సానాసర్ - సుందర దృశ్యభరిత ప్రదేశం !

శంకర్ పాల్ ఆలయం

సముద్రమట్టానికి 2800 మీటర్ల ఎత్తున పర్వత పంక్తి పై శంకర్ పాల్ ఆలయం కలదు. ఇక్కడికి చేరుకోవటానికి అటు ఇటు 5 గంటల సమయం పట్టవచ్చు. ఈ ఆలయం 400 సంవత్సరాల క్రితం నాటిదని చెబుతారు. ఆలయ ప్రధాన దేవత నాగ్ శంక్ పాల్. సున్నం లేకుండా నిర్మించటం ఈ ఆలయ ప్రత్యేకత.

చిత్ర కృప : Bharat Singh Bhadwal

లాడూ లాడి

లాడూ లాడి అంటే 'అబ్బాయి అమ్మాయి' అని అర్థం. ఇదొక పర్వత శిఖరం పేరు. పర్వతారోహణ మార్గం ద్వారా పర్యాటకులు ప్రసిద్ధి చెందిన మధ్య తోప్ నుండి ప్రారంభమయ్యే 4 కి. మీ ల పొడవైన దారి గుండా ఇక్కడికి చేరుకోవచ్చు.

చిత్ర కృప : sandeepachetan.com travel photography

శాంతా గాలా శిఖరం

శాంతా శిఖరం పై న ఉన్న శాంతా గాలా, పంచారి లోయ యొక్క విస్తృత దృశ్యం గల కనుమ. శాంతా గాలా కనుమ లాండర్ ప్రదేశానికి దారితీస్తుంది. మీరు ఇక్కడికి చేరుకోవటానికి 5 గంటల సమయం పడుతుంది.

చిత్ర కృప : Mohd Junaid Ali

సుర్ని కుండ్

సుర్ని కుండ్ అనేది ఒక చెరువు పేరు. ఇది శంకర్ పాల్ ఆలయానికి 2 కి.మీ ల దూరంలో, శంకర్ పాల్ పర్వత పంక్తి పై కలదు. సానాసార్ నుండి కష్టతరమైన పర్వతారోహణ మార్గం గుండా సుర్ని కుండ్ చేరుకోవటానికి 7 గంటల సమయం పట్టవచ్చు.

చిత్ర కృప : Jammu Redefining

పర్వతారోహణ

పర్వతారోహణకు సానాసార్ అనువైన ప్రదేశం. ప్రయాణ సమయంలో యాత్రికులు, జమ్మూ కాశ్మీర్ పర్యాటక అభివృద్ధి సంస్థ (జమ్మూ కాశ్మీర్ టూరిజం డెవలప్మెంట్ కార్పొరేషన్- జె.కె.టి.డి.సి) నుండి పర్వతారోహణ కరపత్రం తీసుకోవాలి. పర్యాటకులు ఎంపిక చేసుకున్న మార్గా లను బట్టి, పర్వతారోహణకు 3 గంటల నుంచి 7 గంటల సమయం పట్టవచ్చు.

చిత్ర కృప : Extremehimalayan

పర్వతారోహణ

ఒకవేళ యాత్రికులు అలిసిపోయినట్టు భావిస్తే, సహాయకుడు వద్ద అందుబాటులో ఉన్న గుర్రాలను అద్దెకు తీసుకోవచ్చు. అవసరమైన పర్వతారోహణ పరికరాలు పర్యాటక శాఖ వారి దుకాణాలు అందిస్తాయి. ఈ దుకాణాలలో డబ్బు కట్టి పర్యాటకులు పర్వతారోహణ పరికరాలు అద్దెకు తీసుకోవచ్చు.

చిత్ర కృప : Extremehimalayan

సానాసర్ ఎలా చేరుకోవాలి ?

రోడ్డు మార్గం : జమ్మూ నుండి మరియు సమీప ప్రాంతాల నుండి సానాసార్ కు పలు ప్రభుత్వ / ప్రవేట్ బస్సులు తిరుగుతుంటాయి.

రైలు మార్గం : జమ్మూ తావీ సమీప రైల్వే స్టేషన్. ఇది 125 కిలోమీటర్ల దూరంలో కలదు. సానాసర్ చేరుకోవటానికి పర్యాటకులు స్టేషన్ బయట బస్సులు, టాక్సీ లలో ప్రయాణించవచ్చు.

విమాన మార్గం : జమ్మూ విమానాశ్రయం సానాసర్ 122 km ల దూరంలో కలదు. ఢిల్లీ, ముంబై, చండీఘర్, జైపూర్ నగరాల నుండి ఇక్కడికి విమానాలు వస్తుంటాయి. క్యాబ్ లేదా టాక్సీ లలో సానాసార్ చేరుకోవచ్చు.

చిత్ర కృప : 10 Year Itch (Madhu Nair)