భారతదేశానికి ఎంతో ఘన చరిత్ర ఉంది. పురాణ కాలంతో పాటు చారిత్రాత్మకంగా ప్రసిద్ధి చెందిన ఎన్నో కట్టడాలను మనం ఈ దేశంలో చూడవచ్చు. అందులో కొన్ని అప్పటి శిల్పకళా వైభవానికి నిదర్శనాలుగా చెబుతారు. మరికొన్నింటిని అటప్పటి యుద్ద నైపుణ్యాలకు నిలయంగా నిర్మించారు. అటువంటి కోవకు చెందినదే కుంబల్ ఘర్ కోట. ఈ కోటకు సంబంధించిన వివరాలన్నీ మీ కోసం.
కుంబల్ఘర్ కోట, రాజస్థాన్
P.C: You Tube
కుంబల్ ఘర్ కోట సముద్రమట్టానికి దాదాపు 1100 మీటర్ల ఎత్తులో ఉంటుంది. ఆరావళి పర్వతాల పై 15వ శతాబ్దంలో దీనిని నిర్మించారు. ఈ కోటను నిర్మించినది రాణా కుంభ. ఆయన పేరుమీదనే ఈ కోటకు కుంబల్ ఘర్ కోట అని పేరువచ్చింది. ఈ కోట రాజస్థాన్లోని ప్రముఖ పర్యాటక కేంద్రం ఉదయ్పుర్కు 82 కిలోమీటర్ల దూరంలో ఉంటుంది.
కుంబల్ఘర్ కోట, రాజస్థాన్
P.C: You Tube
దీనిని ప్రపంచ వారసత్వ సంపదగా యునెస్కో ప్రకటించింది. ఈ కోటకు అనేక విశిష్టతలు ఉన్నాయి. గ్రేట్ వాల్ ఆఫ్ చైనా ప్రపంచంలోనే పొడవు విషయంలో మొదటి స్థానంలో ఉంటే ఈ కుంబల్ ఘర్ కోట రెండో స్థానంలో ఉంటుంది. ఈ కోట మొత్తం పొడవు 36 కిలోమీటర్లు.
కుంబల్ఘర్ కోట, రాజస్థాన్
P.C: You Tube
వెడల్పు 15 అడుగులు. ఈ కోట రాజస్థాన్ శిల్పకళావైభవానికి నిదర్శనమని చెబుతారు. ఈ కోటలో ఏడు ప్రధాన ద్వారాలు ఉన్నాయి. అదేవిధంగా అత్యంత సుందరమైన భవనాలు కూడా ఈ కోటలోపల ఉన్నాయి. ఇందులో బాదల్ మహల్ అత్యంత ముఖ్యమైనది. దీనిని రాణా పతేహ్ సింగ్ నిర్మించినట్లు చెబుతారు.
కుంబల్ఘర్ కోట, రాజస్థాన్
P.C: You Tube
ఈ కోటలోపల మెట్ల మార్గాలు చాలా చీకటిగా ఉంటాయి. శత్రుసైనికులను గందరగోళంలో పడేయడానికే ఈ ఏర్పాట్లని నిపుణులు చెబుతారు. ఈ కోట ప్రధాన ద్వారం వద్దకు చేరుకోవడానికి సుమారు ఒక కిలోమీటరు పొడవున్న మెట్లమార్గాన్ని అనుసరించాలి. ఈ కోట గోడ నిర్మించడానికి సంబంధించి అనేక స్థానిక కథనాలు వినిపిస్తాయి.
కుంబల్ఘర్ కోట, రాజస్థాన్
P.C: You Tube
రాణా కుంభ ఈ కోటను నిర్మించడానికి అనేకసార్లు ప్రయత్నించి విఫలమయ్యాడు. అటు పై బాడీ బాను సంప్రదించి అతను చెప్పినట్లు విని ఈ కోటను నిర్మించాడు. ఇందుకు సంబంధించిన ఆధారాలు లేకపోయినా స్థానికులు మాత్రం ఇందుకు సంబంధించి అనేక కథనాలు వినిపిస్తారు. ఈ కోటను సందర్శించడానికి చాలా మంది నవంబర్ నుంచి ఫిబ్రవరి మధ్య కాలంలో వస్తారు.
కుంబల్ఘర్ కోట, రాజస్థాన్
P.C: You Tube
అప్పుడు ఇక్కడ వాతావరణం చాలా ఆహ్లాదకరంగా ఉండటమే ఇందుకు కారణం. ముఖ్యంగా ఈ కోట పైన బాదల్ మహల్ వద్దకు చేరుకొంటే మేఘాల్లో తేలిపోయినట్లు ఉంటుంది. కుంభల్ ఘర్ కోట చుట్టూ ఉన్న అభయారణ్యం ప్రక`తి ప్రేమికులకు మంచి ఆటవిడుపు. ఇక్కడ సఫారీ కూడా అందుబాటులో ఉంటుంది. ఇక్కడ అంతరించే స్థితికి చేరుకొన్న ఎన్నో జంతువులను మనం చూడవచ్చు. మొత్తం ఈ కుంబల్ ఘర్ పర్యన అటు చరిత్రలో తొంగిచూసినట్లు ఉండటమే కాకుండా ఇటు ప్రక`తితో మమేకం కావడానికి కూడా ఎంతగానో తోట్పడుతుంది.