సూర్య గమనాన్ని అనుసరించి పూటకో రూపంలో దర్శనమిచ్చే ఆ దేవత శక్తి ఏమిటో తెలుసా?

ధారి దేవి దేవాలయం

P.C: You Tube

ఉత్తరాఖండ్ రాష్ట్రంలో శ్రీనగర్ లో ప్రవహిస్తున్న అలకనందా నదీ తీరంలో అత్యంత ప్రాచీనమైన ధారాదేవి దేవాలయం ఉంది. ఈ ధారి దేవి అలకనందా నదీ ప్రవాహాన్ని నియంత్రిస్తుందని చెబుతారు. ధారి దేవిని ధర దేవి అని కూడా పిలుస్తారు.

అలకనంద

P.C: You Tube

ఈ దేవత చల్లని చూపువల్లే అలకనందా నదీ చాలా ప్రశాంతంగా ప్రవహిస్తూ భక్తులకు ఎటువంటి ఆపద తలెత్తనీయకుండా చేస్తుందని స్థానిక భక్తులే కాకుండా హిందూ భక్తులు కూడా నమ్ముతారు. ఈ దేవాలయం సుమారు 8వ శతాబ్దం నుంచి ఇక్కడే ఉందని చెబుతారు.

సిద్ధపీఠం

P.C: You Tube

ఇక ఇక్కడ వెలిసిన ధారా లేదా ధరా అమ్మవారి గురించి ప్రస్తావన మన పురాణాల్లో కూడా ఉంది. ఈ దేవత ప్రస్తావన ముఖ్యంగా మహాభారతం లో ఉంది. ఇక భాగవతంలో ఈ దేవాలయాన్ని సిద్ధపీఠం అని కూడా ప్రస్తావించారు.

108 శక్తి పీఠం

P.C: You Tube

ఇక్కడ సాక్షాత్తు మహాకాళీ ధరా దేవి రూపంలో ఉండటం వల్ల అమ్మవారు అత్యంత ప్రభావంతమైన, శక్తివంతమైన దేవతగా మహాభాగవతంలో పేర్కొన్నారు. భారత దేశంలోని 108 శక్తి పీఠాల్లో ఇది కూడా ఒకటిని చెబుతారు.

ఉగ్రస్వరూపిణి

P.C: You Tube

ఈ ధరా దేవిని ఉగ్రస్వరూపిణి అని పేర్కొంటారు. ఈ దేవి చల్లని చూపు మన పై ఉంటే జీవితంలో అనుకొన్న లక్ష్యాలన్నీ నెరవేరుతాయని చెబుతారు. అయితే ఆమె మన పై ఆగ్రహం వ్యక్తం చేస్తే మాత్రం అనేక కష్టనష్టాలను ఎదుర్కొనాల్సి వస్తుందని చెబుతారు.

కేదారనాథ

P.C: You Tube
క్రీస్తుశకం 1882లో ఇస్లాం రాజు ఒకరు ఈ ప్రాంతాన్ని నాశనం చేసి ఇక్కడ ఒక మసీదును నిర్మించాలని చూశారు. దీంతో ఆ సమయంలో కేదారనాథ ప్రాంతంలో వరదలు ముంచెత్తాయి. పర్వత శిఖర భాగాలు కరిగి ప్రవహించసాగాయి. వేల మంది చనిపోయారు.

అదే నమ్మకం.

P.C: You Tube

దీంతో ఆ ముస్లీం పాలకుడు ఈ ఆలయాన్ని ధ్వంసం చేయాలనే ఆలోచనను పక్కనపెట్టాడు. అంతేకాకుండా అప్పటి నుంచి ఎవరూ కూడా ఈ దేవాలయం జోలికి వెళ్లలేదని చెబుతారు.

గోపురం ఉండదు.

P.C: You Tube

సాధారణంగా హిందూ దేవాలయాలకు గర్భగుడి దాని పై గోపురం ఉంటుంది. అయితే ధారి దేవి దేవాలయంలో గర్భగుడి మాత్రమే ఉంది. గోపురం ఉండదు. అదే ఇక్కడి ప్రత్యేకత.

విశిష్ట రూపం

P.C: You Tube

ఇక ఈ క్షేత్రం మహిమ ఏమిటంటే ఈ దేవాయంలోని అమ్మవారు ఉదయం పూట బాలిక రూపంలో, మధ్యాహ్న సమయంలో ప్రౌడ స్త్రీగా, సాయంకాలం సాయంత్రం వృద్ధ మహిళగా దర్శనమిస్తారు. సూర్య గమనాన్ని అనుసరించి అమ్మవారి రూపం మారుతుంది.

శ్రీనగర

P.C: You Tube

ఈ దేవాలయంలో కాళీమాత విగ్రహం కూడా ఉంది. శ్రీ నగర ఎలక్ట్రికల్ ప్రాజెక్టు నిర్మాణం కోసం ఈ ధారా దేవి విగ్రహాన్ని తీసి కొంచెం ఎత్తులో పెట్టాలని ప్రయత్నించారు.

అన్ని ఏర్పాట్లు

P.C: You Tube

ఇందు కోసం దేవాలయాన్ని కొంతవరకూ నేలమట్టం చేయాలని అప్పటి ప్రభుత్వం భావించింది. ఇందుకు అవసరమైన అన్ని ఏర్పాట్లు చేసేసుకొంది. గతంలో జరిగిన సంఘటనలు కూడా వారి ప్రయత్నాన్ని మార్చలేకపోయాయి.

అలా జరిగింది

P.C: You Tube

అలకనందా నదీ జలాశయం దగ్గర నిర్మించదలచిన ఈ ప్రాజెక్టు కోసం ప్రభుత్వం 2013 జూన్ 16 సాయంత్రం ఆరు గంటలకు ఈ దేవాలయంలో కొంత భాగాన్ని పడుగొట్టేశారు.

భోరున వర్షం

P.C: You Tube

అటు పై ఈ ధారి దేవి విగ్రహాన్ని అక్కడి నుంచి వేరేచోటికి మార్పించేశారు. ఈ ఘటన జరిగిన కొన్ని గంటల వ్యవధిలోనే కేదర్నాథ్ లో భోన వర్షం కురిసింది. దాదాపు రెండు గంటల పాటు వర్షం ఆగకుండా పడింది.

వేలమంది

P.C: You Tube

దీంతో చాలా మంది ఆ వరద ప్రవాహంలో చిక్కుకొని ప్రాణాలు కోల్పోయారు. మరికొంతమంది క్షతగాత్రులయ్యారు. ఇక చూస్తున్నట్లుగానే పర్వత శిఖరాలు రాలిపోయాయి. ఇందుకు సంబంధించిన అన్వేషణ ప్రారంభమయ్యింది.

అందువల్లే

P.C: You Tube

ధారాదేవి దేవాలయాన్ని పడగొట్టి అక్కడి అమ్మవారి విగ్రహాన్ని స్థానభ్రంశం కలిగించినందువల్లే ఇలా రెప్పపాటులో భోరున వర్షం కురిసిందని అనేక మంది జ్యోతిష్యాస్త్ర నిపుణులు తేల్చారు.