లక్ష్యం లేని ప్రయాణం మీ అభిరుచి అయితే ఈ మార్గాలు మీకు ఆహ్వానం పలుకుతున్నాయి.

బెంగళూరు టు కన్నూర్

P.C: You Tube

బెంగళూరు నుంచి అటు ఉత్తరం వైపు వెళ్లాలన్నీ, ఇటు దక్షిణం వైపు వెల్లాలన్నా ఎన్నో మార్గాలు రారమ్మని ఆహ్వానిస్తున్నాయి. ముఖ్యంగా పశ్చిమ కనుమలను పలకరిస్తూ మేఘాలలో తేలిపోతూ బైక్ పై రయ్ మంటూ సాగిపోవడం యువతకు మంచి అనుభూతిని ఇస్తుంది. ఇటువంటి మార్గాల్లో బెంగళూరు కన్నూర్ ఒకటి. మొత్తం 320 కిలోమీటర్ల ప్రయాణ మార్గంలో ఎన్న ప్రాంతాలను చూసి రావచ్చు.

ముంబై నుంచి త్రివేండ్రం

P.C: You Tube

మొత్తం ప్రయాణ మార్గం 1700 కిలోమీటర్లు. ప్రయాణ సమయానికి 27 గంటలు పడుతుంది. నేషనల్ హైవే 44, 48 లు ప్రయాణానికి అనుకూలంగా ఉంటాయి. ఈ వర్షాకాలంలో చిటపట చినుకులు పడే సమయంలో ముందుకు సాగిపోవడం యువతకు ఎంతో ఇష్టం. ఒకవేళ అంత దూరం ప్రయాణం చేయడం ఇబ్బంది అనుకూన్నా మధ్యలోనే మీరు వెనుదిరగవచ్చు. ఈ మార్గంలో అలప్పి, గోవా, కొచ్చిన్ వంటి అందమైన పర్యాటక ప్రాంతాలను పలకరించవచ్చు.

బెంగళూరు టు మున్నార్

P.C: You Tube

బెంగళూరు నుంచి మున్నార్ ప్రయాణ దూరం 480 కిలోమీటర్లు. అందువల్ల ఈ మార్గం మొత్తం బైక్ పై వెళ్లాలనుకొంటే దాదాపు 9 గంటల ప్రయాణానికి మీరు సిద్ధపాడాల్సి ఉంటుంది. నేషనల్ హైవే 44 గుండా ప్రయాణం ఆహ్లాదకరంగా ఉంటుంది. ఈ మార్గంలోని పశ్చిమ కనుమలు మీకు కాఫీ, టీ, సుగంధ ద్రావ్యాల తోటల పరిమళాలను అందిస్తాయి.

చెన్నై నుంచి ఎలగిరి

P.C: You Tube

చెన్నై నుంచి ఎలగిరి ప్రయాణం 4 గంటలే. మొత్తం దూరం 200 కిలోమీటర్లు. మీరు ఈ మార్గంలో ఊటిని కూడా పలకరించవచ్చు. ఎలగిరి ప్రముఖ హిల్ స్టేషన్. విశేషం ఏమిటంటే ఈ మార్గంలో కేవలం వర్షాకాలంలోనే కాకుండా ఏ సమయంలోనైనా ప్రయాణం ఆహ్లాదకరంగా ఉంటుంది. ఎన్ హెచ్ 48 లేదా ఎన్ హెచ్ 32 లో ఏ మార్గంలో నైనా ప్రయాణించవచ్చు.

బెంగళూర్ టు పాండిచ్చేరి

P.C: You Tube

వీకెండ్ లో బెంగళూర్ నుంచి పాండిచ్చేరి వెళ్లడం చాలా కాలంగా జరుగుతున్న విషయమే. అయితే ఈ మార్గంలో బైక్ ద్వారా వెళ్లడం ఇటీవల కాలంలో ఎక్కువయ్యింది. ముఖ్యంగా బైకర్స్ క్లబ్, యువత ఈ మార్గంలో ఎక్కువగా ప్రయాణం చేస్తుంటారు. హెన్ హెచ్ 48 లేదా ఎన్ హెచ్ 75 ద్వారా ప్రయాణం మంచి అనుభూతిని ఇస్తుంది.