దోసకాయ అంటే ఈ గణపతికి ఎందుకంత ఇష్టం?

భారతదేశంలో అనేక దేవాలయాలు ఉన్నాయి. అందులో కర్నాటకలోలని దక్షిణ కన్నడ జిల్లా బెళ్తంగడి తాలూకా కొక్కడలో ఉన్న గణేశ దేవాలయం విశిష్టమైనది. ఈ దేవాలయం అత్యంత మహిమాన్వితమైన గణపతి దేవాలయంగా పేర్కొంటారు. అదే సౌతడ్క మహాగణపతి దేవాయం. ఇది ధార్మిక క్షేత్రంగానే కాకుండా ప్రముఖ పర్యాటక కేంద్రంగా కూడా విరాజిల్లుతోంది. P.C: You Tubeపూర్వం ఇక్కడ గోవులు కాసేవారికి ఒక రాతి గణపతి విగ్రహం దొరికింది. దీంతో వారు ఒక ఎత్తైన అరుగు పై ఆ విగ్రహాన్ని ప్రతిష్టించి పూజించడం మొదలు పెట్టారు. ఆ స్థలమే నేడు సౌతడ్క క్షేత్రమని ప్రసిద్ధి చెందింది. P.C: You Tubeగోవులు కాసేవారు మొదట ఈ గణపతికి నైవేద్యంగా సౌతేకాయి (తెలుగులో దోసకాయి)ని సమర్పించారు. అందుల్లే ఈ ప్రాంతానికి సౌతడ్కే అని పేరు వచ్చింది. ఇప్పటికీ ఇక్కడ దోసకాయిని నైవేద్యంగా సమర్పించే ఆచారం కొనసాగుతూనే ఉంది. P.C: You Tubeమిగిలిన దేవాలయాల వలే ఇక్కడ విగ్రహానికి గర్భగుడి ఉండదు. గోపురం ఉండదు. మండపం కూడా అండదూ. అదే ఇక్కడ విశిష్టత. ప్రక`తి మధ్య ఆ దేవదేవుడు కొలువై ఉంటాడు. P.C: You Tubeఎవరైనా ఇక్కడికి వచ్చి తమ కోరికలను విన్నవించుకొంటే వారి కోర్కెలు మూడు నెలల్లోపు ఖచ్చితంగా నెరవేరుతాయని చెబుతారు. అటు పై వెంటనే ఇక్కడికి వచ్చి ముడుపులుగా గంటను ఇక్కడ చెల్లిస్తారు. ఇలా వేల గంటలను ఇక్కడ మనం చూడొచ్చు. P.C: You Tubeముఖ్యంగా సంతానం కోసం, రుణ విముక్తి కోసం ఎక్కువ మంది ఇక్కడికి వచ్చి దేవదేవుడికి కోరికలను విన్నవించుకొంటూ ఉంటారు. అంతేకాకుండా చాలా మంది భక్తులు తమ సంతానానికి అన్నప్రాస కార్యక్రమాన్ని ఇక్కడే నిర్వహిస్తుంటారు. P.C: You Tubeఈ క్షేత్రంలో దాదాపు 150 నుంచి 200 ఆవులు ఉన్నాయి. వాటికి అటుకులు, బెళ్లంతో చేసిన తీపి పదార్థాన్ని నైవేద్యంగా పెడుతూ ఉంటారు. ప్రతి రోజూ 24 గంటలూ ఈ క్షేత్రాన్ని సందర్శించుకోవచ్చు. P.C: You Tubeప్రముఖ ధార్మిక క్షేత్రం ధర్మస్థలం నుంచి కేవలం 16 కిలోమీటర్ల దూరంలోనే ఈ క్షేత్రం ఉంది. ధర్మస్థలం నుంచి ఈ క్షేత్రానికి నిత్యం బస్సులు వెలుతూ ఉంటాయి. అదే విధంగా మంగళూరు నుంచి 82 కిలోమీటర్ల దూరం ప్రయాణంతో ఈ క్షేత్రాన్ని చేరుకోవచ్చు.