ప్రభుత్వ బస్సులు, ప్రవేట్ బస్సుల్లో ఎక్కి ఖీచన్ చేరుకోవచ్చు. సమీప పట్టణమైన ఫలోది నుండి ఆటో రిక్షాలు, ప్రవేట్ వాహనాలు సరసమైన ధరకే అందుబాటులో ఉంటాయి.

ఖీచర్ రైలు మార్గం

చిత్ర కృప : Daniel Villafruela.