సెప్టెంబర్, అక్టోబర్ నెలల్లో వచ్చే ఈ పండుగలన్నీ మీకు తెలుసా?

శ్రీ కృష్ణ జన్మాష్టమి

P.C: You Tube

శ్రీ కృష్ణుడి జన్మదినోత్సవాన్ని పురస్కరించుకొని జన్మాష్టమిని నిర్వహిస్తారు. దేశంలోని అన్ని శ్రీ క`ష్ణ ఆలయాలతో పాటు వైష్ణవ ఆలయాల్లో ఈ పండుగను అంగరంగ వైభవంగా జరుపుకొంటారు. ముఖ్యంగా మధుర, బృందావన్ లలో ఈ క`ష్ణుడి జన్మాష్టమి కన్నుల పండువగా జరుగుతుంది. ఈ ఏడాది సెప్టెంబర్ 2న ఈ పండుగ జరుపుకొంటారు.

మొహరం

P.C: You Tube

ముస్లీంలు జరుపుకొనే ఒక బాధాతప్త హ`దయాలతో జరుపుకొనే కార్యక్రమమే మొహరం. కొన్ని రాష్ట్రాల్లో ఈ కార్యక్రమంలో హిందువులూ పాల్గొంటారు. ఈ ఏడాది సెప్టెంబర్ 10న దేశం మొత్తం ఈ పండుగను జరుపుకొంటారు. పండుగ సందర్భంగా శోభయాత్ర నిర్వహిస్తారు.

వినాయక చవితి

P.C: You Tube

దీనినే గణష చతుర్ధశి అని కూడా అంటారు. ఈ ఏడాది సెప్టెంబర్ 12న మొదలయ్యే వినాయక చవితి ఉత్సవాలు దాదాపు 23 వరకూ కొనసాగుతాయి. భారత దేశం మొత్తం ఈ ఉత్సవాలను ఘనంగా నిర్వహిస్తారు. ముఖ్యంగా మహారాష్ట్ర, కర్నాటకలో చవితి ఉత్సవాలు అంబరాన్ని అంటుతాయి.

హర్తాలిక తీజ్

P.C: You Tube

ఉత్తరభారత దేశంలో ముఖ్యంగా రాజస్థాన్, ఉత్తరాఖండ్, ఉత్తరప్రదేశ్, ఝార్ఖండ్, బీహార్ లలో ఈ హర్తాలిక తీజ్ పండుగను జరుపుకొంటారు. తమ పసుపుకుంమలను చల్లగా చూడాలని పెళ్లైనవారు పార్వతి దేవిని పూజిస్తే, తమకు మంచి భర్త రావాలని పెళ్లికాని యువతులు ఆ జగన్మాతను కొలుస్తారు. ఈ ఏడాది సెప్టెంబర్ 12న ఈ హర్తాలికా తీజ్ ను జరుపుకొంటారు.

గాంధీ జయంతి

P.C: You Tube

జాతిపిత మహాత్మాగాంధీ జన్మదినోత్సవాన్ని పురస్కరించుకుని గాంధీ జయంతిని భారత దేశం మొత్తం నిర్వహిస్తారు. ఆ రోజున ప్రభుత్వ కార్యాలయాలకు సెలవు. ముఖ్యంగా ఢిల్లీలోని రాజ్ ఘాట్ లో గాంధీ జయంతిని వేడుకగా జరుపుతారు. ప్రతి ఏడాది అక్టోబర్ 2 గాంధీ జయంతి

నవరాత్రి లేదా దుర్గా పూజా

P.C: You Tube

నవరాత్రి ఉత్సవాలను తొమ్మిది రోజుల పాటు దేశం నలుమూలలా అంగరంగ వైభవంగా నిర్వహిస్తారు. దుర్గా పూజ ఈ పండుగలో ప్రధాన ఘట్టం. చేపట్టిన పనుల్లో విజయం చేకూరాలని కోరుతూ ఈ పండుగను నిర్వహించడం తరతరాలుగా హిందూ సంస్క`తిలో భాగంగా వస్తోంది. ఈ ఏడాది అక్టోబర్ 15న ప్రారంభమయ్యే నవరాత్రి ఉత్సవాలు అదేనెల 19న ముగుస్తాయి.

కోట దసరా

P.C: You Tube

రాజస్థాన్ లోని కోట ప్రాంతంలో దసరాను నిర్వహిస్తారు. విజయదశమి చివరి రోజున సాధారణంగా ఈ ఉత్సవాన్ని నిర్వహిస్తారు. ఎతైన రావణుడి విగ్రహాన్ని దహనం చేయడం ఈ పండుగ ఇక్కడ ప్రత్యేకత. అందంగా అలంకరించిన ఏనుగులను కూడా ఊరేగిస్తారు. ఈ ఏడాది అక్టోబర్ 19న ఈ ఉత్సవాన్ని కోట ప్రాంతంలో నిర్వహిస్తారు.

విజయదశమి

P.C: You Tube

నవరాత్రి ఉత్సవాల చివరి రోజున దసరా పండుగను భారత దేశం నలుమూలలా నిర్వహిస్తారు. దీనినే విజయదశమి అని కూడా పేర్కొంటారు. రాముడు రావణుడి పై గెలిచిన సందర్భాన్ని పురస్కరించుకుని ఈ పండుగను ఆచరించడం తరతరాలుగా వస్తోంది. ఈ ఏడాది అక్టోబర్ 19న ఈ పండుగను నిర్వహిస్తారు.

మైసూరు దసరా

P.C: You Tube

ప్రపంచం మొత్తం ఆసక్తిగా ఎదురు చూసేది మైసూరు దసరా గురించే. చాముండేశ్వరిని బంగారు అంబారీ పై ఊరేగిస్తారు. తొమ్మిది రోజుల పాటు ఈ మైసూరు ఉత్సవాలు జరుగుతాయి. అయితే పదవరోజు జరిగే జంబూసవారీని చూడటానికి దేశం నలుమూలల నుంచి కూడా పెద్ద సంఖ్యలో పర్యాటకులు ఇక్కడికి హారవుతారు. ఈ ఏడాది జంబూసవారి అక్టోబర్ 19న నిర్వహిస్తారు.

అశ్వపూజ

P.C: You Tube

నవరాత్రి చివరి రోజున మేవాడ్ రాజులు ఈ అశ్వపూజను నిర్వహిస్తారు. ఉదయ్ పూర్ లో జరిగే ఈ ఉత్సవానికి పెద్ద సంఖ్యలో భక్తులు హాజరవుతారు. తరతరాలుగా ఈ ఉత్సవాన్ని ఉదయ్ పూర్ రాజవంశానికి చెందినవారు నిర్వహిస్తూ వస్తున్నారు.