సూర్యాస్తమయాల మాయాజాలం చూద్దాం

కన్యాకుమారి

P.C: You Tube

భారతదేశ భూ భాగం దక్షిణ భారత దేశంలో కన్యాకుమారి వద్ద ముగుస్తుంది. ఈ ప్రదేశంలో అరేబియా సముద్రం, బంగాళాఖాతం, హిందూ మహాసముద్రం మూడు ఒక చోట కలిసి ఒక అనిర్వచనీయమైన ప్రక`తి చిత్రాన్ని అందంగా గీస్తాయి. ఇక ఆ చిత్రానికి తుది మెరుగులు అస్తమించే సూర్యుడు దిద్దుతాడు. అందువల్లే ఇక్కడ సూర్యాస్తమయం చూడటానికి ఎక్కవ మంది పర్యాటకులు ఆసక్తి చూపిస్తారు.

తాజ్ మహల్

P.C: You Tube

ప్రేమకు చిహ్నం తాజ్ మహల్ అన్న విషయాన్ని ప్రత్యేకంగా చెప్పక్కర్లేదు. అయితే ఇక్కడ సూర్యోదయం, సూర్యాస్తమయాలు చాలా అందంగా కనిపిస్తాయి. అందువల్లే ఆ సమయంలో ఎక్కువ మంది పర్యాటకులు ఈ పర్యాటక కేంద్రంలో మనకు కనిపిస్తారు.

కోవలం బీచ్

P.C: You Tube

సాగర తీరాల్లో సయ్యాటలు ఆడటానికి మాత్రమే బీచ్ లు అన్న నమ్మకం నుంచి బయటికి రావడానికి కోవలం బీచ్ సరైన ఎంపిక. పామ్ చెట్ల సందుల్లోనుంచి సూర్యాస్తమయాన్ని చూడటం జీవితంలో మరిచిపోలేని అనుభూతిని మిగులుస్తుంది.

లడక్

P.C: You Tube

సూర్యుడు అలా అస్తమించే సమయంలో ఆయన కిరణాలు పంచు పర్వతాల పై పడి సప్త వర్ణాలు ప్రకాశింపచేయడం చూడాల్సిందేకాని చెప్పడానికి మాటలు చాలవు.

ఫోర్ట్ కొచ్చిన్

P.C: You Tube

సూర్యుడు అస్తమిస్తూ మనసుకు ఆహ్లాదాన్ని కలిగించే ప్రక`తి చిత్రాన్ని మనకు అందిస్తాడనుకొంటే అందుకు బోనస్ గా కొన్ని ప్రాంతాలు మనకు మరింతే ఆహ్లాదాన్ని తీసుకువస్తాయి. ఆ కోవకు చెందినదే ఫోర్ట్ కొచ్చిన్. చైనీస్ నెట్స్ బ్యాక్ డ్రాప్ లో సూర్యాస్తమయం ఇక్కడ ప్రత్యేకం.

వారణాసి ఘాట్స్

P.C: You Tube

అధ్యాత్మిక నగరంగా మాత్రమే వారణాసికి పేరు. అయితే ఈ ప్రాచీన నగరం ప్రక`తి అందాలకు కూడా నిలయమే. ముఖ్యంగా గంగానది ఒడ్డున ఉండే ఘాట్ వద్ద నిలబడి సూర్యాస్తమయాలు చూడటం మరిచిపోలేని అనుభూతిని మిగులుస్తుంది.

వార్కలా, కేరళ

P.C: You Tube

కేరళలో పర్వత శిఖరాలు అరేబియా సముద్రానికి అత్యంత దగ్గరగా ఉన్న ప్రాంతం వార్కలా. చాలా మంది పర్యాటకులు ఇక్కడ సూర్యాస్తమయాన్ని చూడటానికే వెలుతారు.

దాల్ లేక్, శ్రీనగర్

P.C: You Tube

శ్రీనగర్ లో చూడదగిన పర్యాటక ప్రాంతాల్లో దాల్ సరస్సు ప్రముఖమైనది. అయితే ఇక్కడ సూర్యాస్తమయం చూడటం మాత్రం ఎట్టి పరిస్థితుల్లోనూ మిస్ చేసుకోకండి. లేదంటే మీ శ్రీనగర్ పర్యటన పరిసమాప్తం కాదు.