తేజ్ పూర్ లో బహుముఖ పర్యాటకం

భౌగోళికంగా తేజ్ పూర్ లో చాలా మైదానాలు, పర్వత దృశ్యాలు, బ్రహ్మాండమైన నది వున్నాయి. ప్రకృతి ఇక్కడ వైభవంగా వుంటుంది. బ్రహ్మపుత్ర నది అందరినీ అలరిస్తుంటే, సోనిట్ పూర్ జిల్లా ను నగవోన్ జిల్లాకు కలిపే 3015 మీటర్ల పొడవుండే కొలియా భోమోరా వంతెన కూడా అచ్చెరువొందిస్తుంది. నగరంలోని సుప్రసిద్ధ అగ్ని ఘర్ వల్ల తేజ్ పూర్ పర్యాటకం మరింత ఆకర్షణీయం అవుతుంది. అగ్ని ఘర్ పై నుంచి నగరం మొత్తాన్ని చూడవచ్చు.

తేజ్ పూర్ లోని ఆసక్తికర పర్యాటక కేంద్రాలు

పర్యాటకులకు ఆసక్తికరంగా వుండే భైరవి దేవాలయం, కోల్ పార్క్, కొలియా భోమోరా వంతెన, పదు౦ పుఖూరి లాంటి వాటితో పాటు కేతకేశ్వార్ దేవల్, మహాభైరవ్ దేవాలయం, రుద్ర పాద, నాగ శంకర్ దేవాలయం లాంటి కొన్ని శివాలయాలు కూడా చూడదగ్గవి.

చరిత్ర, పురాణాల్లో తేజ్ పూర్

పురాణ గాధల ప్రకారం శ్రీ కృష్ణుడి మనుమడు అనిరుద్ధుడికి, బాణాసురుడి కూతురు ఉష కు మధ్య జరిగిన ప్రేమాయణానికి ఈ నగరం సాక్షి. అయితే, వీళ్ళ ప్రేమ గురించి తెలిసిన బాణాసురుడు, యువరాజును బంధించాడు. అగ్రహోదగ్రుడైన శ్రీ కృష్ణుడు అతని రాజ్యాన్ని ముట్టడించి ఘోరమైన యుద్ధం చేసాడు. ఇక్కడ జరిగిన తీవ్రమైన రక్త పాతం వల్ల ఈ ప్రాంతాన్ని తేజ్ పూర్ లేదా ‘ రక్త నగరం’ అని పిలుస్తారని భావిస్తారు.

ఆధునిక తేజ్ పూర్ మాత్రం 1835 లో బ్రిటిష్ వారు ఈ నగరాన్ని దరాంగ్ జిల్లా కేంద్రంగా మార్చాక వెలుగులోకి వచ్చింది. వ్యూహాత్మక స్థితి వల్లా, అరుణాచల్ ప్రదేశ్ కు దగ్గరగా వుండడం వల్లా ఇక్కడ వాయు సేన, ఆర్మీ జవాన్ల ఉనికి వుంటుంది. వాయు సేనకు ఇక్కడ సుఖోయ్ బేస్ కూడా వుంది (ఇలాంటివి భారత దేశంలో రెండే వున్నాయి – ఒకటి పూణే లో వుంది)

తేజ్ పూర్ – అస్సాం కు సాంస్కృతిక రాజధాని

సాంస్కృతికంగా తేజ్ పూర్ కు చాలా పేర్ల తో అనుబంధ౦ వుంది. ప్రఖ్యాత తొలి అస్సామీ సినీ నిర్మాత జ్యోతి ప్రసాద్ అగర్వాలా, విప్లవ గాయకుడు కళా గురు బిష్ణు ప్రసాద్ రాభా, ప్రసిద్ధ నిర్మాత, నటుడు, ఫణి శర్మ ఇక్కడే జన్మించారు. ఈ నగరాన్ని అస్సాం కు సాంస్కృతిక రాజధానిగా పిలుస్తారు.

తేజ్ పూర్ ఎలా చేరుకోవాలి ?

నిత్యం కోల్కతా, సిల్చార్ లకు విమానాలు తిరిగే చిన్న విమానాశ్రయం తేజ్ పూర్ లో వుంది. రంగియా, రంగపరా లకు మాత్రమె వెళ్ళే రైళ్ళు నడిచే ఒక రైల్వే లైన్ కూడా ఇక్కడ వుంది. అయితే, అస్సా౦ లోని అన్ని ప్రాంతాలకు వెళ్ళే రోడ్డు మార్గాలు తేజ్ పూర్ నగరానికి కీలకం.

తేజ్ పూర్ వాతావరణం

తేజ్ పూర్ లో సాధారణంగా భారీ వర్ష పాతం వుంటుంది. ఇక్కడ తీవ్రమైన వేసవి తో పాటు ఆహ్లాదకరమైన శీతాకాలాలు వుంటాయి.

శీతాకాల సమయంలో ఉష్ణోగ్రత 36 డిగ్రీల వరకు పెరుగుతుంది, ఉష్ణోగ్రత షుమారు 7 డిగ్రీల తక్కువకు పడిపోతుంది. వర్షాకాలంలో ఈ నగరంలో భారీవర్షాలు ఉంటాయి.