నాగర్ కోయిల్ - నాగరాజ దేవాలయం !

నాగరాజ దేవాలయం

నాగర్ కోయిల్ పట్టణంలో నాగరాజ దేవాలయం తప్పక దర్శించాలి. ఈ కోవెల్ పేరుమీదనే పట్టణానికి ఆపేరొచ్చింది. ఆలయంలో ఆనంద కృష్ణ మరియు నాగరాజ రెండు ప్రధాన దైవాలుగా ఉన్నారు. భక్తులు పసుపు మరియు పాలతో విగ్రహాలను అభిషేకిస్తారు.

చిత్ర కృప : Infocaster

నాగరాజ దేవాలయం

నాగరాజ గుడి ముందు భాగంలో పెద్ద కోనేరు ఉంది. ఇందులో భక్తులు స్నానాలు ఆచరించి నాగరాజను దర్శిస్తారు. కోనేరు పక్కనే పెద్ద దిమ్మె మీద చాలా నాగరాజ ప్రతిమలు ఉన్నాయి. ఈ గుడిలో ఎక్కడ చూసిన నాగరాజ ప్రతిమలే కనిపిస్తాయి.

చిత్ర కృప : Shareef Taliparamba

నాగరాజ ఆలయం - ప్రత్యేకత

నాగరాజ గర్భాలయంలో వూరు నీటి ఊట లోని నీటిని తీర్థముగా ఇస్తారు. ఈ నీటిఊటలోని ఇసుక సంవత్సరంలో సగభాగం తెల్లగా మరియు మిగిలిన సగభాగం నల్లగా ఉంటుంది.

చిత్ర కృప : Meenkulambu

ఆలయంలో ఇతర ఆకర్షణలు

ఈ ఆలయంలో నాగ దేవతలతో పాటు జైన తీర్ధాంకులైన మహావీర, పార్శ్వనాథ మందిరాలు ఉన్నాయి. ముఖ ద్వారంపై బుద్ధ విహారం లోని చైనా శిల్పకళ అబ్భురపరుస్తుంది.

చిత్ర కృప : Meenkulambu

ఒలకరువి జలపాతాలు

నాగర్ కోయిల్ నుండి 20 కిలోమీటర్ల దూరంలో ఉన్న ఒలకరువి జలపాతాలు ప్రసిద్ధ పర్యాటక గమ్యస్థానంగా ఉన్నాయి. తరచూ కన్యాకుమారికి వచ్చే దేశ, విదేశీ పర్యాటకులు ఈ జలపాతాలను తప్పక సందర్శిస్తారు.

చిత్ర కృప : telugu native planet

ఒలకరువి జలపాతాలు

స్థానికుల కథనం మేరకు ఒలకరువి జలపాతాలు దివ్య ఔషధ గుణాలు కలిగి ఉందని చెబుతారు. ఈ నీళ్ళల్లో స్నానం చేస్తే చర్మవ్యాధులు, మోకాళ్ల నొప్పులు, కీళ్ల నొప్పులు, కండరాల నొప్పులు తగ్గిపోతాయని అభిప్రాయం.

చిత్ర కృప : Niran V V Follow

తోటలు

నాగర్ కోయిల్ పట్టణంలో ఏలకులు, లవంగాల తోటలు అధికంగా ఉన్నాయి. స్వాతంత్య్రం రాకముందు బ్రిటీష్ వారు ఇక్కడ స్థిరపడి తోటలను సాగుచేసేవారు. మీరు ఈ తోటల ప్రాంతానికి చేరుకోగానే ఏలకుల సువాసన గుబాళిస్తుంది.

చిత్ర కృప : Sahaya Minu Anish

నాగర్ కోయిల్ ఎలా చేరుకోవాలి ?

విమానం ద్వారా : త్రివేండ్రం ఎయిర్ పోర్ట్ 80 km ల దూరంలో కలదు.

రైలు ద్వారా : కన్యాకుమారి రైల్వే స్టేషన్ 20 కిలోమీటర్ల దోరంలో కలదు.

రోడ్డు ద్వారా : త్రివేండ్రం, తిరునల్వేలి, కన్యాకుమారి మరియు సమీప పట్టణాల నుండి నాగర్ కోయిల్ కు బస్సులు నడుస్తాయి.

చిత్ర కృప : Kkdrua